ယွန်း (NSS) - အောက်တိုဘာ ၂၈

အခြေခံ ရည်ညွှန်းစပါးဈေးကို ကျပ် (၉)သိန်းခွဲသတ်မှတ်လိုက်ခြင်းသည် မြေပြင်ရှိ တောင်သူလယ်သမားများအတွက် နစ်နာမှုများရှိလာနေကြောင်း NSS က စပါးစိုက်လယ်သမားများထံ မေးမြန်းထားချက်များအရ  သိရသည်။

တောင်သူလယ်သမား အခွင့်အရေးကာကွယ်ရေးနှင့် အကျိုးစီးပွားမြှင့်တင်ရေးဦးဆောင်အဖွဲ့က အစိုဓာတ် (၁၄) ရာခိုင်နှုန်း၊ အဖျင်း၊ အမှော်၊ ဖုန်၊သဲ၊ခဲ ကင်းစင်ပြီး အရည်အသွေးဆိုင်ရာ သတ်မှတ်စံချိန် စံညွှန်းများနှင့် ကိုက်ညီသည့် စပါးတင်း (၁၀ဝ)လျှင် အခြေခံရည်òန်းပေါက်ဈေး(၉၅၀ဝဝဝ)ကျပ် သတ် မှတ်လိုက်ကြောင်း ပြီးခဲ့သည့် ရက်ပိုင်းက အသိပေးထားသည်။ ဈေးကွက်ပေါက်ဈေးသည် အခြေခံ ရည်ညွှန်းစပါးဈေးနှုန်းအပေါ်တွင် ဖြစ်ပါက ဈေး ကွက်ပေါက်ဈေးအတိုင်းဝယ်ယူရန်နှင့် ဈေးကွက် ပေါက်ဈေးသည် အခြေခံရည်ညွှန်းစပါးဈေးနှုန်း အောက်တွင် ဖြစ်ပေါ်ပါက အခြေခံဈေးနှုန်းအတိုင်း ဝယ်ယူရန် ထုတ်ပြန်ချက်တွင် ပါရှိသည်။

လက်ရှိ မိုးစပါးရိတ်သိမ်းချိန်ကာလတွင် စပါးတင်း (၁၀ဝ) အတွက် ဈေးကွက်ပေါက်ဈေးမှာ (၁၆)သိန်းခွဲနှင့် (၁၇)သိန်းဝန်းကျင်ရှိနေသော်လည်း အဆိုပါ ပေါက်ဈေးမှာ တောင်သူများအတွက် အရင်းကြေရုံသာရှိကြောင်း သိရသည်။

“သူတို့ပြောတဲ့ (၉)သိန်းခွဲဆိုရင် ဘယ်လိုမှ အဆင်မပြေဘူးလေ။ (၁၆)သိန်း၊ (၁၇)သိန်း ဆိုရင် တောင် နည်းနည်းပဲမြတ်တာလေ။ အရင်းကြေရုံ ပဲရှိတာ။ စပါးမထွက်ရင် ရှုံးတောင်ရှုံးမယ်။ အခုဆိုရင် မိုးတွေကလည်း ရွာနေတော့ စပါးတွေလည်းမရိတ်ရသေးတဲ့သူတွေရှိတယ်။ ဒီကြားထဲမှာ ဈေးမကျသွားရင်တော့ကောင်းတာပေါ့ ” ဟု ဧရာဝတီ တိုင်း မှ လယ်သမားတစ်ဦးက NP News ကိုပြောသည်။ တောင်သူများအနေဖြင့် ဓာတ်မြေဩ ဇာဈေးနှုန်း ကြီးမြင့်ခြင်းအပြင် လုပ်အားခဈေးနှုန်းကြီး မြင့်ခြင်း၊ ရိတ်ခြွေခ ကြီးမြင့်ခြင်းများကိုလည်း ကြုံတွေ့နေရပြီး ထိုသို့ စပါးဈေး(၉)သိန်းခွဲ သက်မှတ်လိုက် ခြင်းသည် ၎င်းတို့အတွက် အဆင်မပြေကြောင်း သုံး သပ်မှုများလည်း ရှိနေသည်။

