Iirs (NSS) - မတ် ၁၉ 

ဒေါ်အောင်ဆန်းစုကြည်နေထိုင်ခဲ့ဖူးသော တက္ကသိုလ်ရိပ်သာလမ်းပေါ်မှ ခြံအမှတ်(၅၄)ကို မတ်လ (၂၀)ရက်တွင် ပထမဆုံးအကြိမ် လေလံတင် ရောင်းချမည်ဖြစ်သော်လည်း လေလံပွဲ အောင်မြင်နိုင်ခြေ လုံးဝနီးပါးနည်းပါးနေကြောင်း နီးစပ်သူသတင်းရင်းမြစ်များထံမှ သတင်းရရှိသည်။

ဒေါ်အောင်ဆန်းစုကြည်ကိုယ်တိုင် ကန့်ကွက်ထားခြင်းမရှိသော ငွေကျပ်သိန်းပေါင်းသုံးသန်း တစ်သိန်းငါးသောင်းတိတိ (၃၁၅,ဝဝဝ,ဝဝဝ,ဝဝဝ) သို့မဟုတ် အမေရိကန်ဒေါ်လာသန်း(၉၀)ခန့် တန်ကြေးသတ်မှတ်ထားသည့် ခြံအမှတ်(၅၄)၏ လေလံတင်ပွဲကို မတ်လ(၂၀)ရက်တွင် ကျင်းပသွားမည်ဟု ပြည်ထောင်စုတရားလွှတ်တော်ချုပ်က ဇန် နဝါရီလအတွင်း အတည်ပြုခဲ့ပြီးနောက် ဖေဖော်ဝါရီ (၈)ရက်တွင် ရုံးတွင်း အမိန့်òန်ကြားစာများထွက်ရှိ ထားပြီးဖြစ်ကြောင်း သိရသည်။ 

'လေလံပွဲက အိမ်ရှိတဲ့နေရာ ခြံအမှတ်(၅၄)မှာပဲ ကျင်းပရမှာ။ လုံခြုံ ရေးကိုတော့ သက်ဆိုင်ရာအစိုးရဘက်က တာဝန်ယူစီစဉ်ပေးမယ်လို့ အကြမ်းဖျင်း သိထားတယ်။ လေလံပွဲအတွက် လိုအပ်ရင် လုံခြုံရေး အစောင့်အရှောက်အပြင် လမ်းတစ်ခြမ်း ယာယီပိတ်တာတွေ ဘာတွေဖြစ်လာနိုင်ပါတယ်' ဟု အိမ်လေလံ ကိစ္စနှင့်နီးစပ်သောသတင်းရင်းမြစ်က NSS ကို ပြောသည်။ ပုံမှန်အခြေအနေ သာမန်အိမ် တစ်လုံးဖြစ်နေပါက ယင်းကဲ့သို့ လုံခြုံရေးအစောင့် အရှောက်များ လိုအပ်မည်မဟုတ်သော် လည်း ဒေါ်အောင်ဆန်းစုကြည်နေထိုင်ခဲ့ဖူးသော မိခင်ဖြစ်သူဒေါ်ခင်ကြည် အမည်ပေါက် အိမ်နှင့်ခြံဖြစ်နေသည့်အတွက် ဆန့်ကျင်ဘက် အတိုက်အခံအင်အားစုများစောင့်ကြည့်ခြိမ်းခြောက်ခြင်းများခံနေရခြင်းကြောင့်လည်းဖြစ်သည်။ 

