ရောင်နီ (NSS) - သြဂုတ် ၃ 

          နေ့အပူချိန် စံချိန်တင်မြင့်တက်နေတဲ့ တောင်ကိုရီးယားမှာ အိမ်မွေးခွေးကို ပူနေမှာစိုးလို့ ရေခဲသေတ္တာထဲ ထည့်ပိတ်ထားမိတဲ့စားသောက်ဆိုင်ပိုင်ရှင်ဟာ တိရစ္ဆာန်ညှင်းပမ်းနှိပ်စက်မှုနဲ့ ဇူလိုင် ၃၁ ရက်မှာ အတိုင်ခံလိုက် ရပါတယ်။ 

         တောင်ကိုရီးယား၊ ဘူဆန်၊ ဂျောင်ဘူ ရဲစခန်းက ဇူလိုင်လ ၂၉ ရက်နေ့ ည ၈ နာရီ ၁၀ မိနစ်ဝန်းကျင်မှာ ခွေးကို ရေခဲသေတ္တာထဲ ထည့်ထားတယ်ဆိုတဲ့ တိရိစ္ဆာန်ညှင်းပန်းနှိပ်စက်မှု ဖြစ်နိုင်ချေရှိတဲ့ တိုင်ကြားချက်ကို လက်ခံရရှိ ခဲ့ပါတယ်။ ရဲတပ်ဖွဲ့က သွားရောက်စစ်ဆေးစဉ်မှာတော့ ရေခဲသေတ္တာအတွင်း အပူချိန်ဟာ အေးခဲခြင်းမရှိ အလွန်နိမ့်နေတာကြောင့် တိရစ္ဆာန်ကာကွယ်ရေးဥပဒေအား ချိုးဖောက်ခဲ့ခြင်း ရှိ၊ မရှိ စစ်ဆေးခဲ့ပါတယ်။ ခွေးပိုင်ရှင် ဖြစ်သူကတော့  သူ့ရဲ့ခွေးလေးမှာ နှလုံးနဲ့ဆိုင်တဲ့ပြဿနာတွေရှိတာကြောင့် အပူချိန်မခံစားရအောင် ရေခဲသေတ္တာ ထဲ ထည့်ထားမိတယ်လို့ ဆိုပါတယ်။ အသက် ၆ဝ အရွယ်ရှိ စားသောက်ဆိုင်ပိုင်ရှင်က သူမဟာ သမီးလေးလို ချစ်ရတဲ့ ကွတ်ကီးဆိုတဲ့ခွေးလေးမှာ နှလုံးရောဂါ ခံစားနေရပြီး အပူလွန်ကဲရင် အသက်သေဆုံးနိုင်တယ်လို့ ဆရာဝန် က ပြောခဲ့တာကြောင့် အပူလျော့အောင် ရေခဲသေတ္တာထဲ ထည့်ထားမိတယ်လို့ ဆိုပါတယ်။

        အခု လောလောဆယ်မှာတော့ ပိုင်ရှင်ရဲ့ရှင်းပြချက်အရ ခွေးကို ညှင်းပမ်းနှိက်စက်ဖို့ ရည်ရွယ်ချက် မရှိဘူးလို့ ယူဆထားပြီး အိမ်မွေးတိရစ္ဆာန်ကို ရေခဲသေတ္တာထဲမှာ ထားဖို့ကတော့ သတိထားဖို့လိုအပ်ကြောင်း၊ ရေခဲသေတ္တာထဲ ထည့်ထားမယ့်အစား ခွေးတွေအတွက်ထုတ်လုပ်ထားတဲ့ အအေးဖြာ လို အသုံးအဆောင်ပစ္စည်းတွေ သုံးပေးသင့် ကြောင်း  ဒေသခံတိရစ္ဆာန်အခွင့်အရေးအဖွဲ့ Live in Freedom and Equality ရဲ့ အကြီးအကဲ မစ္စတာဆမ်အင်ဆော့ က ပြောကြား အကြံပြုခဲ့ပါတယ်။