ဂျန်ဇက် (NSS) - ဇူလိုင် ၂၀

တိုကျိုမြို့သည် ဂျပန်နိုင်ငံ၏မြို့တော်ဖြစ်ပြီး ကမ္ဘာပေါ်တွင် လူဦးရေအများဆုံးမြို့များထဲမှ တစ်မြို့ဖြစ်သည်။၂၀၂၃ ခုနှစ်အထိ တိုကျိုမြို့တွင် လူဦးရေ(၁၄)သန်းကျော်နေထိုင်ပြီး ကမ္ဘာပေါ်တွင် ဒုတိယမြောက် လူဦးရေအများဆုံးမြို့တော် ဖြစ်ခဲ့သည်။တိုကျိုမြို့နှင့် အိမ်နီးချင်းစီရင်စု(၆)ခု၏ အစိတ်အပိုင်းများပါဝင်သော  Greater Tokyo Area သည် ကမ္ဘာပေါ်တွင် လူဦးရေအများဆုံး မြို့ပြ ဧရိယာဖြစ်ပြီး ၂၀၂၃ ခုနှစ်အထိ နေထိုင်သူဦးရေ (၄၀ ဒသမ ၈) သန်း ရှိကြောင်းသိရသည်။ တိုကျိုပင်လယ်အော်၏ ထိပ်ပိုင်းတွင်တည်ရှိသော တိုကျိုမြို့သည် ဂျပန်နိုင်ငံ၏အကြီးဆုံးကျွန်းဖြစ်သော ဟွန်ရှူ၏အလယ်ပိုင်းကမ်းရိုးတန်းရှိ ကန်တို ဒေသ၏ တစ်စိတ် တစ်ပိုင်းဖြစ်ကြောင်းလည်းသိရသည်။ တိုကျိုမြို့သည် ဂျပန်၏စီးပွားရေး အချက်အချာနေရာဖြစ်ပြီး အစိုးရ နှင့် ဧကရာဇ်နှစ်ဦးစလုံး နေထိုင်ရာမြို့လည်းဖြစ်သည်။ တိုကျိုမြို့ပြအစိုးရသည် မြို့လယ်ရှိ အထူး ရပ်ကွက်(၂၃)ခု အနောက်ဘက်ရှိ ခရီးသွားလာရေး မြို့များနှင့် ဆင်ခြေဖုံးရပ်ကွက်များ၊ တိုကျိုကျွန်းများ ဟု လူသိများသော အစွန်အဖျားရှိ ကျွန်းစုနှစ်ခုကို စီမံခန့်ခွဲကြောင်းသိရသည်။ တိုကျိုကိုမြို့တစ်ခုအဖြစ် ကမ္ဘာ့နိုင်ငံအများစုက အသိအမှတ်ပြုကြသော်လည်း ၁၉၄၃ ခုနှစ်တည်းက ၎င်း၏အုပ်ချုပ်မှုပုံစံသည် စီရင်စုတစ်ခုနှင့်ပိုမိုတူညီခဲ့ကြောင်းလည်းသိရသည်။ တိုကျိုမြို့ရှိထင်ရှားသော အထူးရပ်ကွက်များတွင် ချီရိုဒါရပ်ကွက်၊ National Diet Building အစိုးရရုံး၊ Tokyo Imperial Palace ၊ ရှင်ဂျူကူ ရပ်ကွက်၊ တိုကျိုမြို့အုပ်ချုပ်ရေးစင်တာနှင့် မြို့၏ စီးပွားရေး၊ ယဉ်ကျေးမှုအချက်အချာနေရာဖြစ်သော ရှိဘုယ ရပ်ကွက်တို့ပါဝင်ကြောင်း သိရသည်။ (၁၇)ရာစု မတိုင်မီအချိန်က အီဒိုဟု လူသိများသော တိုကျိုမြို့ သည် တံငါရွာလေးတစ်ရွာဖြစ်ကြောင်းလည်း သိရသည်။ ၁၆၀၃ ခုနှစ်တွင် အဆိုပါရွာလေးသည် တိုကူ ဂါဝါရှိုးဂန်း၏ နေရာတစ်ခုဖြစ်လာသောအခါ နိုင်ငံရေးအရ ထင်ရှားကျော်ကြားလာခဲ့ကြောင်းသိရသည်။ (၁၈)ရာစုအလယ်လောက်တွင် အီဒိုသည် ကမ္ဘာ့အကြီးဆုံးမြို့များထဲမှတစ်မြို့ဖြစ်လာခဲ့ပြီး နေထိုင်သူ (၁)သန်းကျော် ရှိခဲ့ကြောင်းသိရသည်။ ၁၈၆၈ ခုနှစ်တွင် ဧကရာဇ် Meijiက နိုင်ငံရေးပြောင်းလဲမှု ကိုလုပ်ဆောင်ခဲ့ပြီးနောက် ကျိုတိုမြို့ရှိ အင်ပါယာမြို့တော်ကို အီဒိုသို့ ရွှေ့ပြောင်းခဲ့ပြီး တိုကျိုမြို့ဟု ပြန် လည် အမည်ပေးခဲ့ခြင်းဖြစ်သည်။ ၁၉၂၃ ခုနှစ်တွင် တိုကျိုမြို့သည် Great Kant ငလျင်လှုပ်ခတ်မှု ကြောင့် ထိခိုက်ပျက်စီးမှုများ ရှိခဲ့ပြီးနောက်ပိုင်းတွင် ဒုတိယကမ္ဘာစစ်အတွင်း မဟာမိတ်အဖွဲ့များက ဗုံးကြဲတိုက်ခိုက်ခဲ့ခြင်းကြောင့် ဆိုးရွားစွာပျက်စီးခဲ့ကြောင်းသိရသည်။ ၁၉၄၀ ပြည့် နှစ်နှောင်းပိုင်းတွင် တိုကျိုမြို့သည် လျင်မြန်စွာ ပြန်လည်ထူထောင်ရေးနှင့် ချဲ့ထွင်မှုတို့ကိုလုပ်ဆောင်ခဲ့ပြီးနောက် အဆိုပါ ခေတ်တွင် ဂျပန်နိုင်ငံ၏စီးပွားရေးသည် အမေရိကန်ပြီးလျှင် ကမ္ဘာပေါ်တွင် ဒုတိယအကြီးဆုံး ဖြစ်လာခဲ့ ကြောင်းသိရသည်။

