လင်းမြတ် (NSS) - ဇွန် ၂

ကိုဖီအာနန်လို့ပြောလိုက်တာနဲ့ ၁၉၉၇ ခုနှစ်ကနေ ၂၀ဝ၆ ခုနှစ်အထိ ကုလအထွေထွေအတွင်း ရေးမှူးချုပ်တာဝန်ကိုထမ်းဆောင်ခဲ့တဲ့ ဂါနာနိုင်ငံဖွား လူမည်းကြီးကို နိုင်ငံအတော်များများက လူ အတော်များများ သိကြမှာဖြစ်ပါတယ်။ ၂၀ဝ၁ ခုနှစ်ရဲ့ ကမ္ဘာ့ငြိမ်းချမ်းရေးနိုဗယ်ဆုရှင် ကိုဖီအာနန်လက် ထက်မှာပဲ ၂၀ဝ၃ ခုနှစ်မှာ အမေရိကန်နိုင်ငံဟာ စီအိုင်အေရဲ့ မဟုတ်မမှန်သတင်းပေးချက်တွေအရ “ လူ မျိုးတုံးသေစေနိုင်တဲ့ လက်နက်တွေပိုင်ဆိုင်ထားတယ် ”ဆိုတဲ့ခေါင်းစဉ်နဲ့ မီဒီယာ၊ ငွေ၊ ဩဇာအင်အားကို သုံးကမ္ဘာကြီးကို လိမ်လည်လှည့်ဖြားအယုံသွင်းလို့ အဲဒီလက်နက်တွေ အမှန်တကယ်မပိုင်ဆိုင်ထားတဲ့ အီရတ်နိုင်ငံကို ကျူးကျော်စစ်ဆင်နွှဲခဲ့လို့ ငြိမ်းချမ်းရေး နိုဗယ်ဆုရဲ့ဂုဏ်ဒြပ်လည်း ညှိုးနွမ်းခဲ့ရပါတယ်။ တစ်ချိန်ကတော့ အဲဒီသတင်းတွေဟာ ကောလာဟလ လိုဖြစ်ခဲ့ပေမယ့် အခုအချိန်အခါမှာ အဲဒီအချိန်က တာဝန်ရှိခဲ့ကြတဲ့ အမေရိကန်သမ္မတ ဂျော့ဒဗလျူဘွတ်ရှ်နဲ့ စီအိုင်အေအကြီးအကဲတွေ ကိုယ်တိုင်ဝန်ခံ လို့ အမေရိကန်ပြည်သူတွေရဲ့ဒေါသကို ရင်ဆိုင် ဝန်ချတောင်းပန်တဲ့အထိ ဖြစ်ခဲ့ရပါတယ်။ ဒါတွေကို နှုတ် ဆိတ်နေခဲ့သူ ကုလခေါင်းဆောင်တွေထဲမှာ ကိုဖီအာနန်ဟာလည်း တာဝန်ရှိသူတစ်ဦးအဖြစ်ရှိခဲ့ပါတယ်။

အဆိုပါကာလတွေမှာပဲ United Nations oil-for-food program ရဲ့ အစိတ်အပိုင်း အဖြစ် တစ်နှစ်ကို အမေရိကန်ဒေါ်လာ (၁၀) သန်း တန်တဲ့ ကန်ထရိုက်တစ်ခုကို သားဖြစ်သူ ကိုဂျိုအာနန် ပါဝင် လုပ်ကိုင်နေတဲ့ ဆွစ်ဇာလန်နိုင်ငံ ရန်ပုံငွေ အဖွဲ့စည်းတစ်ခုမှ အတွင်းရေးမှူးချုပ်ကြီး ကိုဖီအာနန်ရဲ့ လွှမ်းမိုးမှု တစ်စုံတစ်ရာမပါဘဲဟုဆိုကာ တင်ဒါဖွင့်တာနဲ့ တန်းပြီးတင်ဒါနိုင်ခဲ့ပါတယ်။ အဲဒီကာလတွေမှာ သားဖြစ်သူဟာ အဆိုပါ ဆွစ်ဇာလန်အဖွဲ့အစည်းကနေ သိန်းချီတဲ့ငွေတွေကို လက်ခံရှိခဲ့တယ်ဆိုတဲ့ သတင်းတွေကလည်း ငွေပမာဏ (၃) သိန်း၊ (၁) သိန်းခွဲ စသည်ဖြင့် တိတိကျကျ ထွက်ပေါ်ခဲ့သော်လည်း အမေရိကန်အစိုးရက နှုတ်ဆိတ်နေခဲ့ပါတယ်။ 

