Pika (NP News) - ဧပြီ ၂၂ 

အမေရိကန်နှင့် ၎င်း၏မဟာမိတ်နိုင်ငံများသည် ယူကရိန်းကလိုအပ်သော တင့်ကားများ၊ အမြောက်ကျည်များနှင့် အခြားထောက်ပံ့ရေးပစ္စည်းများကို အပြည့်အဝပေးပို့ခြင်းမျိုးမရှိသေးကြောင်း အမေရိကန်စစ်ဌာနချုပ်ပင်တဂွန်က ပေါက်ကြားလာသော အချက်အလက်များကို ကိုးကားပြီး New York Times သတင်းစာကဖော်ပြခဲ့သည်။

ရုရှားကို ထိုးစစ်ဆင်ရန်အတွက် ယူကရိန်းသည် တင့်ကား(၂၅၃)စီးလိုအပ်နိုင်ကြောင်း အမေရိကန်စစ်ဖက်ဆိုင်ရာတာဝန်ရှိသူများက ခန့်မှန်းထားခဲ့သော်လည်း ယူကရိန်းသည် ဖေဖော်ဝါရီလနှောင်းပိုင်းအထိ တင့်ကားအစီးရေ(၂ဝဝ)ခန့်သာ စုဆောင်းရရှိထားကြောင်းသိရသည်။ အဆိုပါတင့်ကားများအနက် (၁၄ဝ)မှာ ဆိုဗီယက်ခေတ်သုံးတင့်ကားများဖြစ်ပြီး အနောက်အုပ်စုနိုင်ငံများက ထုတ်လုပ်သည့်တင့်ကားအစီးရေ(၆ဝ)ခန့်ကိုလည်း ဧပြီလမှသာ လက်ခံရရှိနိုင်ဖွယ်ရှိနေကြောင်းသိရသည်။ အနောက်အုပ်စုနိုင်ငံများသည် ယူကရိန်းသို့ တင့်ကားများ၊ လေကြောင်းရန်ကာကွယ်ရေးစနစ်များ၊ တိုက်လေယာဉ်များနှင့် အခြားလက်နက်များကို ထောက်ပံ့ပေးမည်ဆိုသည့် ကတိကဝတ်များကို ဖြည့်ဆည်းနိုင်ရန်အတွက် အခက်အခဲများရှိနေကြောင်း New York Times သတင်းစာကဖော်ပြခဲ့သည်။

အမေရိကန်သည် ကတိပြုထားသည့်အတိုင်း M1 Abrams အမျိုးအစားတင့်ကားများကို ယူကရိန်းသို့ အလျင်အမြန်ပေးပို့ပေးရန် လုပ်ဆောင်နေကြောင်းလည်းသိရသည်။ ဗြိတိန်သည် British Challenger 2 အမျိုးအစား တင့်ကားများ ယူကရိန်းသို့ ပေးပို့ခဲ့ပြီးဖြစ်သော်လည်း ဂျာမနီသည် ၎င်းတို့နိုင်ငံထုတ် Leopard တင့်ကား အများစုကို ပေးပို့ရန်အတွက် ပြန်လည်ပြုပြင်မွမ်းမံနေရဆဲဖြစ်ကြောင်းသိရသည်။ ယူကရိန်းသို့ (၁၅၅)မီလီမီတာအမြောက်ကျည်များထောက်ပံ့မှုသည် မတ်လ(၁)ရက်တွင် (၉၈ဝဝ)အထိ ကျဆင်းသွားသော်လည်း အမေရိကန်သည် နောက်ထပ်(၁၂)ရက်အတွင်း အမြောက်ကျည်(၃ဝဝဝဝ)ခန့် ပေးပို့ခဲ့ကြောင်းသိရသည်။

