Pika (NSS) - စက်တင်ဘာလ ၁၂

ယူကရိန်းတွင် အမျိုးသားစစ်မှုထမ်းအင် အားပြတ်လပ်မှုပြဿနာများ လျော့နည်းလာမှုနှင့်အတူ အမျိုးသမီးမျိုး ကိုပါ စစ်မှုထမ်းရန်အတွက် စစ်သားအဖြစ်စုဆောင်းရန် ယူကရိန်းကို ဥရောပသမဂ္ဂ (EU) ကတိုက်တွန်းခဲ့ကြောင်း ရုရှားနိုင်ငံ၏ပြည်ပ ထောက်လှမ်းရေးဌာန (SVR)ကပြောဆိုခဲ့သည်။ ထို့ပြင် အဆိုပါကိစ္စနှင့်ပတ်သက်ပြီး နိုင်ငံရေး အရဆုံး ဖြတ်ချက်တစ်ရပ်ကို ချက်ချင်းချမှတ်ရန် ယူကရိန်းကို ဥရောပသမဂ္ဂကတောင်းဆိုထားကြောင်း (SVR) က ပြောကြားခဲ့သည်။

(၂၀၂၂)ခုနှစ် ဖေဖော်ဝါရီလတွင် ရုရှား-ယူကရိန်းပဋိပက္ခစတင်ဖြစ်ပွားခဲ့ပြီးနောက်ပိုင်းတည်း ကယူကရိန်း အစိုးရက စစ်သားစုဆောင်းရေးလှုပ်ရှားမှုများကို စတင်လုပ်ဆောင်ခဲ့ခြင်းဖြစ်သည်။ နောက်ပိုင်းတွင် ရှေ့တန်းစစ်မြေ မျက်နှာပြင်မှာ ကျဆုံးသူများနှင့် တပ်ပြေးအရေအတွက်များ တိုးပွားလာမှုနှင့်အတူ ယူကရိန်း၏ စစ်သားစုဆောင်းရေး လုပ်ငန်းစဉ်မှာ ပိုမိုကြမ်းတမ်းလာခဲ့ခြင်းလည်းဖြစ်သည်။

စစ်မှုထမ်းရန်ဆန္ဒမရှိသူများကို ယူကရိန်းစစ်သားစုဆောင်းရေးအရာရှိများက လိုက်လံဖမ်းဆီးခြင်း၊ ရိုက်နှက် ခြင်းနှင့် ကားပေါ်သို့အတင်းအဓ္ဓမခေါ် ဆောင်သွားခြင်းတို့ကို အကြိမ်ကြိမ်လုပ်ဆောင်ခဲ့ပြီးနောက် ယူကရိန်းနိုင်ငံက အဓ္ဓမပြုကျင့်သည့်နိုင်ငံ တစ်ခုဖြစ်လာနေပြီဆိုသည့် ဝေဖန်ပြောဆိုချက်များ လည်းထွက်ပေါ်လာခဲ့သည်။ မကြာသေး မီကပြုလုပ်ခဲ့သော ဥရောပသမဂ္ဂ နိုင်ငံခြားရေးဝန်ကြီးများ၏ အလွတ်သဘောအစည်းအဝေးအတွင်း ယူကရိန်း အမျိုးသမီးများကိုပါ စစ်သားစုဆောင်းရေးထဲတွင် ထည့်သွင်းရန်အစီအစဉ်ကို မှန်ကန်သောဦးတည် ချက်ဆီသို့ လှမ်း လိုက်သည့် ခြေလှမ်းတစ်ခုအဖြစ် ဥရောပသမဂ္ဂ၏ထိပ်တန်းသံတမန် ကာဂျာကဲလက်စ်က ဖော်ပြပြောဆိုခဲ့ကြောင်း သတင်းအချက်အလက် များကိုကိုးကားပြီး SVR က ထုတ်ပြန်ပြောဆိုခဲ့သည်။

ထို့ပြင် စစ်မှုထမ်းရန်သင့်လျော်သောအမျိုး သားဦးရေလျော့နည်းလာမှုကြောင့် ယူကရိန်းတွင် လူအင်အားက မကြာမီအချိန်အတွင်း ကုန်ဆုံးသွားနိုင်ကြောင်း ကာဂျာကဲလက်စ်က သတိပေးပြောဆိုခဲ့ပြီး ယူကရိန်းအနေဖြင့် အစ္စရေး ကို စံနမူနာတစ်ခုအဖြစ် အတုယူသင့်သည်ဟု ပြောကြားခဲ့ကြောင်းလည်းသိရသည်။ လက်ရှိ ယူကရိန်းဥပဒေအရ အသက်(၂၅)နှစ်မှ (၆၀)နှစ်အရွယ်ကြားရှိအမျိုးသားများမှာ စစ်မှုထမ်းရန်အတွက်သင့်လျော်ပြီး အသက်(၂၃)နှစ်မှ (၆၀) နှစ်ကြားရှိအမျိုးသားများကို နိုင်ငံတွင်းမှထွက်ခွာ ခွင့်ပိတ်ပင်ထားကာ အမျိုးသမီးများအနေဖြင့် ၎င်းတို့ ၏ဆန္ဒ အလျောက် စစ်မှုထမ်းခွင့်ရှိကြောင်းသိရသည်။