ရောင်နီ (NSS) - မတ် ၅ 

တောင်ကိုရီးယား "The Glory" ဇာတ်ကားထဲက မင်းသားတစ်ဦးဖြစ်တဲ့ ဟိုဒုန်ဝန်ဟာ လက်ထပ်ပြီး တစ်နှစ်အကြာ မှာတော့ သူရဲ့အိမ်ထောင်ရေးကို အဆုံးသတ်ဖို့ ဆုံးဖြတ်ခဲ့ပါတယ်။

ဟိုဒုန်ဝန်ဟာ အိမ်ထောင်သက်တစ်နှစ်အကြာ သူ့ရဲ့ဇနီးနဲ့ ကွာရှင်းလိုက်ပြီလို့  ဖေဖော်ဝါရီ ၂၉ ရက်ကတည်းက သတင်းတွေထွက်ပေါ်နေခဲ့တာပါ။ ဒီသတင်းကို ဟိုဒုန်ဝန်ရဲ့  အေဂျင်စီ ACE FACTORY မှ ကိုယ်စားလှယ်တစ်ဦးက အတည်ပြုခဲ့ပြီး ဒါဟာ ဟိုဒုန်ဝန်ရဲ့ကိုယ်ရေးကိုယ်တာဘဝနဲ့သက်ဆိုင်တာကြောင့် နောက်ထပ်အသေးစိတ် အချက် အလက်တွေကိုတော့ မဖော်ပြခဲ့ပါဘူး။ ဟိုဒုန်ဝန်ဟာ ၂ဝ၂၂ ခုနှစ် စက်တင်ဘာလက လက်ထပ်မယ့်အကြောင်း ကြေညာခဲ့ပြီး ၂ဝ၂၃ ခုနှစ် မတ်လမှာ အနုပညာအသိုင်းအဝိုင်းက မဟုတ်တဲ့ ရည်းစားနဲ့ လက်ထပ်ခဲ့ပါတယ်။ 

ဟိုဒုန်ဝန်ဟာ“Misaeng (Incomplete Life)” “The Girl Who Sees Smells” “When the Camellia Blooms” "The King: Eternal Monarch” လို နာမည်ကြီး ဒရာမာတွေမှာ လူသိများခဲ့သလို Netflix ရဲ့ "The Glory” ဒရာမာ မှာလည်း  ကျောင်းဆရာ မစ္စတာချူးအဖြစ် ပါဝင်ခဲ့ပြီး ပရိသတ်တွေရဲ့အားပေးမှုကို အခိုင်အမာရရှိခဲ့ပါတယ်။