ဆေးခြောက်ကိုအပန်းဖြေဖို့ အသုံးပြုခြင်းကို တားမြစ်ပိတ်ပင်မယ်လို့ ထိုင်းအစိုးရပြော
ဂျန်ဇက် (NSS) - မတ် ၁
ထိုင်းကျန်းမာရေးဝန်ကြီးက ဆေးခြောက်ကို အပန်းဖြေရာမှာ အသုံးပြုခွင့်ပေးခြင်းကို ဒီနှစ်အကုန်က စတင်ပြီး တားမြစ်ပိတ်ပင်သွားမှာဖြစ်တယ်လို့ ပြောပါတယ်။
ထိုင်းကျန်းမာရေးဝန်ကြီးဌာနဟာ ဆေးခြောက်ကို အပန်းဖြေရာမှာ အသုံးပြုခွင့်ပေးခြင်းကို တားမြစ်ပိတ်ပင်မယ့် ဥပဒေမူကြမ်းကို ရေးဆွဲနေပြီး၊ အဲဒီမူကြမ်းထဲမှာ ဆေးခြောက်ကို ကျန်းမာရေးအတွက် အသုံးပြုခွင့်ပေးဖွယ်ရှိနေ ကြောင်း သိရပါတယ်။
အဆိုပါ ဥပဒေမူကြမ်းထဲမှာ အသုံးပြုသူနဲ့ ရောင်းချသူများကို ဒဏ်ရိုက်မယ့်အစီအစဉ်တွေလည်း ပါဝင်ခဲ့ကာ ဆေးခြောက်ကို အပန်းဖြေရာတွင် အသုံးပြုမည်ဆိုလျှင် ဘတ် ခြောက်သောင်း ဒဏ်ရိုက်မည်ဖြစ်သလို ဆေးခြောက်ရောင်းချသူများကို ထိုင်းဘတ် တစ်သိန်းအပြင် ထောင်ဒဏ် နှင့် ဒဏ်နှစ်ရပ်လုံး ကျခံရမယ်လို့ ဖော်ပြ ထားပါတယ်။
ထိုင်းကျန်းမာရေးဝန်ကြီး Cholnan Srikaew က “ဆေးခြောက် အသုံးပြုတာတွေကို ဥပဒေသတ်မှတ်မှုမရှိဘူး ဆိုရင် အလွဲသုံးစားပြုလုပ်ရမယ်။ ဆေးခြောက်ကို အလွဲသုံးခြင်းက ထိုင်းကလေးငယ်တွေအပေါ် အနုတ်လက္ခာ ဆောင်တဲ့သက်ရောက်မှုဖြစ်လာစေနိုင်တယ်" လို့ ပြောပါတယ်။
ထိုင်းနိုင်ငံမှာ ၂ဝ၁၈ ခုနှစ်က ဆေးခြောက်ကို ကျန်းမာရေးအတွက်အသုံးပြုခြင်းကို စတင်ခွင့်ပေးခဲ့ပြီး ၂ဝ၂၂ ခုနှစ်မှာ အပန်းဖြေရာတွင် အသုံးပြုဖို့ ခွင့်ပြုခဲတယ်လို့ သိရပါတယ်။ ဒါပေမယ့် ဝန်ကြီးချုပ် ဆာရက်သာတာဗီဆင် ဦးဆောင်တဲ့အစိုးရအသစ် လက်ထက်မှာတော့ ဆေးခြောက်ကို အပန်းဖြေဖို့ အသုံးပြုတာတွေကို တားမြစ်ပိတ်ပင်ဖို့ ပြန်လည်စီစဉ်ခဲ့တာဖြစ်ပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ရုရှားဒုံးပျံတစ်စင်းက အီရန်ဂြိုလ်တုကို ကမ္ဘာပတ်လမ်းကြောင်းထဲသို့ အောင်မြင်စွာလွှတ်တင်နိုင်ခဲ့ဟုဆို
RELATED POSTS
19 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း