Pika (NP News) - မေ ၆

အမေရိကန်အစိုးရသည် ထိုင်ဝမ်သို့ အမေရိကန်ဒေါ်လာ သန်း(၅ဝဝ)တန်ဖိုးရှိ စစ်လက်နက် ပစ္စည်းများပေးပို့ပေးရန်  စီစဥ်လျက်ရှိနေကြောင်း ယင်းအစီအစဥ်နှင့် နီးစပ်သူတစ်ဦးကပြောကြားခဲ့သည်။

(၂ဝ၂၃)ခုနှစ်ဘတ်ဂျတ်၏ တစ်စိတ်တစ်ပိုင်းအနေဖြင့် အမေရိကန်လွှတ်တော်သည် ယူကရိန်းသို့ လက်နက်ပေးပို့ရန်ကူညီပေးခဲ့သော Presidential Drawdown Authority (PDA) အမည်ရှိ လုပ်ပိုင်ခွင့်အာဏာကို အသုံးပြုကာ ထိုင်ဝမ်ကို အမေရိကန်ဒေါ်လာ(၁)ဘီလျံတန်ဖိုးရှိ စစ်လက်နက်ပစ္စည်းအကူအညီပေးပို့ရန် ခွင့်ပြုခဲ့ကြောင်းသိရသည်။ တရုတ်နိုင်ငံသည် ဒီမိုကရေစီနည်းကျအုပ်ချုပ်နေသော ထိုင်ဝမ်ကို ၎င်း၏ပိုင်နက်အဖြစ် ရှုမြင်ထားပြီး ပြီးခဲ့သည့်သုံးနှစ်အတွင်း ထိုင်ဝမ်ကျွန်းအပေါ်စစ်ရေးအရ ဖိအားပေးခြင်းများကို ပိုမိုတိုးမြှင့်လုပ်ဆောင်လာခဲ့ကြောင်းသိရသည်။

တရုတ်နိုင်ငံသည် ထိုင်ဝမ်ကျွန်းကို ၎င်း၏ထိန်းချုပ်မှုအောက်သို့ ရောက်စေရန်အတွက် အင်အားအသုံးပြုမှုကို မည့်သည့်အခါမှ စွန့်လွှတ်ခဲ့ခြင်းမျိုးမရှိကြောင်းသိရသည်။ ထိုင်ဝမ်သမ္မတ ဆိုင်အမ်ဝမ်သည် လော့စ်အိန်ဂျလီမြို့တွင် အမေရိကန်အောက်လွှတ်တော်ဥက္ကဋ္ဌ ကီဗင်မက်ကာသီနှင့်တွေ့ဆုံပြီးနောက် ပြီးခဲ့သည့်လတွင် တရုတ်သည် ထိုင်ဝမ်အနီးတစ်ဝိုက်တွင် စစ်ရေးလေ့ကျင်ခန်းများ ပိုမိုလုပ်ဆောင်လာခဲ့ကြောင်းသိရသည်။ ထို့ပြင် Bloomberg သတင်းကဖော်ပြခဲ့သော ထိုင်ဝမ်အတွက် အကူအညီပေးမည့် အစီအစဥ်ထဲတွင်  မည်သည့်စစ်လက်နက်ပစ္စည်းအမျိုးအစားများပါဝင်မည်ဆိုသည့်အချက်ကို ရှင်းရှင်းလင်းလင်းမသိရှိရသေးသကဲ့သို့ အချိန်အတိအကျကိုလည်း မသိရှိရသေးကြောင်းသိရသည်။ 