၂၀ဝ၃ ခုနှစ်ကနေ ၂၀၁၁ ခုနှစ်အထိ ၈ နှစ်ကျော် ၉ နှစ်နီးပါကြာခဲ့တဲ့ အီရတ်စစ်ပွဲဟာ အပြော ကောင်းတဲ့ အမေရိကန်နိုင်ငံရေးသမားတွေနဲ့ လော်ဘီ အားကောင်းတဲ့ အမေရိကန်မီဒီယာတွေရဲ့အား ကြောင့် တိုက်ပွဲအစောပိုင်းကာလတွေမှာ အမေရိကန်နိုင်ငံထဲမှာ နိုင်ငံသားလူငယ်တွေ တပ်ထဲဝင် အီရတ် စစ်ပွဲကိုသွားချင်စိတ်တွေရှိခဲ့ကြသလို တိုက်ပွဲမှာ ကျဆုံးခဲ့ရင်လည်းမိသားစုနဲ့ ဇာတိမြို့ခံ လူတွေကြားမှာ တိုင်းပြည်နဲ့ကမ္ဘာကြီးအတွက် သူရဲကောင်းအဖြစ် မျက်နှာပွင့် ဂုဏ်ယူမဆုံးဖြစ်ခဲ့ ကြပါတယ်။ စစ်ပွဲက နှစ်အတန်ကြာလာတဲ့အချိန်မှာတော့ အမေရိကန် စစ်တပ်ထဲမှာ တခြား အဆင့် အကြီးပိုင်းဖြစ်တဲ့ တပ်ကြပ်ကြီး အရာခံနဲ့ အရာရှိပိုင်းကနေ အရာရှိကြီးအထိ အီရတ်စစ်မြေပြင်ကို အလုအယက်သွားလိုလို့ အဆို ပြုသူတွေ အံ့ဩဖွယ်များလာပါတယ်။ တကယ်တော့ အီရတ်မှာ တာဝန်ပြီးဆုံးလို့ ပြန်သွားတဲ့ အမေရိကန်စစ်တပ်ရဲ့ အကြပ်အရာခံ တချို့နဲ့ အရာရှိအဆင့် ဗိုလ်မှူးကြီး လောက်အထိလူထဲက လာဘ်မြင်သူအတော်များများဟာ အမေရိကန်ရောက်တာနဲ့ တပ်ကထွက် အီရတ်လို စစ်ပွဲဖြစ်နေတဲ့နိုင်ငံကို အမေရိကန်ကုန်သည်တွေအဖြစ်နဲ့ ယူနီဖောင်းချွတ်ပြန်လာပြီး အမေရိကန်စစ်တပ် အီရတ် စစ်မြေပြင်တာဝန်ထမ်းဆောင်ဆဲတာဝန်ရှိသူ အရာရှိ၊ အရာခံတွေနဲ့ အကျိုးတူ လက်ဝါးချင်းရိုက်လို့ အီရတ်ရဲ့ အမျိုးသားအကျိုးစီပွားတွေဖြစ်တဲ့ အဓိက လောင်စာဆီ အပါအဝင် ဈေးကွက်ဝင်သယံဇာတတွေကို နိုင်ငံတကာမှောင်ခိုဈေးကွက်ကို အရင်းတစ်ပြားမျှ မစိုက်ဘဲ ခိုးထုတ်တဲ့ဈေးကွက်ကြီးဖြစ်လာပါတယ်။ အမေရိကန်စစ်တပ်နဲ့ အမေရိကန် ကုလဝန်ထမ်းတွေအဖို့ အီရတ်နိုင်ငံကြီးနဲ့ အီရတ်ပြည်သူတွေရဲ့ အနာဂတ်၊ အသက်သွေး၊ ပူဆွေးမျက်ရည်တွေဟာ သောက်လေ သောက်လေ ငတ်မပြေဖြစ်လာပြီး နိုင်ငံတကာအလည်ကို သတင်းပျံ့သည်အထိ အကျည်းတန်လာခဲ့ပါ တော့တယ်။ ဒါနဲ့ အမေရိကန်အစိုးရဟာ အီရတ်က အမေရိကန်ပုံရိပ်ကို အဖတ်ဆယ်ရန် အီရတ်မှာရှိတဲ့ တပ်ဖွဲ့တချို့ကိုအမိန့်ပေးပြီး ရှောင်တခင်ဖမ်းစဉ်မှာတော့ အီရတ်ကနေ လောင်စာဆီမှောင်ခို ခိုးထုတ်တဲ့ ဆီသယ်ယာဉ်တန်းကြီးကိုဖမ်းမိစဉ် စုံစမ်းတွေ့ရှိမှုအရ အီရတ်ပြန် အမေရိကန်စစ်သားဟောင်းတွေနဲ့ အတူ ကိုဖီအာနန်ရဲ့သား ကိုဂျိုအာနန်က အဓိက ပါဝင်ကြိုးကိုင်သူတွေအဖြစ် ထုတ်ဖော်တွေ့ရှိရပြီး ကုလသမဂ္ဂ အီရတ် စစ်မြေပြင်ဆိုင်ရာဝန်ထမ်းတချို့ လည်း ပါဝင်ပတ်သက်နေတာကို ဖော်ထုတ် တွေ့ရှိခဲ့ရ ပါတယ်။

