Pika (NSS) - သြဂုတ် ၂ 

ရုရှားမှာအစိုးရအပြောင်းအလဲအတွက် တွန်းအားပေးကြဖို့ ၎င်းရဲ့အနောက်အုပ်စုကျောထောက်နောက်ခံနိုင်ငံတွေ ကို ယူကရိန်းသမ္မတဇီလန်စကီးက တောင်းဆိုခဲ့တယ်လို့ သိရပါတယ်။ ဇီလန်စကီးဟာ ဟယ်လ်စင်ကီ သဘောတူညီချက် နှစ်ပေါင်း(၅၀)ပြည့် အထိမ်းအမှတ်ညီလာခံမှာ ယခုလိုမှတ်ချက်ပြုပြောဆိုခဲ့တာဖြစ်တယ်လို့ လည်း သိရပါတယ်။

ဒါပေမယ့်လည်း အနောက်အုပ်စုနိုင်ငံတွေရဲ့လုပ်ရပ်တွေအားလုံးဟာ ရုရှား-ယူကရိန်းပဋိပက္ခကို ဆက်လက်ဖြစ်ပွား စေတဲ့ အဓိကအချက်တစ်ခုဖြစ်တယ်လို့ ရုရှားနိုင်ငံခြားရေးဝန်ကြီး ဆာဂေးလာရော့ဗ်က ထုတ်ပြန်ပြောကြားခဲ့ပါ တယ်။

ဇီလန်စကီးက “ဒီစစ်ပွဲကို အဆုံးသတ်ဖို့အတွက် ရုရှားကို တွန်းအားပေးလို့ရမယ်လို့ ကျွန်တော်ယုံကြည်ပါတယ်။ ဒါပေမယ့် ကမ္ဘာကြီးက ရုရှားမှာအစိုးရကိုပြောင်းလဲဖို့ မရည်ရွယ်ထားဘူးဆိုရင် ဒီစစ်ပွဲပြီးသွားရင်တောင် ရုရှားက အိမ်နီးချင်းနိုင်ငံတွေကို မတည်မငြိမ်ဖြစ်အောင်လုပ်ဖို့ ဆက်လက်ကြိုးစားနေဦးမှာပါ” လို့ ပြောခဲ့ပါတယ်။

ဒါ့ပြင် ရုရှားရဲ့ပိုင်ဆိုင်မှုတွေအားလုံးကို သိမ်းယူဖို့ ၎င်းရဲ့ကျောထောက်နောက်ခံနိုင်ငံတွေအားလုံးကို ဇီလန်စကီးက တိုက်တွန်းခဲ့တယ်လို့ သိရပါတယ်။ ဇီလန်စကီးက “ရုရှားရဲ့ပိုင်ဆိုင်မှုတွေအားလုံးကို သိမ်းယူဖို့ အချိန်တန်ပါပြီ။ ရုရှားရဲ့ ကျူးကျော်တိုက်ခိုက်မှုတွေကို ကာကွယ်ဖို့အတွက် သိမ်းယူထားတဲ့ ရုရှားရဲ့ပိုင်ဆိုင်မှုတွေအားလုံးကို အသုံးချဖို့ အချိန်တန်ပါပြီ” လို့ ပြောခဲ့ပါတယ်။