၂၀၂၃ ခုနှစ်အထိ တိုကျိုမြို့သည် နှစ်စဉ် Fortune Global ၅၀ဝ တွင်စာရင်းဝင်သော ကမ္ဘာ့ အကြီးဆုံး ကုမ္ပဏီ(၅၀ဝ)ခု အနက် (၂၉)ခု၏ အခြေစိုက်နေရာဖြစ်ခဲ့ကြောင်းသိရသည်။ (၂၀)နှင့်(၂၁) ရာစုများအတွင်း တိုကျိုမြို့သည် ၁၉၆၄ ခုနှစ်တွင် နွေရာသီအိုလံပစ်နှင့် မသန်မစွမ်းအားကစားပြိုင်ပွဲ များကို လက်ခံကျင်းပပေးသည့် အာရှ၏ပထမဆုံး မြို့ဖြစ်လာခဲ့ပြီး ၂၀၂၁ ခုနှစ်တွင် အိမ်ရှင်အဖြစ် ထပ် မံလက်ခံကျင်းပပေးခဲ့ကြောင်းသိရသည်။ ထို့ပြင် တိုကျိုမြို့သည် ၁၉၇၉ ခုနှစ်၊ ၁၉၈၆ ခုနှစ်နှင့် ၁၉၉၃ ခုနှစ်တို့တွင် G7 ထိပ်သီးအစည်းအဝေး(၃)ခုကို လက်ခံကျင်းပခဲ့ကြောင်းလည်းသိရသည်။ တိုကျို မြို့ သည် နိုင်ငံတကာသုတေသနနှင့် ဖွံ့ဖြိုးတိုးတက်မှု အချက်အချာနေရာဖြစ်ပြီး နိုင်ငံတွင်း ထိပ်တန်း တက္ကသိုလ် ဖြစ်သည့် တိုကျိုတက္ကသိုလ် အပါအဝင် အဓိကတက္ကသိုလ်အများအပြားရှိသည့် ပညာရေး စင်တာ တစ်ခုဖြစ်ကြောင်းလည်း သိရသည်။ တိုကျိုဘူတာသည် ရှင်ကန်းဆန်းရထား၊ ဂျပန်၏ မြန်နှုန်း မြင့်ရထားလမ်းကွန်ရက်တို့အတွက် အဓိကအချက်အချာနေရာဖြစ်ပြီး ရှင်ဂျူကူဘူတာရုံသည် ကမ္ဘာပေါ် တွင် အလုပ်အများဆုံး ရထားဘူတာရုံ တစ်ခုဖြစ်ကြောင်းလည်းသိရသည်။ ထို့ပြင် တိုကျိုမြို့သည် ကမ္ဘာ့ အရှည်ဆုံး တာဝါ Tokyo Skytree တည်ရှိသည့်မြို့လည်းဖြစ် ပြီး ၁၉၂၇ ခုနှစ်တွင်စတင်ဖွင့်လှစ်ခဲ့သော Tokyo Metro Ginza Line သည် အာရှ-ပစိဖိတ်ဒေသတွင် ရှေးအကျဆုံး မြေအောက် ရထားလိုင်းလည်း ဖြစ်သည်။ တိုကျိုမြို့သည် ကမ္ဘာပေါ်တွင် နေထိုင်စရာ အကောင်းဆုံးမြို့များထဲမှ တစ်မြို့အဖြစ် သတ်မှတ်ခံထားရပြီး ၂၀၂၁ ခုနှစ်တွင်ထုတ်ပြန်ခဲ့သော Global Livability Ranking တွင် စတုတ္တ အဆင့် ရှိခဲ့ကြောင်းသိရသည်။ နိုင်ငံတကာစစ်တမ်းများစွာတွင် တိုကျိုမြို့သည် ကမ္ဘာပေါ်တွင် ဘေးအန္တရာယ်အ ကင်းဆုံးမြို့တစ်မြို့အဖြစ် အဆင့်သတ်မှတ်ခံထားရကြောင်းလည်းသိရသည်။