'ပထမတစ်ကြိမ် လေလံပွဲကိုတော့ တော်ရုံလူ ကလာပြီး ဆွဲရဲမယ့်ပုံမပေါ်ဘူး။ ပြောရရင်တော့ ပထမတစ်ကြိမ်မှာ လေလံဆွဲမယ့်သူ မရှိတာမျိုးဖြစ်သွားပြီး နောက်ထပ်နောက်ထပ်အကြိမ်တွေ လုပ်သွားရမယ့် သဘောရှိတယ်'ဟု တရားရုံးနှင့် နီးစပ်သော သတင်းရင်းမြစ်ကလည်း NSS ကို ပြောသည်။ အထူးသဖြင့် ဒေါ်လာသန်း(၉၀)ခန့် တန်ကြေးဆိုသော ဈေးနှုန်းအရလည်းကောင်း၊ လေလံဆွဲမည့်သူ၏ လုံခြုံရေးအရလည်းကောင်း မတ်လ (၂၀)ရက် လေလံပွဲက နောက်တစ်ကြိမ် ထပ်မံကျင်းပ ရန်သာ ပြင်ဆင်ထားရတော့မည့် အနေအထားမျိုးဟု ဆိုသည်။ ပြည်ပြေး NUG ဘက်တော်သား လူတစ်စုကမူ ခြံအမှတ်(၅၄)ကို ဒေါ်အောင်ဆန်းစုကြည် ပိုင်ဆိုင်သည့် အိမ်တစ်ခုသဖွယ် ဥပဒေအထောက်အထားမဲ့စွာ သတ်မှတ်လိုက်ကြပြီး အဆိုပါအိမ်ကို လေလံဆွဲ ဝယ်ယူမည့်သူကို သတ်ဖြတ်သွားမည့်သဘောမျိုးအထိ ခြိမ်းခြောက်ထားကြခြင်းလည်း ဖြစ်သည်။ 

ခြံအမှတ်(၅၄)သည် ရန်ကုန်တိုင်းဒေသကြီး ဗဟန်းမြို့နယ် မြေတိုင်းရပ်ကွက် အမှတ် ၃၆ ၊ ဧရိယာ (၁ ဒသမ ၉၂၃ ဧကပေါ်တွင်) ရှိထားပြီး ပိုင် ဆိုင်သူ အမည်ပေါက်မှာ ဗိုလ်ချုပ်အောင်ဆန်း၏ ဇနီး ဒေါ်ခင်ကြည်ဖြစ်သည်။ အမွေပိုင်ဆိုင်ခွင့် သတ်မှတ်ချက်နှင့် ဥပဒေအချို့အရ မိခင်ဖြစ်သူ ဒေါ်ခင်ကြည်ကိုယ်တိုင် က တစ်စုံတစ်ဦးကို အမွေစားအမွေခံအဖြစ် သတ် မှတ်ပေးခဲ့ခြင်းမရှိလျှင် သားသမီးဖြစ်သူနှစ်ဦး (ဦးအောင်ဆန်းဦးနှင့် ဒေါ်အောင်ဆန်းစုကြည်) က ခွဲဝေခံစားခွင့်ရှိသည်ဟု ဆိုသည်။ ယင်းအတွက် ကြောင့်လည်း တရားရုံးအသိပေးစာကို ဒေါ်အောင် ဆန်းစုကြည်က လက်ခံရရှိခဲ့သည့်တိုင် နှစ်လကျော် ကြာသော ရုံးချိန်းများအတွင်း ဒေါ်အောင်ဆန်းစု ကြည်က ရှေ့နေများမှတစ်ဆင့် ကန့်ကွက်လျှောက်ထား ခြင်းမျိုး မရှိခဲ့ကြောင်းလည်း သိရသည်။ 'လေလံက တစ်ကြိမ်နဲ့ မပြီးရင်တော့ မအောင်မချင်း ရက်သတ်မှတ်ပြီး လုပ်နေရမယ့်သဘောပါပဲ။ ဖျက်သိမ်းပစ်လိုက်တာမျိုးကျတော့ တရားရုံးက ပြန်ရုပ် သိမ်းကြောင်း ကြေညာမှပဲရမယ်။ မဖြစ်တော့ မဖြစ် နိုင်ပါဘူး'ဟု တရားရုံးသတင်းရင်းမြစ်က သုံးသပ်ပြောကြားသည်။ လက်ရှိအချိန်တွင် ခြံအမှတ်(၅၄)အတွင်းရှိ ဒေါ်အောင်ဆန်းစုကြည် ပိုင်ဆိုင်သော ကုန်တင်ကားအစီး(၂၀)စာ ပစ္စည်းမျိုးစုံကို ဒေါ်အောင်ဆန်းစုကြည် ထောက်ခံသူများပင်လျှင် လာရောက်သယ်ယူပြောင်းရွှေ့ပေးခြင်းမျိုးမရှိဘဲ မည်သည့်နေရာတွင် ထားရမည်မှန်းမသိ ဖြစ်နေကြောင်း ကြားသိရသည်။