ဗြိတိန်နိုင်ငံတွင် LGBT အရေအတွက် နှစ်သန်းနီးပါးရှိနေ
Pika (NSS) - စက်တင်ဘာ ၃ဝ
ဗြိတိန်နိုင်ငံတွင် လိင်တူချစ်သူ (LGBT) ဟု သတ်မှတ်ထားသော လူအရေအတွက်သည် ၂၀၁၇ ခုနှစ် မှ၂၀၂၂ ခုနှစ်အတွင်း (၅၀)ရာခိုင်နှုန်းကျော်တိုးလာခဲ့ကြောင်း အမျိုးသားစာရင်းအင်းရုံး(ONS) ၏ ဒေတာအချက်အလက်များအရ သိရသည်။
ဗြိတိန်နိုင်ငံသား (၁ ဒသမ ၈)သန်း သို့မဟုတ် (၃ ဒသမ ၃)ရာခိုင်နှုန်းသည် LGBT အဖြစ် သတ်မှတ်ခံထားရပြီး ၂၀၁၇ ခုနှစ်က LGBTဟု သတ်မှတ်ခံထားရသော လူအရေအတွက်မှာ (၂ ဒသမ ၁)ရာခိုင်နှုန်းသာရှိကြောင်း (ONS) ကပြောကြားခဲ့သည်။ ဗြိတိန်နိုင်ငံတွင် လိင်တူချစ်သူဟု သတ်မှတ်ခံထားရသူများမှာ လူငယ်များဖြစ်ပြီး အသက်(၁၆)နှစ်မှ(၂၄)နှစ်အတွင်းရှိသော လူ(၁၀)ယောက်တွင် တစ်ဦးမှာ လိင်တူချစ်သူဖြစ်နေကြောင်း (ONS) က ပြောဆိုထားသည်။
အသက်(၁၆)နှစ်မှ (၂၄)နှစ်အတွင်းရှိ အမျိုးသမီးများတွင် (၁၀ ဒသမ ၆)ရာခိုင်နှုန်းမှာ လိင်တူချစ်သူဟုသတ်မှတ်ခံထားရပြီး ၂၀၁၇ ခုနှစ်နှင့်နှိုင်းယှဉ်မည်ဆိုပါက (၅ ဒသမ ၈) ရာခိုင် နှုန်းတိုးလာခဲ့ကြောင်း အဆိုပါစစ်တမ်းအရသိရသည်။ ထို့ပြင် အသက်(၁၆)နှစ်မှ (၂၄)နှစ်အတွင်းရှိ အမျိုးသားများတွင် လိင်တူချစ်သူဟု သတ်မှတ်ခံထားရသူများမှာ (၇ ဒသမ ၈)ရာခိုင်နှုန်းရှိကြောင်းသိရသည်။
ဗြိတိန်နိုင်ငံတွင် ကိုယ့်ကိုယ်ကို လိင်တူချစ်သူမဟုတ်ဟု ခံယူထားသော လူအရေအတွက်မှာ ၂၀၁၇ ခုနှစ်တွင်(၉၅)ရာခိုင်နှုန်းရှိခဲ့သော်လည်း ၂၀၂၂ခုနှစ်တွင် (၉၃ ဒသမ ၄)ရာခိုင်နှုန်းထိ ကျဆင်းသွားခဲ့ကြောင်း (ONS) က ထုတ်ပြန်သော ဒေတာအချက်အလက်များအရသိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ပြည်ပရောက် မြန်မာလုပ်သားတွေအပေါ် အခွန်ကောက်ခံမှုအပါအဝင် အခွန်စနစ်ဖြင့် နိုင်ငံတည်ဆောက်သင့်ပြီလား..?? PK Show အပိုင်း(၁)
RELATED POSTS
19 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း