Pika (NSS) - ဧပြီ ၂၃

ရုရှားနဲ့ ယူကရိန်းကြား ငြိမ်းချမ်းရေးဆွေးနွေးပွဲတွေနဲ့ပတ်သက်ပြီး အတားအဆီးတချို့ကို ယူကရိန်းဘက်က ဖယ်ရှားပစ်ဖို့ ဆန္ဒရှိမယ်ဆိုရင် အဲဒီလိုမျိုး အဆက်အသွယ်တွေက ဖြစ်လာနိုင်ခြေရှိတယ်လို့ ရုရှားအစိုးရက ပြောကြားခဲ့ပါတယ်။

ယူကရိန်းနဲ့ဆွေးနွေးပွဲတွေအတွက် ခိုင်မာတဲ့အစီအစဉ်တွေမရှိဘူးလို့ ရုရှားအစိုးရဘက်က အစောပိုင်းမှာ ထုတ်ပြန်ပြောဆိုခဲ့ပေမယ့်လည်း နောက်ပိုင်းမှာ ယခုလိုထပ်မံပြောဆိုခဲ့တာဖြစ်တယ်လို့လည်း သိရပါတယ်။ ဒါပေမဲ့လည်း ရုရှားအစိုးရဘက်က ထုတ်ပြန်ပြောဆိုခဲ့တဲ့ အတားအဆီးတွေဆိုတာက ဘယ်အရာတွေဖြစ်တယ်ဆိုတဲ့ အသေးစိတ်အချက်အလက်တွေကိုတော့ ရုရှားအစိုးရပြောရေးဆိုခွင့်ရှိသူ ဒီမစ်ထရီပက်စကော့ဗ်က ထုတ်ဖော်ပြောဆိုခဲ့တာမျိုး မရှိခဲ့ဘူးလို့သိရပါတယ်။ ယူကရိန်းအတွက် စစ်ရေးအကူအ ညီအသစ်တွေကို ဂျာမနီအစိုးရက ထုတ်ပြန်ကြေညာခဲ့ပြီးနောက် တစ်ရက်အကြာမှာ ရုရှားအစိုးရရဲ့ ပြောဆိုချက်တွေထွက်ပေါ်လာတာဖြစ်ပါတယ်။

ရုရှားနဲ့ယူကရိန်းတို့ဟာ စေ့စပ်ညှိနှိုင်းမှုတွေ လုပ်ဆောင်နိုင်စွမ်းမရှိဘူးလို့ ယုံကြည်မှုတွေရှိလာခဲ့မယ်ဆိုရင် အမေရိကန်ဟာ ယူကရိန်းပဋိပက္ခအတွက် ငြိမ်းချမ်းတဲ့ဖြေရှင်းချက်တွေကိုရှာဖွေဖို့ ကြိုးပမ်းမှုတွေကို စွန့်လွှတ်သွားနိုင်တယ်လို့ အမေရိကန်နိုင်ငံခြားရေးဝန်ကြီး မာကိုရူဘီအိုက ပြီးခဲ့တဲ့ရက်ပိုင်းမှာ သတင်းထုတ်ပြန်ပြောဆိုခဲ့ပြီးနောက် ရုရှားအစိုးရရဲ့နောက်ဆုံးပြောဆိုချက် ထွက်ပေါ်လာတာလည်းဖြစ်ပါတယ်။