ပြင်သစ်နိုင်ငံမှာ တက်ကြွလှုပ်ရှားသူတွေက ပြတိုက်ရှိ Monet ပန်းချီကားကို ဟင်းရည်နဲ့ပက်ကာ ဖျက်ဆီး
ရောင်နီ (NSS) - ဖေဖော်ဝါရီ ၁၂
ပြင်သစ်နိုင်ငံ အရှေ့တောင်ပိုင်း ဒီဂျွန်မြို့၊ ပြတိုက်ရှိ Monet ပန်းချီကားတစ်ချပ်ကို ဖေဖော်ဝါရီ ၁ဝ ရက်က ဆန္ဒပြသူတွေက ဟင်းရည်နဲ့ ပက်ကာ ဖျက်စီးခဲ့ကြတယ်လို့ သိရပါတယ်။
ပြင်သစ်နိုင်ငံရဲ့တတိယအကြီးဆုံးမြို့ဖြစ်တဲ့ ဒီဂျွန်မြို့၊ Musee des Beaux-Arts ပြတိုက်မှာ ဖေဖော်ဝါရီ ၁ဝ ရက် ဒေသစံတော်ချိန် ညနေ ၃ နာရီ ၃ဝ မိနစ်က ပန်းချီအနုပညာရှင် Claude Monet ရဲ့ Le Printemps (Spring) ပန်းချီကား ဖျက်စီးခံရတာဖြစ်တယ်လို့ သိရပါတယ်။ ၁၈၇၂ ခုနှစ် က ရေးဆွဲခဲ့တဲ့ အဆိုပါရှေးပန်းချီကားကို မှန်နဲ့ ကာကွယ်ထားပေမယ့်လည်း အနီးကပ် စစ်ဆေးခြင်းနဲ့ ပြန်လည်ပြုပြင်ခြင်းကို ဆက်လက်လုပ်ဆောင်ရဦးမှာ ဖြစ်တယ်လို့ ပြတိုက်မှ ပြောကြားခဲ့ပါတယ်။
ဇန်နဝါရီလကလည်း အဆိုပါ အဖွဲ့က Louvre ပြတိုက်က လီယိုနာဒို ဒါဗင်ချီရဲ့ Mona Lisa ပန်းချီကားကို ဟင်းရည်နဲ့ ပစ်ပေါက်တိုက်ခိုက်ခဲ့တယ်လို့ သိရပါတယ်။ အဲဒီ တိုက်ခိုက်ခဲ့တဲ့ တက်ကြွသူ နှစ်ဦးကိုတော့ ပရဟိတ အသင်းတစ်ခုအတွက် စေတနာ့ဝန်ထမ်း လုပ်ဆောင်ဖို့ ပြင်သစ်တရားရုံးက စီရင်ချက်ချခဲ့ပါတယ်။
အဆိုပါတိုက်ခိုက်မှုတွေပြုလုပ်ခဲ့တဲ့ Riposte Alimentaire တက်ကြွလှုပ်ရှားသူများအဖွဲ့ကတော့ ၎င်းတို့ လုပ်ရပ်ဟာ ပတ်ဝန်းကျင်နဲ့လူ့အဖွဲ့အစည်းအတွက် အစွန်းရောက်လူ့အဖွဲ့အစည်းကို အပြောင်းအလဲဖြစ်စေအောင် လှုံ့ဆော်ဖို့ ရည်ရွယ်တဲ့ ပြင်သစ် လူထုတော်လှန်ရေးလှုပ်ရှားမှု" လို့ ဆိုပါတယ်။ လိုင်ယွန်မြို့တော်ဝန်ကတော့ ဒီအတွက် ပြတ်ပြတ်သားသား အရေးယူမှုတွေနဲ့ တုံ့ပြန်သွားမယ်လို့ ပြောကြားခဲ့ပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
တောင်ကိုရီးယားသရုပ်ဆောင် ဂျီချောင်ဝုခ် အခန်းတွင်း ဆေးလိပ်သောက်မိခြင်းအတွက် အေဂျင်စီမှ ပြန်လည်တောင်းပန်
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ
16 Sep 2024 | မှုခင်း,ပြည်တွင်း