ရုရှားတို့ယူကရိန်းကို ကျူးကျော်တိုက်ခိုက်ပြီးနောက် အမေရိကန်၏စစ်လက်နက်ပစ္စည်းထုတ်လုပ်သူများသည် ယူကရိန်းကို စစ်လက်နက်ပစ္စည်းများထောက်ပံ့ပေးနေသောကြောင့် Stinger လေယာဉ်ပစ်ဒုံးကျည်များကဲ့သို့သော လက်နက်များပေးပို့ရာတွင် နှောင့်နှေးလျက်ရှိနေကြောင်းသိရသည်။ အဆိုပါနှောင့်နှေးမှုများအပေါ် ထိုင်ဝမ်က အမေရိကန်အစိုးရအပေါ် စိတ်ဆိုးဒေါသဖြစ်လျက်ရှိနေကြောင်း သတင်းများလည်းထွက်ပေါ်ခဲ့ဖူးသည်။ ထိုင်ဝမ်သို့ စစ်ရေးအရအကူအညီများပေးပို့ခြင်းသည် ဒေသတွင်းတင်းမာမှုများကို ပိုမိုမြင့်တက်လာစေနိုင်ကြောင်း တရုတ်ဘက်က သတိပေးပြောဆိုခဲ့သည်။

ထို့ပြင် တရုတ်က ၎င်း၏ပြည်တွင်း‌ရေးကို ဝင်ရောက်စွက်ဖက်သည့်နိုင်ငံများအတွက် အကျိုးဆက်များကိုသတိပေးခဲ့ပြီး ထိုင်ဝမ်သို့ လက်နက်‌ရောင်းချခြင်းများကို ရပ်တန့်ရန် အမေရိကန်ကိုတောင်းဆိုခဲ့ကြောင်းသိရသည်။

zawgyi version

တ႐ုတ္ဘက္က သတိေပးမႈမ်ားရွိေနခ်ိန္တြင္ အေမရိကန္က ထိုင္ဝမ္ကို အေမရိကန္‌ေဒၚလာသန္း(၅ဝဝ)တန္ဖိုးရွိ စစ္လက္နက္မ်ားကူညီေပးရန္ စီစဥ္

Pika (NP News) - ေမ ၆

အေမရိကန္အစိုးရသည္ ထိုင္ဝမ္သို႔ အေမရိကန္ေဒၚလာ သန္း(၅ဝဝ)တန္ဖိုးရွိ စစ္လက္နက္ ပစၥည္းမ်ားေပးပို႔ေပးရန္  စီစဥ္လ်က္ရွိေနေၾကာင္း ယင္းအစီအစဥ္ႏွင့္ နီးစပ္သူတစ္ဦးကေျပာၾကားခဲ့သည္။

(၂ဝ၂၃)ခုႏွစ္ဘတ္ဂ်တ္၏ တစ္စိတ္တစ္ပိုင္းအေနျဖင့္ အေမရိကန္လႊတ္ေတာ္သည္ ယူကရိန္းသို႔ လက္နက္ေပးပို႔ရန္ကူညီေပးခဲ့ေသာ Presidential Drawdown Authority (PDA) အမည္ရွိ လုပ္ပိုင္ခြင့္အာဏာကို အသုံးျပဳကာ ထိုင္ဝမ္ကို အေမရိကန္ေဒၚလာ(၁)ဘီလ်ံတန္ဖိုးရွိ စစ္လက္နက္ပစၥည္းအကူအညီေပးပို႔ရန္ ခြင့္ျပဳခဲ့ေၾကာင္းသိရသည္။ တ႐ုတ္ႏိုင္ငံသည္ ဒီမိုကေရစီနည္းက်အုပ္ခ်ဳပ္ေနေသာ ထိုင္ဝမ္ကို ၎၏ပိုင္နက္အျဖစ္ ရႈျမင္ထားၿပီး ၿပီးခဲ့သည့္သုံးႏွစ္အတြင္း ထိုင္ဝမ္ကြၽန္းအေပၚစစ္ေရးအရ ဖိအားေပးျခင္းမ်ားကို ပိုမိုတိုးျမႇင့္လုပ္ေဆာင္လာခဲ့ေၾကာင္းသိရသည္။

