တရုတ်အစိုးရက ကာကွယ်ရေးဝန်ကြီးလီရှန်ဖုကို ရာထူးမှဖယ်ရှား
Pika (NSS)- အောက်တိုဘာ ၂၅
တရုတ်အစိုးရသည် အောက်တိုဘာလ(၂၄)ရက်တွင် ကာကွယ်ရေးဝန်ကြီး လီရှန်ဖုကို ၎င်း၏ရာထူးနှင့် နိုင်ငံ တော်ကောင်စီဝင်အဖြစ်မှ ဖယ်ရှားခဲ့ကြောင်း နိုင်ငံပိုင်မီဒီယာများ၏ ဖော်ပြချက်အရသိရသည်။
အဆိုပါ ဖယ်ရှားမှုသည် လေးလအတွင်း နိုင်ငံအကြီးတန်းခေါင်းဆောင်တစ်ဦးကို ဒုတိယအကြိမ်မြောက် ဖြုတ်ချခြင်းဖြစ်သည်။ ပြီးခဲ့သည့်ဇူလိုင်လတွင် နိုင်ငံ ခြားရေးဝန်ကြီးကျင်ဂန်းသည် ၎င်း၏ရာထူးမှဖယ်ရှားခံခဲ့ရသလို နိုင်ငံတော်ကောင်စီဝင်ရာထူးမှလည်း ဖယ်ရှားခံခဲ့ရကြောင်းသိရသည်။
တရုတ်အာဏာရပါတီဖြစ်သော ကွန်မြူနစ်ပါတီ၏ အမြဲတမ်းကော်မတီဝင်များသည် ၎င်းတို့နှစ်ဦးလုံးအား ရာထူးမှဖယ်ရှားမှုကို အတည်ပြုခဲ့ခြင်းဖြစ်ကြောင်း CCTV သတင်းဌာန၏ ဖော်ပြချက်အရသိရသည်။ လီရှန်ဖုကို ရာထူးမှဖယ်ရှားခြင်းနှင့်ပတ်သက်ပြီး ရှင်းလင်းချက်ပေးခဲ့ခြင်းမျိုးမရှိခဲ့ကြောင်းလည်း သိရသည်။ တရုတ်အစိုးရသည် ကာကွယ်ရေးဝန်ကြီး လီရှန်ဖု၏နေရာတွင် အစားထိုးခန့်အပ်ခဲ့ခြင်းမျိုးမရှိခဲ့သော်လည်း အောက်တို ဘာလ(၂၉)ရက်မှ (၃၁)ရက်အထိ ကျင်းပမည့် နိုင်ငံရပ်ခြားမှ ကာကွယ်ရေးအရာရှိများနှင့်တွေ့ဆုံမည့် Xiangshan Forum ကို ဆက်လက်ကျင်းပရန် ပြင်ဆင်နေကြောင်းလည်း သိရသည်။
ထို့ပြင် သိပ္ပံနှင့်နည်းပညာဝန်ကြီး Wang Zhigang နှင့် ဘဏ္ဍာရေးဝန်ကြီး Liu Kun တို့၏နေရာတွင် သိပ္ပံနှင့်နည်းပညာဝန်ကြီးဌာန ပါတီအတွင်းရေးမှူး Yin Hejun နှင့် ဘဏ္ဍာရေးဝန်ကြီးဌာန ပါတီအတွင်းရေးမှူး Lan Fo'an တို့ကို အစားထိုးခန့်အပ်ခဲ့ကြောင်းလည်းသိရသည်။ အသက်(၆၅)နှစ်အရွယ် လီရှန်ဖုသည် ပြီးခဲ့သည့်နှစ်လခန့်က ဗီယက်နမ်တွင် ကျင်းပသောအစည်းအဝေးပွဲကို မတက်ရောက်ခဲ့ကြောင်း၊ အဆိုပါပွဲစဉ်နောက်ပိုင်းကတည်းက လူမြင်ကွင်းမှ ပျောက်ကွယ်နေခဲ့ခြင်းဖြစ် ကြောင်းသိရသည်။
လီရှန်ဖုသည် စစ်လက်နက်ပစ္စည်းဝယ်ယူရေး၊ ဖွံ့ဖြိုးတိုးတက်ရေးတို့နှင့်ဆက်စပ်သော အကျင့်ပျက်ခြစားမှုတို့အတွက် စုံစမ်းစစ်ဆေးမှုကို ခံနေရကြောင်း ရိုက်တာသတင်းဌာနက ပြီးခဲ့သည့်လတွင်ဖော်ပြခဲ့ဖူးသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အမေရိကန်၏မဟာဗျူဟာမြောက် ဗုံးကြဲလေယာဉ်နှစ်စင်းကို ကြားဖြတ်ဟန့်တားခဲ့ကြောင်း ရုရှားစစ်ဘက်ပြော
RELATED POSTS
02 Oct 2024 | နိုင်ငံရေး,ပြည်တွင်း
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