ထိုက်စံ(NSS)-စက်တင်ဘာ ၃

မန်ချက်စတာယူနိုက်တက်အသင်း၏ ကစားသမားဟောင်းများဖြစ်သော ရိုင်ယန်ဂစ်၊ ဘာဘာတော့ဗ်၊ အီဗရာနဲ့ အန်ဒါဆန်တို့သည် ရန်ကုန်မြို့သို့ အောက်တိုဘာလကုန်တွင် လာရောက်မည်ဖြစ်ပြီး ပရိသတ်များနှင့် တွေ့ဆုံပွဲပြုလုပ်သွားမည်ဖြစ်ကြောင်း The Garden Agency ၏အချက်အလက်များအရ သိရသည်။

Legendary Players Meet & Greet in Yangon ဆိုသည့် အစီအစဉ်ဖြင့် လာမည့် အောက်တိုဘာလ (၃၀) ရက်နှင့်(၃၁) ရက်တို့တွင် ရန်ကုန်မြို့ရှိ Melia ဟိုတယ်တွင် ကျင်းပမည့်အပြင် လာမည့် နိုဝင်ဘာလ (၁) ရက်တွင်လည်း ရန်ကုန် ကွန်ဗင်းရှင်းစင်တာတို့တွင် ပရိသတ်များနှင့် တွေ့ဆုံပွဲများ ပြုလုပ်သွားမည်ဖြစ်ကြောင်း သိရသည်။

ထို့ပြင် ပရိသတ်များအနေဖြင့် တွေ့ဆုံပွဲကို လာရောက်၍ ဂန္ထဝင်ကစားသမားကြီးများနှင့် တွေ့ဆုံကာ အမှတ်တရများ ဖန်တီးနိုင်မည့်အပြင် မြန်မာနိုင်ငံမှ နာမည်ကျော်အနုပညာ ရှင်များဖြစ်သော ထွန်းထွန်း၊ ရဲလေး၊ ဘန်နီဖြိုး၊ လွှမ်းပိုင်၊ ဝိုင်းစုခိုင်သိန်း၊ ချမ်းမြေ့မောင်ချိုနှင့် လုဖရင်း တို့မှ ပါဝင်၍ ဖျော်ဖြေတင်ဆက်သွားမည်ဖြစ်ကြောင်း သိရသည်။

အဆိုပါ ပွဲနှင့်ပတ်သက်၍ အသေးစိတ်အစီအစဉ်များ၊ လက်မှတ်များအား ထပ်မံကြေညာပေးသွားမည်ဖြစ်ကြောင်း သိရသည်။