အမေရိကန်ထောက်ပံ့ပေးထားသည့် တာဝေးပစ်ဒုံးကျည်များက ယူကရိန်းအတွက် အကူအညီဖြစ်စေမည်မဟုတ်ကြောင်း ရုရှားသမ္မတပူတင်ပြော
Pika (NSS) - အောက်တိုဘာ ၁၉
အမေရိကန်က ယူကရိန်းကို ထောက်ပံ့ပေးထားသည့် တာဝေးပစ်ဒုံးကျည်များက ယူကရိန်း၏ စစ်ပွဲဒဏ်ခံစားရမှုကို ပိုမိုရှည်ကြာစေမည်သာဖြစ်ကြောင်း ရုရှားသမ္မတပူတင်က ထုတ်ဖော်ပြောဆိုလိုက်သည်။
အမေရိကန်က ထောက်ပံ့ပေးထားသော တာဝေးပစ်ဒုံးကျည်များသည် အသုံးဝင်မှုကို သက်သေပြပြီးပြီဖြစ်ကြောင်း ယူကရိန်းသမ္မတဇီလန်စကီးက ထုတ်ဖော်ပြောဆိုခဲ့ပြီးနောက် သမ္မတပူတင်က ယခုကဲ့သို့ ထုတ်ဖော်ပြောဆိုခဲ့ခြင်းဖြစ် သည်။ ရုရှားဘက်က ဒုံးကျည်များဖြင့် ပစ်ခတ်တိုက်ခိုက်မှုများကြောင့် လူသေဆုံးမှုများပိုမိုများလာသလို ရှေ့တန်းစစ်မြေမျက်နှာပြင်ရှိ Avdiivka မြို့တွင် ရုရှား၏ ချေမှုန်းမှုအသစ်များကို ရင်ဆိုင်ရနိုင်ဖွယ်ရှိကြောင်း ယူကရိန်းဘက်က သတင်းထုတ်ပြန်ထားသည်။
ယူကရိန်းသို့ တာဝေးပစ် ATACMS ဒုံးကျည်များ ထောက်ပံ့ပေးခဲ့သော အမေရိကန်၏လုပ်ရပ်သည် မှားယွင်းသော လုပ်ရပ်တစ်ခုဖြစ်ကြောင်း ပူတင်ကပြောဆိုခဲ့သည်။
ပူတင်က "စစ်ပွဲက စစ်ပွဲပါပဲ။ယူကရိန်းကို အမေရိကန်ရဲ့ တာဝေးပစ်ဒုံးကျည်တွေ ထောက်ပံ့ပေးမှုဟာ စစ်မြေပြင်အခြေအနေတွေကို သိသိသာသာပြောင်းလဲသွားစေမှာတော့မဟုတ်ပါဘူး။ တာဝေးပစ်ဒုံးကျည်တွေထောက်ပံ့ပေးဖို့ ဆုံးဖြတ်ချက်ဟာ အမေရိကန်ရဲ့ နောက်ထပ်မှားယွင်းတဲ့ ဆုံးဖြတ်ချက်တစ်ခုပါပဲ။ ဒါဟာ ယူကရိန်းရဲ့ စစ်ပွဲဒဏ်ခံစားရမှုကို ပိုမိုရှည်ကြာစေရုံပဲရှိမှာပါ။"ဟု ပြောဆိုခဲ့သည်။
ရုရှားထိန်းချုပ်ထားသော နယ်မြေများကို ပစ်ခတ်တိုက်ခိုက်ရန်အတွက် တာဝေးပစ်ဒုံးကျည်များ တောင်းဆိုထားသော ယူကရိန်းကို တာဝေးပစ်လက်နက်များ ပေးအပ်ခဲ့ကြောင်း အမေရိကန်အစိုးရက အောက်တိုဘာလ(၁၇)ရက်တွင် အတည်ပြုပြောဆိုခဲ့သည်။ တာဝေးပစ် ATACMS ဒုံးကျည်များသည် အကွာအဝေးမိုင်(၁၀၀)နီးပါးထိ ရောက်ရှိနိုင်ကြောင်း အမေရိကန်မီဒီယာများ၏ဖော်ပြချက်အရသိရသည်။ ယူကရိန်းတပ်ဖွဲ့များသည် နိုင်ငံအရှေ့တောင်ပိုင်း Zaporizhzhia ဒေသရှိ ရုရှားထိန်းချုပ်ထားသော ဆိပ်ကမ်းမြို့ Berdyansk ကို အမေရိကန်ထောက်ပံ့ပေးထားသော ဒုံးကျည်များဖြင့် ပစ်ခတ်တိုက်ခိုက်ခဲ့ကြောင်း ရုရှားအစိုးရတာဝန်ရှိသူများက အောက်တိုဘာလ(၁၇)ရက်တွင် စွပ်စွဲပြောဆိုခဲ့သည်။
တိုက်ခိုက်မှုအတွင်း အမေရိကန်ထောက်ပံ့ပေးထားသော ဒုံးကျည်များကို အသုံးပြုခဲ့ကြောင်း ဇီလန်စကီးကအတည်ပြုခဲ့သော်လည်း အဆိုပါဒုံးကျည်များအား မည်သို့ဖြန့်ကျက်ထားသည်ဆိုသည့်အချက်ကို ထုတ်ဖော်ပြောဆိုခဲ့ခြင်းမျိုးမရှိကြောင်းသိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဖားကန့်မြို့၌ မြေစာပုံပြိုကျမှုကြောင့် ကျောက်တူးနေသည့် အမျိုးသားတစ်ဦး သေဆုံး
RELATED POSTS
02 Oct 2024 | နိုင်ငံရေး,ပြည်တွင်း
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