သန့်ဇင် (NP News) - စက်တင်ဘာလ ၁ဝ 

မြန်မာ့ဘောလုံးလောကတိုးတက်ရန် ယခု နှစ်ကစတင်ကာ ကျောင်းပေါင်းစုံဘောလုံးပြိုင်ပွဲများ (Football For School) အစီအစဉ်ဖြင့် မျိုးစေ့ချနေ သော်လည်း ယှဉ်ပြိုင်လေ့ကျင်ရန် ဘောလုံးကွင်းများ စွာလိုအပ်နေသေးကြောင်း မြန်မာနိုင်ငံဘောလုံးအဖွဲ့ ချုပ်(MFF)နှင့်နီးစပ်သူသတင်းရင်းမြစ်က NP News သို့ပြောသည်။

Football For School Project ကို ယခု နှစ် မေလကစတင်ကာ တိုင်းဒေသကြီးနှင့် ပြည်နယ် (၆)ခုရှိ အခြေခံပညာကျောင်းများတွင် Pilot Pro­ject  ဖြင့် စတင်အကောင်အထည် ဖော်နေပြီဖြစ်ကြောင်းသိရသည်။

အဆိုပါအစီအစဉ်ကို ပညာရေးဝန်ကြီးဌာ န၊ အားကစားရေးရာဝန်ကြီးဌာန၊ မြန်မာနိုင်ငံဘောလုံး အဖွဲ့ချုပ်(MFF)နှင့် တိုင်းဒေသကြီးနှင့် ပြည်နယ်အ စိုးရများ ပူးပေါင်းအကောင်အထည်ဖော်နေခြင်းဖြစ် ပြီး ကမ္ဘာ့ဘောလုံးအဖွဲ့ချုပ်မှလည်း ပံ့ပိုးကူညီမှုများ ရှိကြောင်းသိရသည်။

" နံပါတ် (၁)ကတော့ နံပါတ် (၁)ဦးစား အရေးကြီးဆုံးဝန်ကြီးဌာနကတော့ ပညာရေးဝန်ကြီး ဌာန။ ဘာလို့ဆို ကျောင်းတွေမှာ အဓိကဖော်ဆောင်ရ မှာ။ အားကစားဝန်ကြီးဌာနကတော့ လိုအပ်တဲ့ဘော လုံးကွင်းတို့လိုအပ်တဲ့ အကူအညီတွေပေးတယ်။ ဘောလုံးအဖွဲ့ချုပ်ကျတော့ FIFA  ရဲ့ နည်းစနစ်ပံ့ပိုးမှု တွေနဲ့ ဘောလုံးတွေပေါ့နော် အဲဒါတွေကို ဘောလုံးအ ဖွဲ့ချုပ်ကပံ့ပိုးပေးတယ်။ တိုင်းဒေသကြီးနဲ့ပြည်နယ်က အစိုးရအဖွဲ့တွေကလည်း ဒေသတွင်းမှာရှိတဲ့ကျောင်း တွေကို Organize လုပ်ပြီးတော့ ဝိုင်းဝန်းပါဝင်ကူညီ ပြီး ပွဲတွေလုပ်ပေးတယ်"ဟု အထက်ပါသတင်းရင်း မြစ်ကပြောသည်။

ယင်းအစီအစဉ်မှာ ကလေးငယ်များ ဘော လုံးအားကစားကိုချစ်မြတ်နိုးကာ နည်းစနစ်တကျက စားတတ်စေရန်နှင့် အစုအဖွဲ့ဖြင့်လုပ်ဆောင်နိုင်စေရန်ရည်ရွယ်ခြင်းဖြစ်ပြီး ထိုမှတစ်ဆင့် ရွက်ပုန်းသီးက စားသမားပေါ်ထွက်စေရန်လည်းရည်ရွယ်ကြောင်း ၎င်းကဆိုသည်။

ထို့နောက် အလားလာရှိ ကစားသမားများ ကိုရွေးချယ်ကာ U-14, U-15 မှတစ်ဆင့် အကယ်ဒမီ၊ ပြည်တွင်းလိဂ်ပြိုင်ပွဲဝင်ကစားသမားနှင့် လက်ရွေးစင် များအထိမျှော်မှန်းနိုင်ကြောင်းလည်း ၎င်းကဆိုသည်။

" အဆင့်ဆင့်ကနေ ကလေးတွေက ထူး ချွန်သလိုပေါ့နော်။ Professional  ကစားသမားတွေ လည်းဖြစ်လာနိုင်တယ်။ ဒါမှမဟုတ်လည်း ဒီကနေပြီး တော့ အဆင့်ဆင့်ကောက်ပြီးတော့ ရွေးချယ်သွားတာ လည်းခံရနိုင်တယ်။ သူတို့ရဲ့ Life ကတော့ သူတို့ရဲ့ ကြိုးစားအားထုတ်မှုနဲ့ သူတို့ရဲ့ပါရမီပါမှု၊ မပါမှုအပေါ် မူတည်သေးတာပေါ့။ အဲဒီတော့ အဆင့်ဆင့်လက်ရွေး စင်အဆင့်အထိ အားကိုးရမှာပေါ့လေ။ ဒီတော့ ဒီအစီ အစဉ်က ဘောလုံးအခြေခံမျိုးစေ့ချတာပေါ့။ ကျောင်း တွေမှာ ဘောလုံးအခြေခံမျိုးစေ့ချလိုက်တဲ့သဘောပဲ"ဟု ၎င်းကဆက်ပြောသည်။ သို့သော်လည်း မြန်မာ့ ဘောလုံးလောကတိုးတက်စေရန်အတွက် အဓိကကျ သည့် အခြေခံအကြောင်းအရင်းတစ်ရပ်မှာ ယှဉ်ပြိုင် ရေးနှင့် လေ့ကျင့်ရေးအတွက် ဘောလုံးကွင်းများလိုအပ်ကြောင်းလည်း ၎င်းကဆိုသည်။

" လက်ရှိ ဘောလုံးလောကအတွက်ဆိုရင် တော့ ကွင်းကလိုတာပေါ့။ ဘာကြောင့်လိုလဲဆိုတော့ ပြိုင်ပွဲတစ်ခုလုပ်ပြီဟေ့ဆိုရင် ကွင်းဖြစ်ရုံနဲ့မပြီးဘူး၊ ပြိုင်ပွဲကျင်းပရုံနဲ့မပြီးဘူး။ ပြိုင်ပွဲကျင်းပဖို့အတွက် ဒီကလေးတွေ လေ့ကျင့်ဖို့အတွက် လေ့ကျင့်ရေးကွင်း ကောင်းကောင်းတွေလိုအပ်တယ်လေ။ အဓိက ဘော လုံးလောကတိုးတက်ဖို့ဆိုရင် ဘောလုံးကွင်းကောင်း ကောင်းမရှိဘဲနဲ့တော့မဖြစ်နိုင်ဘူး။ ကွင်းတွေရှိရင် တော့ ကစားတဲ့လူလည်းများမယ်။ ပြိုင်ပွဲတွေလည်း များမယ်"ဟု အထက်ပါသတင်းရင်းမြစ်ကဆိုသည်။