ထိုင်း-မြန်မာကြား နယ်စပ်ဖြတ်ကျော် လေထုညစ်ညမ်းမှုစီမံခန့်ခွဲရေးဆိုင်ရာလေ့လာရေးခရီးစဉ် နှင့် နည်းပညာဆိုင်ရာအလုပ်ရုံဆွေးနွေးပွဲတို့ကို ပြုလုပ်မည်
Pika (NSS) - ဇန်နဝါရီ ၁၇
မြန်မာနိုင်ငံ ရန်ကုန်မြို့ရှိ ထိုင်းသံရုံးသည် ထိုင်းနိုင်ငံ လေထုညစ်ညမ်းမှုထိန်းချုပ်ရေးဌာန (PCD) နှင့်ပူးပေါင်းကာ ထိုင်း-မြန်မာ နှစ်နိုင်ငံ နယ်စပ်ဖြတ်ကျော် လေထုညစ်ညမ်းမှုစီမံခန့်ခွဲရေးဆိုင်ရာလေ့လာရေးခရီးစဉ် နှင့် နည်းပညာ ဆိုင်ရာအလုပ်ရုံဆွေးနွေးပွဲတို့ကို ပူးပေါင်းစီစဉ်သွားမည်ဖြစ်ကြောင်း သိရသည်။
အဆိုပါပူးပေါင်းစီစဉ်မှုများကို ၂ဝ၂၄ ခုနှစ် ဇန်နဝါရီလ(၁၈)ရက် မှ (၂၈)ရက်အထိ ထိုင်းနိုင်ငံတွင် ပြုလုပ်သွားမည် ဖြစ်သည်။ အဆိုပါနည်းပညာဆိုင်ရာအလုပ်ရုံဆွေးနွေးပွဲသည် PM 2.5 ဟု လူသိများသော နယ်စပ်ဖြတ်ကျော် လေထုညစ်ညမ်းမှုစီမံခန့်ခွဲရေးဆိုင်ရာပြဿနာကိုဖြေရှင်းရာတွင် ထိုင်းအစိုးရ၏ ကြိုးပမ်းမှုတစ်စိတ်တစ်ပိုင်းဖြစ် ကြောင်း သိရသည်။
၂ဝ၂၃ ခုနှစ် ဧပြီလ(၇)ရက်တွင် လာအို၊ မြန်မာ နှင့် ထိုင်းနိုင်ငံတို့ကြား နယ်စပ်ဖြတ်ကျော် လေထုညစ်ညမ်းမှု ပြဿနာများကိုဖြေရှင်းရန်အတွက် ပူးပေါင်းဆောင်ရွက်မှုဆိုင်ရာနည်းလမ်းများကို ဆွေးနွေးခဲ့သည့်အစည်းအဝေးအပြီးတွင် အဆိုပါလုပ်ဆောင်ချက်ထွက်ပေါ်လာခြင်းဖြစ်သည်။
ထို့အပြင် ကုန်းမြင့်စိုက်ပျိုးရေးစီမံခန့်ခွဲမှုအပြင် မီးလောင်သည့်နေရာများကို စောင့်ကြည့်ရန်အတွက် ဂြိုလ်တုနည်းပညာကို အသုံးပြုခြင်း၊ မြေအသုံးပြုခြင်းဆိုင်ရာအကျိုးကျေးဇူးများနှင့်ပတ်သက်ပြီး အသိပညာနှင့် အတွေ့အကြုံများကို မြန်မာနိုင်ငံဖက်သို့ မျှဝေပေးရန် အဆင်သင့်ရှိကြောင်း ထိုင်းအစိုးရက ပြောကြားခဲ့သည်။
အဆိုပါနည်းပညာဆိုင်ရာ အလုပ်ရုံဆွေးနွေးပွဲတွင် ထိုင်း-မြန်မာနယ်စပ်ရှိ လေထုညစ်ညမ်းမှုစီမံခန့်ခွဲရေး နှင့် ဆက်စပ်သောနယ်ပယ်တွင် လုပ်ကိုင်နေသည့် မြန်မာအရာရှိ(၂ဝ)ဦး နှင့် ထိုင်းအရာရှိ(၁၀)ဦး၊ ထိုင်းနိုင်ငံ ရာသီဥတု ပြောင်းလဲမှုနှင့်သဘာဝပတ်ဝန်းကျင်ဌာနနှင့် နီးကပ်သော ပူးပေါင်းဆောင်ရွက်မှုများရှိသည့် ထိုင်းသံရုံးနှင့် လေထုညစ်ညမ်းမှု ထိန်းချုပ်ရေးဌာန (PCD)၊ Meteorological Department Geo-Informatics and Space Technology Development Agency (GISTDA)၊Asian Institute of Technology၊Thaicom Public Company Limited နှင့် ထိုင်းကျန်းမာရေးမြှင့်တင်ရေးဖောင်ဒေရှင်းတို့ ပါဝင်မည်ဖြစ်ကြောင်း သိရသည်။
နည်းပညာဆိုင်ရာအလုပ်ရုံဆွေးနွေးပွဲသည် မကြာမီကာလအတွင်း ထိုင်း နှင့် မြန်မာနိုင်ငံတို့တွင် PM 2.5 ပြဿနာကို လျော့ကျသွားစေမည်ဟု ထိုင်းသံရုံး နှင့် သက်ဆိုင်ရာအဖွဲ့အစည်းများက မျှော်လင့်ထားကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ယုဇနဥယျာဉ်မြို့တော်ရှိ ငါးလွှာအမြင့်တိုက်ပေါ်မှ ပြုတ်ကျသည့် အသက်(၁)နှစ် နှင့် (၇)နှစ်အရွယ် ကလေးငယ်(၂)ဦးလုံး သေဆုံး
RELATED POSTS
19 Sep 2024 | နိုင်ငံရေး,နိုင်ငံတကာ
18 Sep 2024 | နိုင်ငံရေး,နိုင်ငံတကာ