ဂျန်ဇက် (NSS) - မေ ၂၃

အိန္ဒိယနိုင်ငံမှာကျင်းပလျက်ရှိနေတဲ့ ရွေးကောက်ပွဲတွေအတွင်း လက်ရှိဝန်ကြီးချုပ် နရန်ဒရာမီုဒီ ထပ်မံအနိုင်ရဖွယ်ရှိတယ်လို့ နိုင်ငံတကာ သတင်းမီဒီယာတွေက သုံးသပ်ဖော်ပြနေပါတယ်။ လက်ရှိ အချိန်မှာအသက် ၇၄ နှစ်အရွယ်ရှိနေတဲ့ မိုဒီဟာ ဝန်ကြီးချုပ်မဖြစ်ခင် ဘဝကိုခက်ခဲပင်ပန်းစွာ ရုန်းကန် ဖြတ်သန်းခဲ့ရသူဖြစ်ပြီး ငယ်စဉ်ကလေးဘဝက လက်ဖက်ရည်ရောင်းရသူတစ်ဦးဖြစ်ခဲ့ပါတယ်။ 

အိန္ဒိယအာဏာရပါတီဖြစ်တဲ့ (BJP) ပါတီရဲ့ထိပ်သီးခေါင်းဆောင်တစ်ဦးဖြစ်သူ မိုဒီဟာ မွေးချင်း ၆ ယောက်ထဲမှာ တတိယမြောက်သားဖြစ်ပြီး Vadn agar မီးရထားရုံမှာ ငယ်စဉ်ကလေးဘဝက လက် ဖက်ရည် ရောင်းခဲ့ရသူဖြစ်ပေမယ့်ဘဝကို စိတ်ပျက်အားငယ်မှုမရှိဘဲ အကောင်းဆုံးကြိုးစားနိုင်ခဲ့သူ ဖြစ်ပါတယ်။ လက်ဖက်ရည်ရောင်းရချိန်ကာလအတွင်းမှာပဲ နိုင်ငံရေးစိတ်ဝင်စားခဲ့ပြီး အစ်ကိုဖြစ်သူ နဲ့အတူ နိုင်ငံရေးလှုပ်ရှားမှုတွေမှာပါဝင်လုပ်ဆောင်ခဲ့ပါတယ်။ မိုဒီဟာ မိသားစုက စီစဉ်ပေးတဲ့အမျိုးသမီး တစ်ဦးနဲ့အတူနေထိုင်ခဲ့ပေမယ့် တရားဝင်အိမ်ထောင်ပြု လက်ထပ်ထားတယ်ဆိုတဲ့အချက်ကို လူသိရှင်  ကြား ထုတ်ဖော်ပြောဆိုတာမျိုးမရှိခဲ့ပါဘူး။ ဒါပေမဲ့ မိုဒီဟာ ၂၀၁၄ ခုနှစ်ကကျင်းပခဲ့တဲ့ အထွေထွေရွေး ကောက်ပွဲမှာ ဝန်ကြီးချုပ်အဖြစ်ရွေးကောက်ခံရပြီး နောက် ၎င်းနဲ့အတူနေထိုင်နေတဲ့အမျိုးသမီးကို တရားဝင်ဇနီးအဖြစ် လူသိရှင်ကြားလက်ထပ်ခဲ့ပါတယ်။

မိုဒီဟာ ငယ်စဉ်ကလေးဘဝက ဘဝကိုခက်ခဲပင်ပန်းစွာရုန်းကန်ခဲ့ရပေမယ့် ပညာရေးကိုအောင် မြင်အောင်ကြိုးစားခဲ့ပြီး ဒေလီတက္ကသိုလ်ရှိ  School of Open Learning မှ နိုင်ငံရေးသိပ္ပံဘာသာရပ်နဲ့ ဘီအေဘွဲ့ကိုရရှိခဲ့သလို ဂူဂျာရတ်တက္ကသိုလ်ကနေ နိုင်ငံရေးသိပ္ပံဘာသာရပ်နဲ့ မဟာဘွဲ့ကို ထပ်မံရယူ နိုင်ခဲ့ပါတယ်။ ၁၉၈၃ ခုနှစ်မှာ မာစတာဘွဲ့ရရှိခဲ့ပြီး နောက်ပိုင်းတည်းက နိုင်ငံရေးလောကထဲမှာ ထဲထဲ ဝင်ဝင်ပါဝင်လုပ်ကိုင်ခဲ့ပါတယ်။ တကယ်တော့ မိုဒီဟာ တက္ကသိုလ်ကျောင်းသား ဘဝမှာတည်းက အစိုးရဆန့်ကျင့်ရေး ဆန္ဒပြပွဲ တွေ၊ အတိုက်ခံပါတီတွေမှာ ပါဝင်လှုပ်ရှားခဲ့သူဖြစ်ပါတယ်။ တက္ကသိုလ်ကျောင်းသားဘဝ တည်းက နိုင်ငံရေး လှုပ်ရှားမှုတွေ၊ အစိုးရဆန့်ကျင့်ရေးဆန္ဒပြပွဲတွေမှာ ပါဝင်နေတဲ့အတွက် ဖမ်းဆီးခံရမှုက ရှောင်တိမ်းရတာမျိုးလည်းရှိခဲ့ပါတယ်။ မိုဒီဟာ ဂူဂျာရတ် ပြည်နယ်အတွင်းပြုလုပ်တဲ့ အစိုးရ ဆန့်ကျင် ရေး ဆန္ဒပြပွဲတွေကို ဦးဆောင်ခဲ့တဲ့အတွက် ဖမ်းဆီးခံရမှုတွေကိုရှောင်တိမ်းနိုင်ဖို့ မြေအောက်လှုပ်ရှားမှု တွေကို ပြောင်းလဲလုပ်ကိုင်ခဲ့ရပြီး ဆစ်ခ်လူမျိုးတစ်ဦးပုံစံမျိုးအပြင် ဘာသာရေး ဘုန်းတော်ကြီးတစ်ပါး ပုံစံမျိုး ဝတ်ဆင်ခဲ့ရတယ်လို့ ဆိုပါတယ်။

