Pika (NSS) - ဇွန် ၂၂

ဂျာမနီနိုင်ငံ၏ လူဦးရသည် (၂ဝ၂၂)ခုနှစ်တွင် (၁၁၂၂ဝဝဝ)ဦး တိုးလာခဲ့ပြီး နှစ်စဉ်(၁ ဒသမ ၃) ရာခိုင်နှုန်း တိုးလာခဲ့ ကြောင်း ဖက်ဒရယ်စာရင်းအင်းဝန်ဆောင်မှု Destatis က ဖော်ပြခဲ့သည်။ 

လူဦးရေတိုးလာရခြင်း၏ အဓိကအကြောင်းအရင်းမှာ ယူကရိန်းမှ ဒုက္ခသည်အရေအတွက် အများအပြားနိုင်ငံတွင်း သို့ ဝင်ရောက်လာခြင်းကြောင့်ဖြစ်ကြောင်း သိရသည်။ (၂ဝ၂၁) ခုနှစ်တွင် ဂျာမနီနိုင်ငံသို့ ပြည်ပမှဝင်ရောက်လာ သူ (၃၂၉ဝဝဝ)ဦးရှိပြီး (၂ဝ၂၂)ခုနှစ်တွင် (၁၄၅၅ဝဝဝ)ဦး ဝင်ရောက်လာခဲ့ခြင်းကြောင့် နိုင်ငံအတွင်းရှိ လူဦးရေသည် (၂ဝ၂၂)ခုနှစ်ကုန်တွင် (၈၄ ဒသမ ၄) သန်းအထိ ရောက်ရှိခဲ့ကြောင်း သိရသည်။

အဆိုပါအချက်ကြောင့် ဂျာမနီတွင် နေထိုင်သော ယူကရိန်းနိုင်ငံသားများသည် နိုင်ငံသားမဟုတ်သည့် ဒုတိယ အကြီးဆုံးအဖွဲ့တစ်ခုဖြစ်လာခဲ့ကြောင်း  Destatis က ပြောကြားခဲ့သည်။

ဂျာမနီတွင်နေထိုင်သော နိုင်ငံခြားသား(၁၂ ဒသမ ၃) သန်းရှိသည့်အနက် (၁ ဒသမ ၃၄) သန်းသည် တူရကီနိုင်ငံသား များဖြစ်ကြောင်း သိရသည်။ ပြီးခဲ့သည့်နှစ်ကုန်တွင် ဂျာမနီနိုင်ငံမှာ နေထိုင်သူ ယူကရိန်းနိုင်ငံသား (၁ ဒသမ ဝ၅) သန်းရှိပြီး နှစ်စဉ်ခြောက်ဆ တိုးလာနေကြောင်း သိရသည်။ 

ဆီးရီးယားနိုင်ငံသားများသည် ဂျာမနီတွင် နေထိုင်သည့် နိုင်ငံခြားသားများအနက် တတိယမြောက်အများဆုံးဖြစ်ပြီး လူဦးရေမှာ(၈၈၃ဝဝဝ)ဦး ရှိကြောင်း သိရသည်။ ပြည်ပမှ နိုင်ငံသားများ ဝင်ရောက်လာခြင်းသည် ဂျာမနီ လူအဖွဲ့အစည်း၏ အသက်အရွယ်ဖွဲ့စည်းပုံကို အနည်းငယ်ပြောင်းလဲစေခဲ့ပြီး အသက်(၂ဝ)အောက် လူငယ်များ၏ ဝေစုသည် (၂)ဒသမ(၈)ရာခိုင်နှုန်းတိုးလာကြောင်း အစီရင်ခံစာတွင် ဖော်ပြထားသည်။

ဂျာမနီနိုင်ငံတွင်းသို့ ယူကရိန်းနိုင်ငံသားများ ဝင်ရောက်လာမှုသည် တင်းမာမှုအချို့ကိုဖြစ်ပေါ်စေခဲ့သလို အချို့သော နိုင်ငံပိုင်မီဒီယာများသည် ဂျာမနီရှိ ယူကရိန်းနိုင်ငံသားများကြားတွင် အလုပ်အကိုင်နည်းပါးနေခြင်းကို အခြားသော ဥရောပသမဂ္ဂအဖွဲ့ဝင်နိုင်ငံများ နှင့် နှိုင်းယှဉ်ကာ မေးခွန်းထုတ်ခဲ့ကြကြောင်း သိရသည်။