ဂျန်ဇက် (NSS) - စက်တင်ဘာလ ၁၂ 

တရုတ်သမ္မတ ရှီကျင့်ဖျင်သည် နယူးဒေလီမြို့၌ကျင်းပမည့် BRICS ထိပ်သီးအစည်းအ ဝေးနားနေချိန်တွင် ရုရှား သမ္မတ ဗလာဒီမာပူတင်နှင့် သီးသန့် နှစ်နိုင်ငံကြားဆွေးနွေးပွဲ(bilateral meeting)ပြုလုပ်မည်မဟုတ်ကြောင်း သိရ သည်။ စက်တင်ဘာလ (၁၀)ရက်နေ့ထုတ် The Moscow Times သတင်းစာအရ ပူတင်နှင့်ရှီကျင့်ဖျင်တို့အကြား တရားဝင် နှစ်ဖက်တွေ့ဆုံမှုတစ်စုံတစ်ရာကို အစည်းအဝေးတွင်ပြုလုပ်ရန် စီစဉ်ထားခြင်းမရှိကြောင်း ရုရှားသမ္မတရုံး အကြံပေး ယူရီက အတည်ပြုခဲ့ပြီး သို့သော် ခေါင်းဆောင်နှစ်ဦးသည် စင်္ကြံလမ်းများတွင် အလွတ်သဘော ခေတ္တမျှ စကားပြောဆို ဖြစ်ကြဖွယ်ရှိသည်ဟု ၎င်းကပြောဆိုခဲ့သည်။ ရုရှားသမ္မတနှင့် တရုတ်သမ္မတကြား သီးခြားမတွေ့ဆုံရန် ဆုံးဖြတ်ချက်ချ မှတ်ရခြင်းသည် တရုတ်နိုင်ငံသို့ တစ်နှစ်လျှင် သဘာဝဓာတ်ငွေ့ ကုဗမီတာ(ဘီလျံ ၅၀)အထိတင်ပို့ရန် ရည်ရွယ်ထားသည့် Power of Siberia 2 ပိုက်လိုင်းစီမံကိန်းနှင့်ပတ်သက်၍ တိုးတက်မှုတစ်စုံတစ်ရာမရရှိခဲ့ခြင်းနှင့် သက်ဆိုင်ကြောင်း သိရသည်။ 

တရုတ်အစိုးရအနေဖြင့် ရုရှားနိုင်ငံတွင်း သုံးဈေးနှုန်းများနှင့်ကိုက်ညီသော တစ်ထောင်ကုဗမီ တာလျှင် အမေရိကန်ဒေါ်လာ (၅၀)ဝန်းကျင် သို့မဟုတ် ရုရှားစက်မှုလုပ်ငန်းသုံးစားသုံးသူများအတွက် သတ်မှတ်ထားသောဈေး နှုန်းဖြစ်သည့် (၁၂၀)မှ (၁၃၀)ဒေါ်လာဝန်းကျင်ကို လိုလားနေကြောင်းသိရသည်။ ရုရှားသည် ဓာတ်ငွေ့နှင့်ပတ်သက်ပြီး တရုတ်နိုင်ငံသို့တင်ပို့ရာတွင် ဓာတ်ငွေ့တစ်ထောင် ကုဗမီတာလျှင် အမေရိကန်ဒေါ်လာ (၂၅၀)မှ (၂၆၀)ဝန်းကျင်ရှိသည့် Power of Siberia 1 ပိုက် လိုင်း၏ဈေးနှုန်းပုံစံအပေါ်အခြေခံ၍ သတ်မှတ်လို လျက်ရှိနေကြောင်းသိရသည်။