စီးပွားရေး

၂၀၂၁ ခုနှစ် ဘဏ္ဍာနှစ်တွင် တိုကျိုမြို့၏ ပြည်တွင်းအသားတင်ထုတ်လုပ်မှုသည် အမေရိကန် ဒေါ်လာ (၁ ဒသမ ဝ၄) ထရီလျံအထိ ရှိခဲ့ပြီး ဂျပန်နိုင်ငံ စုစုပေါင်းစီးပွားရေးထုတ်ကုန်၏ (၂၀ ဒသမ ၇ ) ရာခိုင်နှုန်း ရှိကြောင်းသိရသည်။ ကဏ္ဍအလိုက်ဆိုပါက လက်လီလက်ကား ရောင်းချမှုသည် အကြီးဆုံး ပံ့ပိုးမှုဖြစ်ပြီး ဂျပန်နိုင်ငံ စုစုပေါင်းထွက်ရှိမှု၏ (၂၁ ဒသမ ၅)ရာခိုင်နှုန်းရှိကြောင်း သိရသည်။ လက်လီ လက်ကားရောင်းချမှုနောက်တွင် အိမ်ခြံမြေရောင်းဝယ်ရေး(၁၃ ဒသမ ၅)ရာခိုင်နှုန်း၊ ပရော်ဖက်ရှင်နယ်၊ သိပ္ပံနှင့်နည်းပညာပိုင်း (၁၂ ဒသမ ၂)ရာခိုင်နှုန်း၊ သတင်းအချက်အလက် နှင့် ဆက်သွယ်ရေး(၁၁ ဒသမ ၇) ရာခိုင်နှုန်း၊ ဘဏ္ဍာရေးနှင့် အာမခံလုပ်ငန်း(၇ ဒသမ ၆)ရာခိုင်နှုန်း၊ ကုန်ထုတ်လုပ်မှု(၇)ရာခိုင်နှုန်း၊ ကျန်းမာရေးစောင့်ရှောက်မှု(၆ ဒသမ ၇)ရာခိုင်နှုန်း ရကြောင်းသိရသည်။ စိုက်ပျိုးရေး၊ သစ်တော၊ ငါးဖမ်း လုပ်ငန်း နှင့် သတ္တုတူးဖော်ရေးလုပ်ငန်းတို့၏နှစ်ခုပေါင်းသည် နိုင်ငံ့စီးပွားရေးစုစုပေါင်းထွက်ရှိမှု၏ (ဝ ဒသမ ၁)ရာ ခိုင်နှုန်းသာရှိကြောင်းသိရသည်။ Greater Tokyo Area သည် Greater New York ပြီးလျှင် ကမ္ဘာပေါ်တွင် ဒုတိယအကြီးဆုံးမြို့ပြစီးပွားရေးဖြစ်ပြီး စုစုပေါင်းမြို့ပြထုတ်ကုန်တန်ဖိုးမှာ အမေရိကန်ဒေါ်လာ (၂)ထရီလျံခန့်ရှိကြောင်းသိရသည်။ Greater Tokyo Area ၏ စီးပွားရေးသည် ကနေဒါနိုင်ငံ၏စီးပွားရေးထက် အနည်းငယ် သေးငယ်သော်လည်း မက္ကဆီကိုနိုင်ငံစီးပွားရေးထက် အနည်းငယ်ပိုကြီးကြောင်း နိုင်ငံတကာငွေကြေးရန်ပုံငွေအဖွဲ့ IMF ၏ ခန့်မှန်းချက်များအရသိရသည်။

