သန့်ဇင် (NSS) - မတ် ၁၈

        တနင်္သာရီတိုင်းဒေသကြီး ထားဝယ်မြို့နယ်တွင် အကြောင်းသိလာသော ဒေသခံများနှင့် PDF များအကြား မကျေနပ်သည့်အဆင့်မှ တင်းမာမှုအထိဖြစ်လာနေကြောင်း ဒေသခံသတင်းရင်းမြစ်တစ်ဦးက NSS သို့ပြောသည်။

    PDF အဖွဲ့၏ တိုက်ပွဲဖော်ဆောင်မှုကြောင့် ထားဝယ်မြို့နယ်အတွင်း‌ကျေးရွာများမှ ဒေသခံများစွာ နေရပ်စွန့်ခွာတိမ်းရှောင်နေရသည့်အတွက် ဒေသခံများနှင့် PDF လက်နက်ကိုင်တို့အကြား တင်းမာမှုများ ရှိလာနေကြောင်း အထက်ပါဒေသခံက ဆိုသည်။ လက်ရှိတွင် နယ်မြေမငြိမ်မသက်မှုများကြောင့် ဒေသခံသောင်းနှင့်ချီက ထားဝယ်မြို့ပေါ်သို့နေရပ်စွန့်ခွာ တိမ်းရှောင်နေထိုင်နေရကြောင်း သိရသည်။

    " အဓိကတော့ ရွာသားတွေလည်းတော် တော်လေးသိလာကြပြီပေါ့။ ဒီကောင်တွေပေါ်လာတဲ့ အခါကျတော့မှ နေစရာမရှိ စားစရာမရှိ အဲဒီလိုဖြစ်ရ တယ်ပေါ့။ နောက်တစ်ချက်က အရင်နေ့က သတင်း ကြားရတယ်ဆိုရင် PDF တွေက ရန်တောင်ရွာကရွာ သားတွေကို မကျေနပ်လို့ဆိုပြီး ရန်တောင်ရွာမှာ စစ်ကြောင်းရောက်နေချိန်မှာDrop ဗုံးလာချတယ်လေ။ အဲဒီမှာ ရွာသားတွေကပြောတာက မင်းတို့ကောင်တွေ နန့်နန့်လာလုပ်နေလို့ စစ်ကြောင်းလာထိုးရင် တိုက်ပွဲ ဖြစ်ပြီး ရွာပျောက်မယ်ပေါ့နော်။ အဲဒီလိုပြောတော့  PDF တွေက ဘာပြောလဲဆိုတော့။ ငါတို့ရွာတောင် ပြေးနေရတာ။ မင်းတို့ရွာတွေက မပြေးရဘူးပေါ့နော်။ အဲဒီတော့ မကျေနပ်ဘူးပေါ့နော်။ မင်းတို့ရွာလည်း မပြေး ပြေးရအောင်ငါတို့လုပ်မယ်ပေါ့နော်။ အဲဒီလို ဖြစ်နေတာ။ ဒီကိစ္စကဘယ်လိုဖြစ်နေလဲဆိုတော့ ရွာသားတွေလည်း  PDF တွေကို မကျေနပ်တော့ဘူး"ဟု အထက်ပါ ဒေသခံက ပြောသည်။

    ထို့ပြင် ဒေသခံထောက်ခံမှုအားနည်းလာသည့် ထားဝယ်ဒေသရှိ  PDF လက်နက်ကိုင်များ သည် လက်ရှိကာလတွင် အနေအစားကျပ်တည်း ခက်ခဲလာပြီဖြစ်ကြောင်းလည်း အထက်ပါသတင်း ရင်းမြစ်က ဆိုသည်။ " အရင်တုန်းကထောက်ခံတဲ့ ရွာသားတွေလည်းမထောက်ခံတော့ဘူး။ မြင်နေရတာ လည်းရှိတယ်။ လိုင်းပေါ်မှာထောက်ပို့အကြီးစားကြီး တစ်ယောက်တောင်မှ ဆီအုန်းတောထဲမှာ ထအော် နေပြီ။ ဘယ်သူမှမထောက်ပံ့တော့ဘူးဆိုပြီး။ စီးပွား ရေးဘက်လိုက်တဲ့ကောင်တွေကတော့ အဆင်ပြေတာ ပေါ့။ အဲဒီဘက်မလိုက်တဲ့ကောင်တွေကတော့ ကျပ် တည်းတာပေါ့။ နောက်ပိုင်း စားခွက်ပျောက်တဲ့အနေ အထားထိဖြစ်လာလိမ့်မယ်" ဟု အထက်ပါသတင်းရင်းမြစ်က ပြောသည်။

    ထားဝယ်ဒေသတွင် ကော်လဖိုးဦး ဦးဆောင်သည့် KNU တပ်မဟာ(၄)ခွဲထွက်အဖွဲ့အပါ အဝင် PDF အဖွဲ့ပေါင်း(၂၀)ထက်မနည်းရှိနေပြီး နိုင်ငံတော်ပိုင် သဘာဝတွင်းထွက်များကို လက်ဝါးကြီးအုပ်ကာ စီး ပွားရှာနေသောအဖွဲ့များလည်း များစွာရှိနေကြောင်း သိရသည်။