ယွန်း (NSS) - ဩဂုတ် ၁၃

အိမ်တိုင်ရောက်စနစ်ဖြင့် စားအုန်းဆီ ပို့ဆောင်ခြင်းကို စိတ်ဝင်စားသူများပြားနေသောကြောင့် အိမ်ထောင်စု(၅၀ဝဝဝ)နီးပါးအထိ ထပ်တိုးပို့ဆောင်ရန် စီစဉ်နေကြောင်း မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းထံမှ NP News က ဆက်သွယ်‌မေး မြန်းထားချက်များအရ သိရသည်။

ရန်ကုန်တိုင်းဒေသကြီးအစိုးရအဖွဲ့၏ ကြီးကြပ်မှုဖြင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းက ရန်ကုန်တိုင်းဒေသကြီးအတွင်း အိမ်တိုင်ရာရောက်စနစ်ဖြင့် စားအုန်းဆီများကို ရောင်းချပေးရန်စီစဉ်ခဲ့ပြီး ပြီးခဲ့သည့် ဇူလိုင်(၃၁)ရက်နေ့တွင် အော်ဒါများကို စတင်ကောက်ယူခဲ့ကြောင်း သိရ သည်။ ဆီများကိုဝယ်ယူနိုင်ရေးအတွက် Call Center ဖုန်းနံပါတ် ဝ၁-၂၃၉၉၂၂၂ ကို လိုင်းခွဲ(၇)လိုင်း ဖွင့်လှစ်၍ အော်ဒါလက်ခံခဲ့ရာ အော်ဒါအရေ အတွက်များပြားသည့်အတွက် လက်ရှိတွင် လိုင်းခွဲ (၁၀)လိုင်းအထိ တိုးချဲ့၍ အော်ဒါလက်ခံနေရကြောင်း သိရသည်။

အဆိုပါ အစီအစဉ်အရ တစ်လလျှင် အိမ်ထောင် စု(၃၀ဝဝဝ)နီးပါးကို အိမ်တိုင်ရာ ရောက်စနစ်ဖြင့် ရောင်းချရန်စီစဉ်ထားသော်လည်း စိတ်ဝင်စားသူ များပြားခြင်းကြောင့် အိမ်ထောင်စု(၅၀ဝဝဝ)နီးပါးအထိ ထပ်တိုးပို့ဆောင်ရန် စီစဉ်နေကြောင်း သိရသည်။ 

'စမ်းသပ်လအနေနဲ့တော့ တစ်ရက်ကို အိမ်ထောင်စု (၁၀ဝဝ) နဲ့ (၁၂၀ဝ)ကြားပို့ပါတယ်။ နောက် လတွေတော့ အိမ်ထောင်စု(၂၀ဝဝ)လောက်အထိကို မှန်းပါတယ်။ ခုရက်ပိုင်းတွေ ပို့တဲ့အခါမှာတော့ စိတ် ဝင်စားပြီးဝယ်ချင်တဲ့သူကလည်း များတယ်။ ဝယ်လို အားများလာတယ်။ Call Center ကိုဝင်တဲ့ဖုန်း အရေအတွက်က ၉၀ဝဝ၊ ၁၀ဝဝဝ အထိဖြစ်လာတယ်။ ထပ်ခါထပ်ခါခေါ်တာတွေလည်းပါတယ်။ အခုဆိုရင် Call Center မှာ အမှာစာလက်ခံတာကို လိုင်းခွဲ (၁၀)လိုင်းအထိချဲ့ထားတယ်။ လုပ်ငန်းလိုအပ်ချက်ပေါ်မူတည်ပြီးတော့ ပြင်ဆင်တာတွေတော့ လုပ်နေ ပါတယ်။ ထပ်တိုးပြီးတော့ ပို့ဖို့ကိုလည်း စီစဉ်ဆောင် ရွက်နေပါတယ်။ အရင်က တစ်လကိုအိမ်ထောင်စု (၃၀ဝဝဝ)ဝန်းကျင်ကနေ အိမ်ထောင်စု (၅၀ဝဝဝ)နီးပါးအထိ ထပ်တိုးသွားမှာပါ}ဟု မြန်မာနိုင်ငံဆီကုန် သည်နှင့် ဆီလုပ်ငန်းရှင်များအသင်းမှ ဒုဥက္ကဋ္ဌ ကိုပိုင်ဖြိုးသန့်က ပြောသည်။

မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်းအနေဖြင့် စားအုန်းဆီများကို အော်ဒါတင်ပြီး သုံးရက်အတွင်း အိမ်အရောက်ပို့ဆောင်ပေးနေပြီး တစ်ချို့သောအော်ဒါတင်သူများသည် ဖုန်းနံပါတ် အမှားများဖြင့် ဆက်သွယ်မှုများလည်း ရှိနေကြောင်း သိရသည်။ ]ဒီနေ့အထိ အော်ဒါလက်ခံတဲ့အချိန်မှာ (၃၀ဝဝ)ကျော်လောက်မှာ မပို့ရသေးတာ အော်ဒါ (၇၀)လောက်ရှိပါသေးတယ်။ လက်ခံမယ့်သူတွေက မအားလို့ နောက်ရက်ကိုပြန်ချိန်းတာမျိုးတွေလည်း  ရှိတယ်။ အဲဒီထဲကနေမှ အော်ဒါ(၂၂)ခုလောက်ကတော့ ဖုန်းနံပါတ်အမှားတွေနဲ့ ဆက်သွယ်တာတွေ လည်းရှိပါတယ်။ ဖုန်းဆက်ပြီးမှာတယ် ပြီးရင် deli ပို့တဲ့အချိန်ကျရင် ဖုန်းဆက်လို့မရတော့တာမျိုးလည်း ရှိတယ်'ဟု ကိုပိုင်ဖြိုးသန့်က ဆက်လက်ပြောသည်။

အဆိုပါစနစ်အရ အိမ်ထောင်စုတစ်စုအတွက် တစ်လတစ်ကြိမ် ဆီ(၂)ပိဿာနှုန်းဖြင့် ရောင်းချပေး သွားမည်ဖြစ်ပြီး သယ်ယူပို့ဆောင်ခကို ဝယ်ယူသူဘက်က ပေးဆောင်ရမည်ဖြစ်ကြောင်း မြန်မာနိုင်ငံဆီ ကုန်သည်နှင့် ဆီလုပ်ငန်းရှင်များအသင်းက အသိပေး ထုတ်ပြန်ထားပြီးဖြစ်သည်။ ဈေးနှုန်းများကို နိုင်ငံတော်ကသတ်မှတ်သည့် ရည်òန်းဈေးနှုန်းအပေါ်တွင် ဘူးခွံဖိုးနှင့် ဘူးသွတ်ခသာထည့်၍ တွက်ချက်ထားပြီး စားအုန်းဆီနှစ်ပိဿာ အတွက် သယ်ယူပို့ဆောင်ခမပါ အပြီးအစီး ငွေကျပ် (၁၂၅၇၀)ကျသင့်မည်ဖြစ်ကြောင်း သိရသည်။   

စားအုန်းဆီမှာယူနိုင်သည့် Call Center ဖုန်းများဖြစ်သည့် 01-2399222 နှင့် 09-779778887 တို့သည် ဩဂုတ်လ ၆ ရက်မှ ၈ ရက်နေ့အတွင်းက Technical Issue ဖြစ်ပေါ်ခဲ့သည့်အတွက် ဖုန်းခေါ်ဆို၍ မရနိုင်ကြောင်း ဩဂုတ်လ ၁ဝ ရက်မှစတင်ကာ ဖုန်းများ ပြန်လည်ခေါ်ဆိုနိုင်ပြီဖြစ်ကြောင်း မြန်မာနိုင်ငံ ဆီကုန်သည်နှင့်ဆီလုပ်ငန်းရှင်များအသင်း၏ ဖေ့ဘွတ်စ် စာမျက်နှာတွင် အသိပေးကြေညာထားသည်ကို တွေ့ရသည်။ သို့သော်လည်း အဆိုပါ ဖုန်းနံပါတ်များသည် လက်ရှိအချိန်တွင် ခေါ်ဆို၍ မရခြင်းများရှိ နေကြောင်းလည်း ပြည်သူအချို့က NSS ထံ ဆက်သွယ် အကြောင်းကြားလာမှုများလည်း ရှိနေသည်။