ယူကရိန်းသည် အမြောက်ကျည်ဆန်များကို မရှိမဖြစ်လိုအပ်နေသော်လည်း အမေရိကန်နှင့် ဥရောပသမဂ္ဂတို့၏ စက်မှုလုပ်ငန်းများသည် ယူကရိန်း၏တောင်းဆိုမှုများကို ဖြည့်ဆည်းပေးရန်အတွက် နှစ်ပေါင်းများစွာအချိန်ယူရမည်ဖြစ်ကြောင်း the Timesသတင်းစာကဖော်ပြခဲ့သည်။ အမေရိကန်သည် ယူကရိန်းသို့ အကွာအဝေး(၁၄၀)ကီလိုမီတာခန့်သာ ရောက်ရှိနိုင်သော (GLSDB) ဒုံးကျည်များသာထောက်ပံ့ပေးရန် ကမ်းလှမ်းထားပြီး ၎င်းတို့ကိုတည်ဆောက်ရန်နှင့် ထုတ်လုပ်ရန်အတွက် လများစွာကြာနိုင်ကြောင်း the Times သတင်းစာကဖော်ပြခဲ့သည်။ သို့သော်လည်း ယူကရိန်းသည် (GLSDB)ဒုံးကျည်များကို အသုံးပြုပြီးဖြစ်ကြောင်း သတင်းများထွက်ပေါ်နေသကဲ့သို့ အဆိုပါဒုံးကျည်များကို ရုရှား၏လေကြောင်းရန်ကာကွယ် ရေးစနစ်များက ကြားဖြတ်ဟန့်တားခဲ့ကြောင်း သတင်းများလည်းထွက်ပေါ်နေသည်။

zawgyi version

ယူကရိန္းလိုအပ္ေနေသာ စစ္လက္နက္ပစၥည္းမ်ားကို အေနာက္အုပ္စုႏိုင္ငံမ်ားက အျပည့္အဝေပးပို႔ႏိုင္ျခင္းမရွိေသးဟုဆို 

Pika (NP News) - ဧၿပီ ၂၂ 

အေမရိကန္ႏွင့္ ၎၏မဟာမိတ္ႏိုင္ငံမ်ားသည္ ယူကရိန္းကလိုအပ္ေသာ တင့္ကားမ်ား၊ အေျမာက္က်ည္မ်ားႏွင့္ အျခားေထာက္ပံ့ေရးပစၥည္းမ်ားကို အျပည့္အဝေပးပို႔ျခင္းမ်ိဳးမရွိေသးေၾကာင္း အေမရိကန္စစ္ဌာနခ်ဳပ္ပင္တဂြန္က ေပါက္ၾကားလာေသာ အခ်က္အလက္မ်ားကို ကိုးကားၿပီး New York Times သတင္းစာကေဖာ္ျပခဲ့သည္။

႐ုရွားကို ထိုးစစ္ဆင္ရန္အတြက္ ယူကရိန္းသည္ တင့္ကား(၂၅၃)စီးလိုအပ္ႏိုင္ေၾကာင္း အေမရိကန္စစ္ဖက္ဆိုင္ရာတာဝန္ရွိသူမ်ားက ခန႔္မွန္းထားခဲ့ေသာ္လည္း ယူကရိန္းသည္ ေဖေဖာ္ဝါရီလေႏွာင္းပိုင္းအထိ တင့္ကားအစီးေရ(၂ဝဝ)ခန႔္သာ စုေဆာင္းရရွိထားေၾကာင္းသိရသည္။ အဆိုပါတင့္ကားမ်ားအနက္ (၁၄ဝ)မွာ ဆိုဗီယက္ေခတ္သုံးတင့္ကားမ်ားျဖစ္ၿပီး အေနာက္အုပ္စုႏိုင္ငံမ်ားက ထုတ္လုပ္သည့္တင့္ကားအစီးေရ(၆ဝ)ခန႔္ကိုလည္း ဧၿပီလမွသာ လက္ခံရရွိႏိုင္ဖြယ္ရွိေနေၾကာင္းသိရသည္။ အေနာက္အုပ္စုႏိုင္ငံမ်ားသည္ ယူကရိန္းသို႔ တင့္ကားမ်ား၊ ေလေၾကာင္းရန္ကာကြယ္ေရးစနစ္မ်ား၊ တိုက္ေလယာဥ္မ်ားႏွင့္ အျခားလက္နက္မ်ားကို ေထာက္ပံ့ေပးမည္ဆိုသည့္ ကတိကဝတ္မ်ားကို ျဖည့္ဆည္းႏိုင္ရန္အတြက္ အခက္အခဲမ်ားရွိေနေၾကာင္း New York Times သတင္းစာကေဖာ္ျပခဲ့သည္။

