ယွန်း (NSS) - ဇန်နဝါရီ ၁၄

(၃)နှစ်နီးပါးကာလအတွင်း အကြမ်းဖက်များ၏ ဖမ်းဆီးခြင်းခံခဲ့ရသည့် လျှပ်စစ်ဝန်ထမ်း(၆၀)ကျော်ရှိခဲ့ကြောင်း လျှပ်စစ်စွမ်းအားဝန်ကြီးဌာနထံမှ သိရသည်။

နစကမှ အာဏာစတင်ရယူခဲ့သည့် ၂ဝ၂၁ ခုနှစ်၊ ဖေဖော်ဝါရီလမှစတင်၍ နိုင်ငံတစ်ဝန်းရှိ ဒေသအချို့တွင် လက်နက်ကိုင်ပဋိပက္ခဖြစ်ပွားခဲ့ပြီး  အဆိုပါပဋိပက္ခများကြောင့် ရဟန်းသံဃာနှင့်သီလရှင်များ အပါအဝင် နိုင်ငံဝန်ထမ်းများနှင့် ဒေသခံပြည်သူများ အကြမ်းဖက်သတ်ဖြတ်ခံရမှုများ ရှိခဲ့သည်။

ထိုသို့ အကြမ်းဖက်သတ်ဖြတ်ခံရမှုများအနက် ၂၀၂၁ ခုနှစ်၊ ဖေဖော်ဝါရီလမှ ၂၀၂၃ ခုနှစ်၊ ဒီဇင်ဘာလအထိ လျှပ်စစ်စွမ်းအားဝန်ကြီးဌာနမှ လျှပ်စစ်ဝန်ထမ်း(၂၁)ဦး အကြမ်းဖက်သတ်ဖြတ်ခံခဲ့ရပြီး ထိခိုက်ဒဏ်ရာရရှိသူ (၂၆)ဦးရှိခဲ့ကြောင်း ဝန်ကြီးဌာနက ဆိုသည်။

၎င်းတို့သည် ဓာတ်အားဖြန့်ဖြူးပေးနိုင်ရေးနှင့် ဓာတ် အားခကောက်ခံရေးတို့အတွက် ဆောင်ရွက်နေစဉ် လက်နက်ကိုင်များက ခြိမ်းခြောက်ခြင်း၊ ချောင်းမြောင်းပစ်ခတ်ခြင်း၊ သတ်ဖြတ်ခြင်းတို့ကြောင့် သေဆုံးခဲ့ခြင်းဖြစ်ကြောင်း သိရသည်။

ထို့ပြင် လျှပ်စစ်ဝန်ထမ်း (၆၁)ဦးသည်လည်း အကြမ်း ဖက်သမားများ၏ ဖမ်းဆီးခြင်းကို ခံခဲ့ရကြောင်း သိရှိရသည်။

ပြီးခဲ့သည့် ဇန်နဝါရီလ(၅)ရက်ကလည်း ကန့်ဘလူမြို့နယ်ရှိ လျှပ်စစ်ဝန်ထမ်း(၁၆)ဦးကို PDF အဖွဲ့က ဖမ်းဆီးခေါ်ဆောင်ခဲ့သည့်ဖြစ်စဥ် ဖြစ်ပွားခဲ့သည်။

နစကအနေဖြင့် ပြီးခဲ့သည့် သြဂုတ်လ(၁)ရက်မှစ၍ နိုင်ငံတော်အရေးပေါ်ကာလကို (၆)လ ထပ်မံတိုးမြှင့်သတ်မှတ်ထားပြီး ၂ဝ၂၃ ခုနှစ်၊ ဖေဖော်ဝါရီလ(၁)ရက်မှ ဇူလိုင်လ(၃ဝ)ရက်အထိ (၆)လတာကာလအတွင်း ရဟန်းသံဃာ နှင့် သီလရှင်လေးပါး၊ အပြစ်မဲ့ပြည်သူ (၇၇၂)ဦး နှင့် နိုင်ငံ့ဝန်ထမ်း(၂၈)ဦး သေဆုံးထားကြောင်း သိရသည်။

၂၀၂၁ ခုနှစ် ဖေဖော်ဝါရီလမှစ၍ မြန်မာနိုင်ငံ၌ တပ်မ တော်က နိုင်ငံတော်အာဏာရယူခဲ့ပြီးနောက်ပိုင်းတွင် ရဟန်သံဃာတော်၊ နိုင်ငံ့ဝန်ထမ်းနှင့် အပြစ်မဲ့ပြည်သူ (၇၀၀၀)ဝန်းကျင်ခန့် အကြမ်းဖက်သတ်ဖြတ်ခြင်းခံခဲ့ရသည်။