၂၀၂၃ ခုနှစ်တွင် Fortune Global ၅၀ဝ ကုမ္ပဏီများအနက် (၂၉)ခုသည် တရုတ်ပြီးလျှင် ဒုတိယမြောက် အာရုံအစိုက်ခံရဆုံးဖြစ်သည့် တိုကျိုမြို့ တွင် အခြေစိုက်ခဲ့ကြောင်းလည်းသိရသည်။ ၂၀၂၄ ခုနှစ်တွင် တိုကျိုမြို့မှာ အသားတင်ပိုင်ဆိုင်မှု အမေရိကန်ဒေါ်လာ(၁)သန်းကျော်ရှိသော လူပုဂ္ဂိုလ် (၂၉၈၃၀ဝ)ဦး နေထိုင်ခဲ့ပြီး ကမ္ဘာပေါ်တွင် တတိယမြောက်အများဆုံးဖြစ်ကြောင်း သိရသည်။

ဘဏ္ဍာရေး

တိုကျိုမြို့သည် အဓိကနိုင်ငံတကာဘဏ္ဍာ ရေးစင်တာတစ်ခုဖြစ်ပြီး ကမ္ဘာ့အကြီးဆုံးရင်းနှီးမြှုပ် နှံမှုဘဏ်များနှင့် အာမခံကုမ္ပဏီအများအပြား၏ ရုံး ချုပ်များတည်ရှိရာနေရာတစ်ခုဖြစ်သလို ဂျပန်နိုင်ငံ ၏ သယ်ယူပို့ဆောင်ရေး၊ ထုတ်ဝေရေး၊ အီလက်ထရွန် နစ်နှင့် ရုပ်သံလွှင့်လုပ်ငန်းများအတွက် အချက် အချာ ကျသည့်နေရာတစ်ခုလည်းဖြစ်သည်။ ဒုတိယကမ္ဘာစစ်အပြီးတွင် ဂျပန်နိုင်ငံ၏စီးပွားရေး ပြန်လည် တိုးတက်လာချိန်အတွင်း ကုမ္ပဏီကြီးအများအပြားသည် အစိုးရထံပိုမိုကောင်းမွန်စွာ ဝင်ရောက်ခွင့်ရရန် အတွက် ကြိုးပမ်းမှုအဖြစ် ၎င်းတို့၏ရုံးချုပ်များကို အိုဆာကာ ကဲ့သို့သော မြို့များထံမှ တိုကျိုမြို့သို့ ပြောင်းရွှေ့ခဲ့ကြကြောင်းသိရသည်။ ၁၉၆၀ ပြည့်နှစ်တွင် တိုကျိုသည် ထိပ်တန်းနိုင်ငံတကာဘဏ္ဍာရေး ဗဟိုဌာန (IFC)အဖြစ်ပေါ်ထွက်လာခဲ့ပြီး နယူးယောက်မြို့နှင့် လန်ဒန်တို့နှင့်အတူ ကမ္ဘာ့စီးပွားရေး အတွက် ကွပ်ကဲမှုဌာနသုံးခုအနက်မှ တစ်ခုအဖြစ်ဖော်ပြခံခဲ့ရသည်။ ၂၀၂၀ Global Financial Centers Index အရ တိုကျိုမြို့သည် ကမ္ဘာပေါ်တွင် စတုတ္တမြောက်ပြိုင်ဆိုင်မှုအရှိဆုံး ဘဏ္ဍာရေးအချက်အချာ နေရာတစ်ခုဖြစ်ပြီး အာရှတိုက်တွင် ရှန်ဟိုင်းမြို့ပြီးလျှင် ဒုတိယမြောက်ပြိုင်ဆိုင်မှုအရှိဆုံး ဘဏ္ဍာရေး အချက်အချာနေရာတစ်ခုအဖြစ် အဆင့်သတ်မှတ်ခံထားရကြောင်းသိရသည်။ ထို့ပြင် တိုကျိုစတော့အိတ် ချိန်းသည် ဂျပန်နိုင်ငံ၏ အကြီးဆုံးစတော့အိတ်ချိန်း ဖြစ်ပြီး ဈေးကွက်အရင်းအနှီးတွင် ကမ္ဘာပေါ်၌ တတိ ယအကြီးဆုံးနှင့် ရှယ်ယာတန်ဖိုးအားဖြင့် စတုတ္ထအကြီးဆုံးဖြစ်ကြောင်းသိရသည်။