မိုဒီဟာ မာစတာဘွဲ့ရရှိပြီးနောက် နိုင်ငံရေးသမားလုပ်ငန်းတွေကို အဓိကထားလုပ်ကိုင်ခဲ့ရာ BJP  ပါတီရဲ့ထိပ်သီးခေါင်းဆောင်တွေမှာပါဝင်လာခဲ့ပြီး ၁၉၉၈ ခုနှစ်မှာ ပါတီရဲ့အထွေထွေအတွင်းရေးမှူး အဖြစ်ရွေးကောက်ခံခဲ့ရပါတယ်။ အဲဒီနှစ်အတွင်း ကျင်းပတဲ့ရွေးကောက်ပွဲမှာ BJP ပါတီဟာအနိုင်ရ ရှိခဲ့တဲ့အတွက် မိုဒီဟာ မဟာဗျူဟာတွေ ချမှတ် ဆောင် ရွက်ခဲ့ရာ အောင်မြင်မှုတွေရရှိခဲ့တယ်လို့ ဆိုပါ တယ်။ BJP ပါတီအထွေထွေ အတွင်းရေးမှူးဖြစ်လာခဲ့ပြီးနောက်ပိုင်းမှာတော့ ပါတီကိုအနိုင်ရဖို့နဲ့ ပြည်သူလက်ခံနိုင်အောင် ကြိုးပမ်းခဲ့ရာ ရွေးကောက်ပွဲတွေမှာအနိုင်ရခဲ့ပြီး မိုဒီကိုယ်တိုင်လည်း ပြည်နယ်ဝန်ကြီးချုပ်အဖြစ် စတင်ရွေးကောက်ခံခဲ့ရပါတယ်။

မိုဒီဟာ ဂူဂျာရတ်ပြည်နယ်ဝန်ကြီးချုပ်အဖြစ် ၂၀ဝ၁ ခုနှစ်မှာစတင်တာဝန်ယူခဲ့ပြီးနောက် ပြည်နယ်ဖွံ့ဖြိုးတိုးတက်ရေးကို အကောင်းဆုံးစွမ်းဆောင်နိုင်ခဲ့တဲ့အတွက် ဝန်ကြီးချုပ်ရာထူးကို ၂၀၁၄ ခုနှစ်အထိ တာဝန်ယူခွင့်ရရှိခဲ့ပါတယ်။ ၂၀၁၄ ခုနှစ်မှာတော့ အိန္ဒိယဝန်ကြီးချုပ်ရွေးကောက်ပွဲအတွက်  BJP “ပါတီရဲ့ဝန်ကြီးချုပ်လောင်းအဖြစ်ရွေးကောက်ခံရပြီး အနိုင်ရခဲ့ပါတယ်။ အိန္ဒိယနိုင်ငံရေးသမိုင်းမှာ နှစ်ပေါင်းများစွာလွှမ်းမိုးထားတဲ့  Indian National Congress ပါတီရဲ့လွမ်းမိုးမှုတွေကို ချေဖျက်ပြီး        အိန္ဒိယဝန်ကြီးချုပ်အဖြစ် ရွေးကောက်ခံခဲ့ရတာဖြစ်ပါတယ်။ မိုဒီဟာ ဝန်ကြီးချုပ်အဖြစ် တာဝန်ယူတဲ့ ကာလအတွင်း အိန္ဒိယနိုင်ငံ ဖွံ့ဖြိုးတိုးတက်စေဖို့ ကြိုးပမ်းခဲ့ပေမယ့် အတိုက်ခံအုပ်စုတွေရဲ့ ဖိအားတွေ၊ ဝေဖန်ပြစ်တင်မှုတွေနဲ့ ရင်ဆိုင်ခဲ့ရပါတယ်။ အိန္ဒိယနိုင်ငံမှာ မိုဒီဝန်ကြီးချုပ်အဖြစ်တာဝန်ယူချိန်အတွင်း အိန္ဒိယနိုင်ငံရဲ့ဒီမိုကရေစီအဆင့်အတန်း ကျဆင်းနေတယ်လို့ ဝေဖန်မှုတွေလည်းထွက်ပေါ်ခဲ့ပါတယ်။ မိုဒီဟာ အဓိကအားဖြင့် အတိုက် အခံပါတီဖြစ်တဲ့ Indian National Congress ပါတီဝင်တွေကို ဖိနှိပ်တာတွေရှိခဲ့သလို လူအခွင့်ရေးချိုးဖောက်မှုတွေ၊  မီဒီယာလွတ်လပ်ခွင့်တွေကို ဖိနှိပ်တာတွေ ရှိခဲ့တယ်လို့ ဝေဖန်ပြစ်တင်တာတွေရှိခဲ့ပါတယ်။

