ရောင်နီ (NSS) - မတ် ၁၄ 

ဗြိတိန်ပေါ့ပ်အဆိုတော် လီလီအဲလန်က သူမရဲ့ကလေးတွေဟာ သူမကို ပြီးပြည့်စုံတဲ့ဘဝကို ပေးတယ် ဆိုပေမယ့် လည်း ၎င်းတို့ကြောင့် သူမရဲ့အသက်မွေးဝမ်းကြောင်းအလုပ်အပေါ် အာရုံစိုက်မှု ပျက်ယွင်းရတယ်လို့ ပြောကြားခဲ့ ပါတယ်။

သူမကို ကလေးမွေးပြီးနောက် သူမရဲ့အနုပညာအလုပ်အတွက် ပြန်စဉ်းစားဖို့ ရှိ-မရှိကို မေးမြန်းရာမှာ အီလန်က "အသက်မွေးဝမ်းကြောင်းနဲ့ပတ်သက်လာရင် ကျွန်မမှာ ဗျူဟာ တကယ်မရှိဘူး။ ကလေးတွေက ကျွန်မရဲ့ အသက်မွေးဝမ်းကြောင်းကို ဖျက်ဆီးပစ်ခဲ့တယ်” လို့ ပြန်ဖြေခဲ့ပါတယ်။ 

"ကျွန်မက သူတို့ကိုချစ်ရသလို သူတို့က ကျွန်မရဲ့ဘဝကို ပြီးပြည့်စုံစေတယ်ဆိုပေမယ့် ပေါ့ပ်ကြယ်ပွင့် lifestyle နဲ့ ပတ်သက်ရင်တော့ ဒါက လုံးဝ ပျက်စီးသွားပါတယ်” လို့ အင်္ဂါနေ့(မတ်လ ၁၂ ရက်) က အင်တာဗျူးတစ်ခုမှာ အဲလ်လန်က ရယ်ရယ်မောမောနဲ့ ပြောကြားခဲ့ပါတယ်။     

အဲလန်ဟာ ဗြိတိန်မှာ နံပါတ်တစ် hit song ၃ ခါ ချိတ်ခဲ့ပြီး Top 40 မှာ ၁၅ ခု မြင်တွေ့ရတဲ့ အောင်မြင်တဲ့ အဆိုတော်တစ်ယောက်ဖြစ်ပါတယ်။ ဒါ့အပြင် သူမဟာ Game of Thrones” မင်းသား အယ်လ်ဖယ်အဲလန်ရဲ့ ညီမလည်းဖြစ်ပါတယ်။ သူမဟာ ပွဲဦးထွက်အယ်လ်ဘမ် "Alright Still" ၊ "Smile" နဲ့ "LDN" မှာ ကတည်းက ကျော်ကြားလာခဲ့တာဖြစ်ပြီး  2008 Grammy Awards မှာလည်း အကောင်းဆုံး Alternative Music Album အတွက် ဆန်ခါတင်စာရင်းဝင်ခဲ့သူဖြစ်ပါတယ်။ 

အသက် ၃၈ နှစ်အရွယ် အဲလန်ဟာ ၂ဝ၂ဝ ပြည့်နှစ်မှာ"Stranger Things" စတား ဒေးဗစ်ဟော်ဘာ နဲ့ လက်ထပ် ခဲ့ပြီး အခုအချိန်မှာတော့ မိသားစုကို အချိန်ပေးဖို့ သူမရဲ့အဆိုတော်အသက်မွေးဝမ်းကြောင်း အလုပ်မှ နုတ်ထွက်ဖို့ ရွေးချယ်ခဲ့ပါတယ်။