သက်ပိုင်(NSS) – ဇူလိုင် ၂

ရန်ကုန်မြို့၊ သုဝဏ္ဏအားကစားကွင်းကြီးတွင် လက်ခံကျင်းပနေသော အာရှအမျိုးသမီးဖလား ခြေစစ်ပွဲတွင် မြန်မာအမျိုးသမီးဘောလုံးအသင်းအနေဖြင့် ဘင်္ဂလားဒေ့ရှ်အမျိုးသမီးဘောလုံးအသင်းအား (1-2) ရလဒ်ဖြင့် ရှုံးနိမ့်ခဲ့ကြောင်းသိရသည်။

အဆိုပါ အာရှခြေစစ်ပွဲတွင် မြန်မာအမျိုးသမီးဘောလုံးအသင်းအနေဖြင့် ဘင်္ဂလားဒေ့ရှ်၊ ဘာရိန်း၊ တာ့မင်နစ္စတန်အသင်းများနှင့်အတူ ခြေစစ်ပွဲ အုပ်စု C တွင်ပါဝင်ခဲ့ခြင်းဖြစ်သည်။

အဖွင့်ပွဲစဉ်တွင် မြန်မာအမျိုးသမီးဘောလုံးအသင်းက (8-0)ဟူသော ရလဒ်ဖြင့် အနိုင်ရရှိခဲ့ပြီး ဘင်္ဂလားဒေ့ရှ်အမျိုးသမီးဘောလုံးအသင်းကလည်း ဘာရိန်းကို (7-0) ဟူသော ရလဒ်ဖြင့် အနိုင်ရရှိခဲ့ခြင်းဖြစ်သည်။

အာရှခြေစစ်ပွဲသို့ အုပ်စုတစ်ခုချင်းမှ ပထမရသော အသင်းများသာ တက်ရောက်ခွင့်ရမည်ဖြစ်သော ကြောင့် တောင်အာရှ၏ လက်ရှိချန်ပီယံ ဘင်္ဂလားဒေ့ရှ်အမျိုးသမီး ဘောလုံးအသင်းထံ ရှုံးနိမ့်ခဲ့သော မြန်မာအသင်းအနေဖြင့် အာရှခြေစစ်ပွဲနှင့် လွဲချော်နိုင်ဖွယ် ရှိနေကြောင်း သိရသည်။