တ႐ုတ္ႏိုင္ငံသည္ ထိုင္ဝမ္ကြၽန္းကို ၎၏ထိန္းခ်ဳပ္မႈေအာက္သို႔ ေရာက္ေစရန္အတြက္ အင္အားအသုံးျပဳမႈကို မည့္သည့္အခါမွ စြန႔္လႊတ္ခဲ့ျခင္းမ်ိဳးမရွိေၾကာင္းသိရသည္။ ထိုင္ဝမ္သမၼတ ဆိုင္အမ္ဝမ္သည္ ေလာ့စ္အိန္ဂ်လီၿမိဳ႕တြင္ အေမရိကန္ေအာက္လႊတ္ေတာ္ဥကၠ႒ ကီဗင္မက္ကာသီႏွင့္ေတြ႕ဆုံၿပီးေနာက္ ၿပီးခဲ့သည့္လတြင္ တ႐ုတ္သည္ ထိုင္ဝမ္အနီးတစ္ဝိုက္တြင္ စစ္ေရးေလ့က်င္ခန္းမ်ား ပိုမိုလုပ္ေဆာင္လာခဲ့ေၾကာင္းသိရသည္။ ထို႔ျပင္ Bloomberg သတင္းကေဖာ္ျပခဲ့ေသာ ထိုင္ဝမ္အတြက္ အကူအညီေပးမည့္ အစီအစဥ္ထဲတြင္  မည္သည့္စစ္လက္နက္ပစၥည္းအမ်ိဳးအစားမ်ားပါဝင္မည္ဆိုသည့္အခ်က္ကို ရွင္းရွင္းလင္းလင္းမသိရွိရေသးသကဲ့သို႔ အခ်ိန္အတိအက်ကိုလည္း မသိရွိရေသးေၾကာင္းသိရသည္။ 

႐ုရွားတို႔ယူကရိန္းကို က်ဴးေက်ာ္တိုက္ခိုက္ၿပီးေနာက္ အေမရိကန္၏စစ္လက္နက္ပစၥည္းထုတ္လုပ္သူမ်ားသည္ ယူကရိန္းကို စစ္လက္နက္ပစၥည္းမ်ားေထာက္ပံ့ေပးေနေသာေၾကာင့္ Stinger ေလယာဥ္ပစ္ဒုံးက်ည္မ်ားကဲ့သို႔ေသာ လက္နက္မ်ားေပးပို႔ရာတြင္ ေႏွာင့္ေႏွးလ်က္ရွိေနေၾကာင္းသိရသည္။ အဆိုပါေႏွာင့္ေႏွးမႈမ်ားအေပၚ ထိုင္ဝမ္က အေမရိကန္အစိုးရအေပၚ စိတ္ဆိုးေဒါသျဖစ္လ်က္ရွိေနေၾကာင္း သတင္းမ်ားလည္းထြက္ေပၚခဲ့ဖူးသည္။ ထိုင္ဝမ္သို႔ စစ္ေရးအရအကူအညီမ်ားေပးပို႔ျခင္းသည္ ေဒသတြင္းတင္းမာမႈမ်ားကို ပိုမိုျမင့္တက္လာေစႏိုင္ေၾကာင္း တ႐ုတ္ဘက္က သတိေပးေျပာဆိုခဲ့သည္။

ထို႔ျပင္ တ႐ုတ္က ၎၏ျပည္တြင္း‌ေရးကို ဝင္ေရာက္စြက္ဖက္သည့္ႏိုင္ငံမ်ားအတြက္ အက်ိဳးဆက္မ်ားကိုသတိေပးခဲ့ၿပီး ထိုင္ဝမ္သို႔ လက္နက္‌ေရာင္းခ်ျခင္းမ်ားကို ရပ္တန႔္ရန္ အေမရိကန္ကိုေတာင္းဆိုခဲ့ေၾကာင္းသိရသည္။