ခရီးသွားလုပ်ငန်း

ခရီးသွားလုပ်ငန်းသည် တိုကျိုမြို့၏ စီးပွားရေးအတွက် အကြီးမားဆုံးပံ့ပိုးကူညီသည့်လုပ်ငန်း ဖြစ်သည်။၂၀၁၉ ခုနှစ်တွင် တိုကျိုမြို့သို့ နိုင်ငံခြားသား(၁၅ ဒသမ ၁၈)သန်းလာရောက်လည်ပတ်ခဲ့ပြီး ၎င်းတို့သည် ယန်း(၁ ဒသမ ၂၆)ထရီလျံသုံးစွဲခဲ့ကြောင်း တိုကျိုမြို့ပြအစိုးရ၏ထုတ်ပြန်ချက်အရ သိရ သည်။ ခရီးသွားလုပ်ငန်းသည် တိုကျိုမြို့၏ စုစုပေါင်းစီးပွားရေးထွက်ရှိမှု၏ (၁)ရာခိုင်နှုန်းကျော်ရှိ ကြောင်းလည်းသိရသည်။ တိုကျိုမြို့တွင် လာရောက်လည်ပတ်မှုအများဆုံးနေရာများမှာ အောက်ပါအ တိုင်းဖြစ်သည်။

Shibuyaရပ်ကွက် (Shibuya Crossing? Yoyogi  ပန်းခြံ၊ Hachiko ရုပ်တု) ရှင်ဂျူကူရပ်ကွက် (Kabukicho ဖျော်ဖြေရေးခရိုင်၊ Shinjuku Gyoen အမျိုးသားဥယျာဉ်) Ginza ဈေးဝယ်ဧရိယာ (ဈေးဝယ်ခရိုင်၊ Kabuki zajy ဇာတ်ရုံ) Marunouchiခရိုင်နှင့် Nihombashi ခရိုင် (Imp­erial Palace ဈေးဝယ်ခရိုင် (Mitsuko shi, Takashimaya) Asakusaခရိုင်(Sensoji ဗုဒ္ဓဘာသာဘုရားကျောင်း၊ Tokyo Skytree တာဝါ) Akihabara ရပ်ကွက်(အီလက်ထရွန်နစ်နှင့် anime ယဉ်ကျေးမှု) Ueno ခရိုင်(အမျိုးသားပြတိုက်၊ အမျိုးသားသိပ္ပံပြ တိုက်၊ Ueno ရစ္ဆာန်ရုံ၊ Ueno ပန်းခြံ) Roppongi ခရိုင် (Roppongi Hills? Azabudai Hills ၊ တိုကျိုအမျိုးသားအနုပညာစင်တာ၊ Suntory အနုပညာပြတိုက်၊ Mori အနုပညာပြတိုက်) Ikebukuro ခရိုင်(ဈေးဝယ်ခရိုင်) တိုကျိုမြို့ရှိ ဇိမ်ခံဟိုတည် များထဲတွင် ၁၈၉၀ ပြည့်နှစ်တွင်ဖွင့်လှစ်ခဲ့သော Imperial ဟိုတယ်၊ ၁၉၉၂ ခုနှစ်တွင်ဖွင့်လှစ်ခဲ့သော Chinzanso Tokyo ဟိုတယ်၊ ၁၉၆၂ ခုနှစ်တွင်ဖွင့်လှစ်ခဲ့သော Okura Tokyo ဟိုတယ်၊ Meguro Gajoen ဟိုတယ်၊ Conrad Tokyo ဟိုတယ်၊ Ritz-Carlton Tokyo ဟိုတယ်နှင့် Aman Tokyo ဟိုတယ်တို့ပါဝင် ကြောင်းသိရသည်။