NSS - ဇွန် ၂၅

စစ်ကိုင်းတိုင်းအတွင်းရှိ PDF စခန်းတစ်ခုကို လုံခြုံရေးအဖွဲ့ စီးနင်းတိုက်ခိုက်ခဲ့ရာ PDF (၁၂)ဦးသေဆုံးခဲ့ပြီး လက်နက်ခဲယမ်းများ သိမ်းဆည်းရမိခဲ့ကြောင်း သတင်းရရှိသည်။

လုံခြုံရေးအဖွဲ့ဝင်များသည် ယနေ့(ဇွန်လ ၂၅ ရက်)၊ နံနက် ၅ နာရီအချိန်ခန့်တွင် စစ်ကိုင်းမြို့နယ်၊ ကင်းတော်ကျေးရွာအနီးရှိ PDF စခန်းကို စီးနင်းတိုက်ခိုက်ခဲ့ခြင်းဖြစ်ကြောင်း လုံခြုံရေးအဖွဲ့ဝင်များနှင့်နီးစပ်သူများက အသိပေးပြောဆိုထားသည်။

ထိုသို့ PDF စခန်းအား ဝင်ရောက်စီးနင်းစဉ် PDF အဖွဲ့ဝင် (၁၂)ဦးကို အသေရရှိခဲ့ကြောင်းလည်း လုံခြုံရေးအဖွဲ့ဝင်များနှင့် နီးစပ်သူက ပြောဆိုထားသည်။

ထို့ပြင် ယင်း PDF စခန်းအတွင်းမှ သေနတ် (၁၂)လက်၊ စနိုက်ပါသေနတ် (၁)လက်၊ ဗုံးပစ်လောင်ချာ (၁)လက်၊ ကျည်ဆန် (၅ဝဝဝ)နီးပါးနှင့်အတူ လက်နက်ခဲယမ်းမျိုးစုံကိုလည်း သိမ်းဆည်းရမိခဲ့ကြောင်း သိရသည်။

အထက်ပါ PDF စခန်းအား လုံခြုံရေးအဖွဲ့ဝင်များက ဝင်ရောက်စီးနင်းမှုအခြေအနေနှင့်ပတ်သက်၍ နစကသတင်းထုတ်ပြန်ရေးအဖွဲ့က လက်ရှိအချိန်အထိ တစ်စုံတစ်ရာထုတ်ပြန် အသိပေးခြင်းမျိုး မရှိသေးပေ။

အလားတူ စစ်ကိုင်းတိုင်း၊ စစ်ကိုင်းမြို့နယ်၊ ကိုင်းပြင်ကျေးရွာရှိ PDF စခန်းတစ်ခုအား လုံခြုံရေးအဖွဲ့ဝင်များက ယနေ့ နံနက်ပိုင်းတွင်လည်း ထပ်မံကာ ဝင်ရောက်စီးနင်းတိုက်ခိုက်မှုများ ပြုလုပ်ခဲ့ကြောင်း သိရသည်။

၎င်း PDF စခန်းအတွင်းမှ လက်လုပ်စိန်ပြောင်းများ၊ လက်လုပ်သေနတ်များအပါအဝင် မိုင်းအလုံးရေ များစွာကိုလည်း ထပ်မံသိမ်းဆည်းရမိခဲ့ကြောင်း လုံခြုံရေးအဖွဲ့နှင့်နီးစပ်သူများက အသိပေးပြောဆိုနေကြသည်။

ထိုသို့ PDF စခန်းများ စီးနင်းခံရမှုအခြေအနေနှင့်ပတ်သက်၍လည်း NUG ဘက်မှ တစ်စုံတစ်ရာ ထုတ်ပြန်ပြောဆိုခြင်းမျိုး မတွေ့ရသေးပေ။