ဒါပေမဲ့ မိုဒီဟာ ဝေဖန်ပြစ်တင်မှုတွေကို ဂရုမစိုက်ဘဲ နိုင်ငံဖွံ့ဖြိုးတိုးတက်ရေးအတွက် ကြိုးပမ်းဆောင်ရွက်ခဲ့ရာ ကမ္ဘာ ဩဇာလွမ်းမိုးမှုအရှိဆုံး ပုဂ္ဂိုလ်တွေစာရင်းထဲမှာ ပါဝင်ခဲ့ဖူးပါတယ်။ မိုဒီရဲ့ နိုင်ငံဖွံ့ဖြိုးတိုးတက်ရေးနဲ့ စီးပွားရေးဖွံ့ဖြိုးတိုးတက်အောင် ဆောင်ရွက်မှုတွေကို အသိမှတ်ပြုမှုအဖြစ် အမေရိကန်နိုင်ငံရှိအဖွဲ့စည်းတွေက အိန္ဒိယဝန်ကြီး ချုပ်မိုဒီကို ဂုဏ်ထူးဆောင်ဆုတွေလည်း ချီးမြှင့်ခဲ့ပါ တယ်။ အမေရိကန်သမ္မတဟောင်း ဒေါ်နယ်ထရမ့်ဟာ ၂၀၂၀ ပြည့်နှစ်တုန်းက ဝန်ကြီးချုပ် မိုဒီကို အိန္ဒိယ-အမေရိကန်ဆက်ဆံရေး ပိုမိုကောင်းမွန်အောင်လုပ်ဆောင်နိုင်မှုအတွက် ဂုဏ်ထူးဆောင်ဆုတွေချီးမြှင့် ခဲ့ဖူးပါတယ်။ မိုဒီဟာ ဝန်ကြီးချုပ်အဖြစ် တာဝန်ယူချိန်အတွင်း ဆိုးရွားတဲ့သမိုင်းကြောင်းတွေဖြစ်ပွားခဲ့တဲ့ ကက်ရှ်မီးယားဒေသအရေးကို ကျွမ်းကျင် လိမ္မာစွာ ကိုင်တွယ်နိုင်ခဲ့သလို တရုတ်၊ ပါကစ္စတန်နိုင်ငံတို့နဲ့လည်း ဆက်ဆံရေး ပိုမိုမဆိုးရွားအောင် ထိန်းသိမ်းနိုင်ခဲ့ပါတယ်။ တရုတ်နိုင်ငံနဲ့ ပါကစ္စတန်နိုင်ငံတို့ဟာ အိန္ဒိယနိုင်ငံနဲ့ စစ်ပွဲဖြစ်ပွားခဲ့ဖူးတဲ့ နိုင်ငံတွေဖြစ်ခဲ့ဖူးပြီး မိုဒီဝန်ကြီးချုပ်အဖြစ်တာဝန်ယူချိန် ကာလ အတွင်းမှာ တရုတ်နဲ့ အိန္ဒိယနိုင်ငံကြားပိုင်နက် နယ်မြေ အငြင်းပွားမှုတွေကြောင့် အပြန်အလှန်ပစ်ခတ်မှု တွေဖြစ်ပွားခဲ့ပေမယ့် အခြေအနေတွေ ပိုမိုမဆိုးရွားအောင်ထိန်းသိမ်းနိုင်ခဲ့ပါတယ်။ မိုဒီဟာ အိန္ဒိယ ဝန်ကြီးချုပ်အဖြစ်၂၀၁၄ ခုနှစ်ကနေ ၂၀၂၄ ခုနှစ်အထိ တာဝန်ယူခဲ့ပေမယ့် သူရဲ့ဆောင်ရွက်ချက်တွေဟာ နိုင်ငံနဲ့ပြည်သူတွေအပေါ် များစွာအကျိုးသက်ရောက်မှုတွေရှိခဲ့လို့ လာမယ့်လအတွင်း ကျင်းပမယ့် ရွေးကောက်ပွဲမှာလည်း အနိုင်ရဖို့ ပြည်သူအများစုက အားပေးထောက်ခံနေဆဲဖြစ်တယ်လို့ အိန္ဒိယ မီဒီယာတွေနဲ့ စစ်တမ်းတွေမှာဖော်ပြထားပါတယ်။