အဲဒီအခါ ကုလအတွင်းရေးမှူးချုပ် ကိုဖီအာနန်က သူရဲ့သား အီရတ်နိုင်ငံပိုင် လောင်စာဆီ ခိုးထုတ်မှုမှာ ပါဝင်ပတ်သက်နေခြင်းအတွက် အံ့ဩရပါကြောင်းနဲ့ သူ့သားမှာ မိဘအုပ်ထိန်းမှုမှကင်း လွတ်သောအသက်အရွယ် အသက် (၂၁)နှစ် ကျော်လွန်ပြီး ဖြစ်သောကြောင့် သူနဲ့မသက်ဆိုင်ကြောင်းနဲ့ ကိုဂျိုအာနန်ဟာ သူ့ပြစ်မှုတွေကို သူသာ တာဝန်ယူရမှာဖြစ်ကြောင်း ထုတ်ပြန်ခဲ့ပါတယ်။ အဲဒီနောက် ကိုဂျိုအာနန်ကို အမေရိကန်အစိုးရက ထိုက်သင့်တဲ့ ပြစ်ဒဏ်ထက် အဖြစ်လောက်သာရှိတဲ့ ပြစ်ဒဏ်တွေ ကို ပေးပြီး အမှုကိုအဆုံးသတ်လို့ အီရတ်စစ်မြေပြင်က အမေရိကန်ပုံရိပ်ကို တိတ်တဆိတ်ပြန်ဆယ်ခဲ့ ပါတယ်။ အလားတူပဲ ကိုဖီအာနန်ဟာ အမေရိကန်ရဲ့ နိုင်ငံတကာအရေး စစ်ရေးဆိုင်ရာ ပြစ်ချက်တွေ အပေါ် ဆုံးဖြတ်ဝေဖန်ရတဲ့တာဝန်တွေအပေါ် ကုလတာဝန်ရှိသူ တစ်ယောက်အနေနဲ့ များစွာတာဝန် ပျက်ကွက်လာခဲ့ပါတယ်။

သာမန် ဂါနာနိုင်ငံသား သံတမန် ကိုဖီအာနန်ဟာ တစ်နှစ်ကို လစာ ဒေါ်လာ နှစ်သိန်းကျော် ဝန်းကျင်နဲ့ ကုလအထွေထွေအတွင်းရေးမှူးချုပ်အဖြစ် (၉) နှစ်ဝန်းကျင်တာဝန်ယူပြီးချိန် နိုင်ငံတကာ နိုဗယ်ငြိမ်း ချမ်းရေးဆုရှင် သမာသမတ်ရှိသူအဖြစ် ကုလနဲ့ အရပ်ဘက်အေဂျင်စီတွေမှာ အကြံပေး (ဥပမာ-မြန်မာနိုင်ငံကို နာမည်ဆိုးစေခဲ့တဲ့ အာနန်ကော်မရှင်)၊ နိုင်ငံရေး၊ ငြိမ်းချမ်းရေး၊ လူမျိုးရေးဆိုင်ရာ စာရေးသူအဖြစ် သေသည်အထိလုပ်ကိုင်ခဲ့ပါတယ်။ ကိုဖီအာနန်ဟာ ဆွစ်ဇာလန်နိုင်ငံမှာရှိတဲ့ သူရဲ့ ဒေါ်လာသန်းချီတန်တဲ့ စံအိမ်ကြီးမှာ နောက်ဆုံးနေခဲ့ပြီး သေဆုံးချိန်မှာတော့ အသားတင်ချမ်းသာမှု ငွေသား ဒေါ်လာ(၅)သန်း ကျော် ပိုင်ဆိုင်ထားပါတယ်။ သား ကိုဂျိုအာနန်မှာ ဂါနာ-နိုင်ဂျီးရီးယား သန်းကြွယ် စီးပွားရေးလုပ်ငန်းရှင်အဖြစ် ဆက်လက်လုပ်ကိုင်နေဆဲဖြစ်ပါတယ်။ ကိုဖီအာနန်ရဲ့ အမေရိကန်နဲ့ မိတ်ဖက်နိုင်ငံတွေအပေါ် ထိရောက်စွာ ကုလအတွင်းရေးမှူးချုပ် တာဝန်မကျေခဲ့ခြင်း တွေရဲ့နောက်ကွယ်မှာ မေးခွန်းများစွာ ဝေဖန်မှုများစွာရှိနေဆဲဖြစ်ပါတယ်။