Pika (NSS) - သြဂုတ် ၁ဝ

အိန္ဒိယသိပ္ပံပညာရှင်များသည် Jurassic ကာလအလယ်ပိုင်းမှ dicraeosaurid sauropod အမျိုးအစား ဒိုင်နိုဆော၏ ရုပ်ကြွင်းများကို ပထမဆုံးအကြိမ် ရှာဖွေ့တွေ့ရှိခဲ့ကြောင်း  Nature ဂျာနယ်က ဖော်ပြခဲ့သည်။

India Institute of Technology (IIT-Roorkee) နှင့် India Geological Survey of India (GSI) တို့မှ သိပွံပညာရှင် များက ငါးနှစ်ကျော်ကြာပြုလုပ်ခဲ့သော လေ့လာမှုကာလအတွင်း Dicraeosaurid Sauropod ဒိုင်နိုဆော၏ ရှေးအကျဆုံးရုပ်ကြွင်းကို ရာဂျက်စ်သန်ပြည်နယ် Thar သဲကန္တာရှိ Jaisalmer မြို့အနီးတွင် ရှာဖွေတွေ့ရှိခဲ့ခြင်းဖြစ် ကြောင်း သိရသည်။

အဆိုပါဒိုင်နိုဆော အမျိုးအစား၏ ရုပ်ကြွင်းများကို အိန္ဒိယတွင် ယခင်ကမတွေ့ရှိခဲ့ကြောင်း လေ့လာမှုတစ်ရပ်ထဲ တွင် ဖော်ပြထားသည်။ dicraeosaurid sauropod အမျိုးအစား ဒိုင်နိုဆောသည် Jurassic ကာလအလယ်ပိုင်းမှ Cretaceous အစောပိုင်းကာလများအထိ ရှိခဲ့ကြပြီး အမေရိကန် နှင့် တရုတ်တို့တွင် တွေ့ရှိမှုအနည်းငယ်သာရှိခဲ့ပြီး အာဖရိက နှင့် တောင်အမေရိကတို့တွင် အများဆုံးတွေ့ရှိရကြောင်း သိရသည်။

အဆိုပါ ဒိုင်နိုဆောရုပ်ကြွင်း၏ သက်တမ်းသည် နှစ်ပေါင်း(၁၆၇)သန်း ဝန်းကျင်ရှိနိုင်ကြောင်း ကမ္ဘာပေါ်တွင် အစောဆုံးလူသိများခဲ့သော diplodocoid ဒိုင်နိုဆောအမျိုးအစားတစ်ခုဖြစ်ကြောင်း အိန္ဒိယသိပ္ပံပညာရှင်များ က ပြောကြားခဲ့သည်။

GSI နှင့် IIT-Roorkee ၏ မြေကြီးသိပ္ပံဌာမှ ကျောရိုးရှိသတ္တဝါဗေဒဆိုင်ရာ ပါမောက္ခ Sunil Bajpai တို့သည် ကျောက်ဖြစ်ရုပ်ကြွင်းရှာဖွေရေး နှင့် တူးဖော်ရေးအစီအစဉ်ကို ၂ဝ၁၈ ခုနှစ်တွင်   Jaisalmer မြို့မှာ စတင်ခဲ့ခြင်းဖြစ် ကြောင်း သိရသည်။ အိန္ဒိယနိုင်ငံ အလယ်ပိုင်း Madhya Pradesh ပြည်နယ်ရှိ Dhar ခရိုင်တွင် ဒိုင်နိုဆော သားပေါက်များ၏ ရုပ်ကြွင်းများကို ဒေလီတက္ကသိုလ်မှ သုတေသီများက အစောပိုင်းတွင် တွေ့ရှိခဲ့ကြောင်း သိရသည်။

ထို့အပြင် ၂ဝ၁၇ ခုနှစ်မှ ၂ဝ၂ဝ ပြည့်နှစ် ကွင်းဆင်းလေ့လာစုံစမ်းစစ်ဆေးမှုများအတွင်း ဒိုင်နိုဆောသိုက်(၉၂) ခု ၊titanosaurs များနှင့်သက်ဆိုင်သော ကျောက်ဖြစ်ရုပ်ကြွင်းဥ(၂၅၆)ဥကို တွေ့ရှိခဲ့ကြောင်း PLOS One ဂျာနယ် က ဖော်ပြခဲ့သည်။

Madhya Pradesh ပြည်နယ်အရှေ့ပိုင်းရှိ Jabalpur မြို့နှင့် Gujarat ပြည်နယ်  Balasinor မြို့တို့တွင်လည်း ဒိုင်နိုဆောအသိုက်များကို ရှာဖွေတွေ့ရှိခဲ့ဖူးကြောင်း သိရသည်။