“ပြီးခဲ့တဲ့ (၄)၊(၅)ရက် လောက်ကတည်း က (၁၉)သိန်းလောက်နဲ့ပေါက်နေတာ။ စပါးဈေးက အခု ဒီရက်တည်းမှာတော့ (၂၁) သိန်း၊ သိန်း (၂၀) လောက် ရတယ်။ (၉)သိန်းနဲ့က တော့ မရဘူးလေ၊ မြေဆီဖိုး၊ ဆီဖိုးတွေ၊ စပါးရိတ်ဖို့ စက်ဖိုးတွေနဲ့တင် တော်တော်ကုန်နေပြီ။ ဒီဈေးနဲ့က တော့ ဘယ်လိုမှမဖြစ်ဘူးပေါ့။ သူတို့ ရည်ညွှန်းဈေး (၉)သိန်းခွဲနဲ့ ဆိုရင်တော့ ဘယ်လိုလုပ်အဆင်ပြေမှာ လဲ။ အခုဆိုရင် ဓာတ်ဆားက (၁)သိန်းခွဲဖြစ်နေပြီ။ ရိတ်ခြွေခ ကလည်း မနှစ်ကထက် (၆၀ဝဝဝ) လောက် တက်တယ်။ ဒီနှစ်က တစ်ဧကကို (၁)သိန်းခွဲဖြစ်နေပြီ။ လူနဲ့ရိတ်တာကလည်း အပြတ် (၁)ဧကကို တစ်သိန်း ပေးရတယ်။ နေ့စားဆိုရင်တောင် တစ်ယောက်ကို (၁၀ဝဝဝ)ပေးရတယ်” ဟု ပဲခူးတိုင်းမှ စပါးစိုက်တောင်သူတစ်ဦးကဆိုသည်။

သို့သော် အချို့ကုန်သည်များမှာ အခြေခံ ရည်òန်းစပါးဈေး ပြောင်းလဲမှုပေါ်မူတည်၍ ဈေး ကွက်‌ပေါက်ဈေးများကို လျှော့ချ၍ ရောင်းဝယ်မှုများလည်း ရှိနေကြောင်း သိရသည်။ပြီးခဲ့သည့် (၂၀၂၃) ခုနှစ်တွင် ဈေးကွက် ပေါက်ဈေးတွင် ဧည့်မထစပါးဈေးနှုန်းမှာ (၁၅) သိန်း မှ သိန်း(၂၀)အထိ ရှိခဲ့ပြီး အခြေခံရည်ညွှန်းဈေး မှာလည်း တစ်တင်းလျှင် (၇၅၀ဝ) ကျပ်သာရှိခဲ့သဖြင့် အခြေခံရည်ညွှန်းဈေးမှာ ဈေးကွက်အတွင်း အရောင်းအဝယ်ပြုလုပ်ရမည့်စပါးဈေးကို ဆိုလိုခြင်းမဟုတ် ကြောင်း မြန်မာနိုင်ငံဆန်စပါးအသင်းချုပ်က အသိ ပေးထားသည်။ လက်ရှိ (၂၀၂၄) ခုနှစ် အောက်တိုဘာလ ကောက်စောစပါးများပေါ်ချိန်တွင် စပါးဈေး များသည် ကွင်းများတွင် စပါးအစို တင်း(၁၀ဝ)လျှင် (၁၅)သိန်းမှ(၁၆)သိန်း ဈေးကွက်ပေါက်ဈေးဖြစ်ပြီး ဆန်စက်များသို့ ခြောက်သွေ့သော စပါးများရောင်း ဈေးသည် (၁၇)သိန်းမှ သိန်း(၂၀) ဝန်းကျင်ဖြစ်ကြောင်းသိရသည်။ အခြေခံပြည်သူများ စားသုံးမှုများ သည့် ဆင်းသုခတစ်အိတ်လျှင် ငွေကျပ် (၈၀ဝဝဝ)ခန့်ရှိနေပြီး ပေါ်ဆန်း ဆန်တစ်အိတ်လျှင် ငွေကျပ်(၂) သိန်းနီးပါးဖြင့် ဝယ်ယူနေရကြောင်း သိရသည်။