ပုံစာ - ပြည်တွင်းသို့ရောက်ရှိထားသည့် EV ကားအချို့အား တွေ့ရစဉ်

NSS - ဇူလိုင် ၁၅

လျှပ်စစ်ကား (EV) များကို ဘဏ်ချေးငွေဖြင့် အရစ်ကျဝယ်ယူနိုင်ရန် A ဘဏ်မှ ဆောင်ရွက်နေကြောင်း သိရသည်။

အဆိုပါ ဝယ်ယူမှုအတွက် ကနဦး (၃၀)ရာခိုင်နူန်းပေးသွင်းရမည်ဖြစ်ပြီး Amazing Auto ကုမ္ပဏီမှတင်သွင်းသော လျှပ်စစ်ကား (EV)များကို အရစ်ကျဝယ်ယူနိုင်ကြောင်း သိရသည်။ 

လျှပ်စစ်ကား EV  များကို အရစ်ကျချေးငွေဝန်ဆောင်မှုဖြင့် ရောင်းချရန် A bank ၊ A Insurance နှင့် Amazing Auto Co., Ltd တို့ ပူးပေါင်းလက်တွဲသည့် သဘောတူလက်မှတ်ရေးထိုးထားကြောင်းသိရသည်။ 

“ဝယ်ယူတဲ့ မည့်သည့်ကားအမျိုးအစားကိုမဆို လုံခြုံစိတ်ချရတဲ့ ကားအာမခံအကာအကွယ်များကို A Insurance မှ တစ်ပါတည်း ပေးအပ်သွားမယ်”ဟု Amazing Auto ကုမ္ပဏီပိုင်ရှင် ဦးကြည်သာဟန်က ပြောသည်။ 

အရစ်ကျစနစ်သည် သုံးနှစ်မှငါးနှစ်အထိ ဝယ်ယူသူစိတ်ကြိုက် ငွေပေးချေမှုပုံစံဖြင့် ရွေးချယ်နိုင်ကြောင်း သိရသည်။

 ၂၀၂၃ ခုနှစ် ဇွန်လအထိ က.ည.န ၌ မှတ်ပုံတင်ထားသည့် လျှပ်စစ်သုံး ယာဉ်အမျိုးမျိုးသည် အစီးရေ (၃၂၀၀)ကျော်ရှိပြီဖြစ်ကြောင်း သိရသည်။