တောင်ကိုရီးယားမှာ အသက် ၈၂ နှစ်အရွယ် အဘိုးအိုတစ်ဦး ရေဘဝဲစားပြီး အသက်ရှူကြပ်သေဆုံး
ရောင်နီ (NSS) - အောက်တိုဘာ ၂၆
ရေဘဝဲအရှင် နဲ့ ဆား၊ နှမ်းဆီရောစပ်ထားတဲ့ Sannakji အစားအစာဟာ တောင်ကိုရီးယားမှာ နာမည် ဆိုးနဲ့ အကျော်ကြားဆုံး အစားအစာတွေထဲက တစ်ခုဖြစ်ပါတယ်။
၂၀၀၄ ခုနှစ်ရဲ့ တောင်ကိုရီးယားရုပ်ရှင် Oldboy မှာ မင်းသား ချိုမင်ဆက်ခ် သရုပ်ဆောင်ထားတဲ့ ဇာတ် ကောင် ကာရိုက်တာရဲ့ ဆူရှီဘားမှာ စားသောက်ပြခဲ့တဲ့ ဇာတ်ဝင်ခန်းကြောင့် အဆိုပါ ဟင်းပွဲဟာ ကမ္ဘာနဲ့ချီပြီး ကျော်ကြားပါတယ်။ YouTube ပေါ်မှာရှိတဲ့ Food Blogger ဗီဒီယိုများစွာမှာလည်း တောင်ကိုရီးယားရဲ့ ဒေသန္တရငါးဈေးတွေမှာ sannakji ကို မကြောက်မရွံ့စားသောက်နေတဲ့ ဗီဒီယိုတွေ တွေ့ရလေ့ရှိပြီး ဟင်းလျာရဲ့ ကျော်ကြားမှုကို မီးမောင်းထိုးပြနေပါတယ်။ ဒါပေမယ့် sannakji ကိုစားသုံးခြင်းဟာ အသက်အန္တရာယ်ကို ဆိုးဆိုးရွားရွား ထိခိုက်စေနိုင်ပါတယ်။
တောင်ပိုင်း Gwangju Gwangsan မီးသတ်စခန်းရဲ့ အဆိုအရ တနင်္လာနေ့(အောက်တိုဘာလ ၂၃ ရက်)က အသက် ၈၂ နှစ်အရွယ်အဘိုးအိုတစ်ဦးဟာ sannakji စားရင်း အသက်ရှုကြပ်သေဆုံးသွားခဲ့တယ်လို့ သိရပါတယ်။
ရဲတပ်ဖွဲ့ဟာ အရေးပေါ် ဖုန်းခေါ်ဆိုမှု လက်ခံရရှိပြီးတာနဲ့ တပြိုင်နက် အခင်းဖြစ်ပွားရာကို ရောက်ရှိလာပေမယ့် အဆိုပါ အမျိုးသားဟာ သတိပြန်မလည်ခဲ့ဘဲ ဒေသဆေးရုံရောက်တဲ့အခါမှာတော့ သေဆုံးသွားခဲ့တယ်လို့ သိရပါတယ်။
ဒါဟာနိုင်ငံမှာ ရေဘဝဲစားခြင်းကြောင့် ပထမဆုံးအသက်ဆုံးရှုံးမှုမဟုတ်ပါဘူး။ ၂၀၀၇ ခုနှစ်မှ ၂၀၁၂ ခုနှစ်အတွင်း လူ ၃ ဦးဟာ အဆိုပါ sannakji ရေဘဝဲ ဟင်းပွဲကြောင့် အသက်ရှူကြပ်သေဆုံးခဲ့ရတယ်လို့ ဆိုးလ်မြို့တော် မီးသတ်နဲ့ သဘာဝဘေးရုံးချုပ်မှ အချက်အလက်များအရ သိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ရင်းနှီးမြှုပ်နှံမှုလုပ်ငန်းသစ် (၇)ခုကို ရန်ကုန်တိုင်းအတွင်းလုပ်ကိုင်ခွင့်ပြု
RELATED POSTS
19 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း