ရောင်နီ (NSS) - မတ် ၁၆

           တောင်ကိုရီးယား နာမည်ကျော် သရုပ်ဆောင်မင်းသမီးချော ဟန်ဆိုဟီးနဲ့ Reply 1988 ဒရာမာနဲ့ လူသိများလာတဲ့ သရုပ်ဆောင် မင်းသား ရူဂျွန်ရောလ်ကို ဟာဝိုင်အီရှိ ဟိုတယ်တစ်ခုမှာ အတူတူတွေ့ခဲ့ရတယ်ဆိုတဲ့ သတင်းတွေ ထွက်လာခဲ့ပါတယ်။ 

အားလပ်ရက် အပန်းဖြေ ခရီးထွက်လာကြတယ်လို့ ယူဆရတဲ့ ၎င်းတို့ ၂ ယောက်ကို date နေကြပြီလားလို့ ပရိသတ်တွေက သံသယရှိခဲ့ကြပါတယ်။ ဆိုရှယ်မီဒီယာမှာ တင်ထားတဲ့ ပို့စ်တွေအရလည်း ဟန်ဆိုဟီး အသက် ၂၉ နှစ်နဲ့  ရူဂျွန်ရောလ် ၃၇ နှစ်တို့ဟာ ဟာဝိုင်အီမှာရှိတဲ့ ဇိမ်ခံဟိုတယ် ရေကူးကန်မှာအတူ အပန်းဖြေခရီးထွက်နေကြတာကို မြင်တွေ့ခဲ့ရပါတယ်။ ဒါပေမဲ့ အစောပိုင်းမှာတော့ အေဂျင်စီ ၂ ခုလုံးက ၎င်းတို့ဟာ Photo shooting တစ်ခုအတွက် ဟာဝိုင်အီမှာ ရှိနေကြတာဖြစ်ပြီး ကိုယ်ရေးကိုယ်တာ ဘဝနဲ့ဆိုင်တဲ့ ကောလာဟလတွေကို တုံ့ပြန်မှာ မဟုတ်ဘူးလို့ ဆိုခဲ့ပါတယ်။ 

အဲဒီနောက် မတ်လ ၁၅ ရက်မှာ ရူဂျွန်ရောလ်ရဲ့ ရည်းစားဟောင်း လီဟေးရီက အင်စတာဂရမ်မှာ "စိတ်ဝင်စားစရာ ကောင်းသားပဲ"ဆိုတဲ့ caption နဲ့ story တစ်ခု တင်ခဲ့တာကို ဟန်ဆိုဟီးက ရှည်လျားတဲ့ caption နဲ့ ပြန်လည်ရှင်းပြပြီး ရေးသားခဲ့တာ တွေ့ရပါတယ်။ အဲဒီနောက် မတ်လ ၁၆ ရက်မှာတော့ ဟန်ဆိုဟီးရဲ့ အေဂျင်စီက သူမရေးသားခဲ့တဲ့ story အတွက် တောင်းပန်ကြောင်းနဲ့ ရူဂျန်ရောလ်ကိုလည်း လီဟေးရီနဲ့ လမ်းခွဲပြီးမှသာ date ဖြစ်ခဲ့တဲ့အကြောင်း အတည်ပြုခဲ့ပါတယ်။ 

         သူတို့နှစ်ယောက်ရဲ့ dating သတင်းကြောင့် ဝမ်းသာခဲ့တဲ့ ပရိသတ်တွေ ရှိသလို ရူဂျန်ရောလ်ရဲ့ ရည်းစားဟောင်း လီဟေးရီအတွက် စိတ်မကောင်း ဖြစ်ကြသူတွေလည်း တွေ့ရပါတယ်။ ဟန်ဆိုရီးဟာ နာမည်ကျော် K-dramas "The World of the Married (2020)" နဲ့ လူသိများလာခဲ့သူဖြစ်ပြီး ရူဂျန်ရောလ်ကတော့ "Reply 1988" drama မှာ စတသ်လူသိများလာခဲ့တာ ဖြစ်ပါတယ်။