အေမရိကန္သည္ ကတိျပဳထားသည့္အတိုင္း M1 Abrams အမ်ိဳးအစားတင့္ကားမ်ားကို ယူကရိန္းသို႔ အလ်င္အျမန္ေပးပို႔ေပးရန္ လုပ္ေဆာင္ေနေၾကာင္းလည္းသိရသည္။ ၿဗိတိန္သည္ British Challenger 2 အမ်ိဳးအစား တင့္ကားမ်ား ယူကရိန္းသို႔ ေပးပို႔ခဲ့ၿပီးျဖစ္ေသာ္လည္း ဂ်ာမနီသည္ ၎တို႔ႏိုင္ငံထုတ္ Leopard တင့္ကား အမ်ားစုကို ေပးပို႔ရန္အတြက္ ျပန္လည္ျပဳျပင္မြမ္းမံေနရဆဲျဖစ္ေၾကာင္းသိရသည္။ ယူကရိန္းသို႔ (၁၅၅)မီလီမီတာအေျမာက္က်ည္မ်ားေထာက္ပံ့မႈသည္ မတ္လ(၁)ရက္တြင္ (၉၈ဝဝ)အထိ က်ဆင္းသြားေသာ္လည္း အေမရိကန္သည္ ေနာက္ထပ္(၁၂)ရက္အတြင္း အေျမာက္က်ည္(၃ဝဝဝဝ)ခန႔္ ေပးပို႔ခဲ့ေၾကာင္းသိရသည္။

ယူကရိန္းသည္ အေျမာက္က်ည္ဆန္မ်ားကို မရွိမျဖစ္လိုအပ္ေနေသာ္လည္း အေမရိကန္ႏွင့္ ဥေရာပသမဂၢတို႔၏ စက္မႈလုပ္ငန္းမ်ားသည္ ယူကရိန္း၏ေတာင္းဆိုမႈမ်ားကို ျဖည့္ဆည္းေပးရန္အတြက္ ႏွစ္ေပါင္းမ်ားစြာအခ်ိန္ယူရမည္ျဖစ္ေၾကာင္း the Timesသတင္းစာကေဖာ္ျပခဲ့သည္။ အေမရိကန္သည္ ယူကရိန္းသို႔ အကြာအေဝး(၁၄၀)ကီလိုမီတာခန႔္သာ ေရာက္ရွိႏိုင္ေသာ (GLSDB) ဒုံးက်ည္မ်ားသာေထာက္ပံ့ေပးရန္ ကမ္းလွမ္းထားၿပီး ၎တို႔ကိုတည္ေဆာက္ရန္ႏွင့္ ထုတ္လုပ္ရန္အတြက္ လမ်ားစြာၾကာႏိုင္ေၾကာင္း the Times သတင္းစာကေဖာ္ျပခဲ့သည္။ သို႔ေသာ္လည္း ယူကရိန္းသည္ (GLSDB)ဒုံးက်ည္မ်ားကို အသုံးျပဳၿပီးျဖစ္ေၾကာင္း သတင္းမ်ားထြက္ေပၚေနသကဲ့သို႔ အဆိုပါဒုံးက်ည္မ်ားကို ႐ုရွား၏ေလေၾကာင္းရန္ကာကြယ္ ေရးစနစ္မ်ားက ၾကားျဖတ္ဟန႔္တားခဲ့ေၾကာင္း သတင္းမ်ားလည္းထြက္ေပၚေနသည္။