Pika (NSS) - စက်တင်ဘာလ ၁၂

အမေရိကန်နိုင်ငံ ချီကာဂိုမြို့ရှိ ဘားတစ်ခုသည် လူပေါင်း (၁၉၆၉)ဦးကိုစုစည်းပြီး ထင်ရှားကျော် ကြားသော ဒေသထွက်အရက် Jeppson’s Malört ကို တစ်ပြိုင်နက်တည်းသောက်စေခဲ့ပြီးနောက် ဂင်းနစ်စံချိန်သစ်တင်ခဲ့ကြောင်း သိရသည်။

      ချီကာဂိုမြို့ West Loop ရပ်ကွက်တွင်ရှိသော Recess ဆိုသည့်ဘားက အဆိုပါပွဲကိုစီစဉ်ခဲ့ခြင်းဖြစ်ပြီး လူပေါင်း (၁၉၆၉)ဦးက ဒေသထွက်အရက် Jeppson’s Malört ကို တစ်ချိန်တည်းတွင် သောက်ခဲ့ခြင်းဖြစ်ကြောင်းသိရသည်။ အဆိုပါပွဲကို အီလီနွိုက် ပြည်နယ်အုပ်ချုပ်ရေးမှူး J.B. Pritzker လည်းတက် ရောက်ခဲ့ပြီး ပွဲတော်သို့လာသူများကို အရက်ငှဲ့ပေးခြင်း များလုပ်ဆောင်ပေးခဲ့ကြောင်းသိရသည်။

ထို့ပြင် အဆိုပါပွဲတော်က Ravenswood Community Services အတွက် ရန်ပုံငွေများရှာဖွေ ပေးနိုင်ခဲ့ ကြောင်းလည်းသိရသည်။ (၁၉၃၀) ပြည့်နှစ် များမှစတင်ပြီး ချီကာဂိုတွင်ချက်လုပ်ခဲ့သော Jeppson’s Malört အရက် သည် wormwood အပင်ကို အခြေခံကာပြုလုပ်ထားသည့် အရက်တစ်မျိုးလည်းဖြစ်သည်။ Jeppson’s Malört အရက်သည် မြို့တွင်းသို့လာရောက်လည်ပတ်သူများကို ဧည့်ခင်းတိုက်ရန်အတွက် ချီကာဂိုမြို့သားများက ဝယ်ယူကြ လေ့ရှိသည့် နာမည်ကြီးအရက်တစ်မျိုးလည်းဖြစ်သည်။

အဆိုပါပွဲတော်တွင်ပါဝင်ခဲ့သူ Lenya Friesner က “Jeppson’s Malört အရက်ကို တိုက်တာက လူမှုရေးအရ ဆက်ဆံတဲ့ ဓလေ့တစ်မျိုး လည်းဖြစ်ပါတယ်။ ဒီအရက်ကို အတူတူသောက်တာ က စိတ်ဒဏ်ရာတွေကိုသက်သာစေပါ တယ်”ဟု ပြောဆိုခဲ့သည်။ ထို့ပြင် ချီကာဂိုမြို့တော်အဖြစ် ဝင်ရောက် ယှဉ်ပြိုင်မည့် မြို့တော်ဘဏ္ဍာရေးမှူး Susana Mendoza ကလည်း အဆိုပါပွဲတော်ကိုတက်ရောက်ခဲ့ပြီး ခါးသက်သည့်အရက်၏ဆွဲဆောင်မှုကို လူများကို စုစည်းပေး သည့် လူမှုအသိုင်းအဝိုင်း၏ သောက်စရာ တစ်ခုအဖြစ် ဖော်ပြပြောဆိုခဲ့ကြောင်းသိရသည်။