Pika (NSS) - မတ် ၁၈

              အသီးအရွက်များဖြင့်ပြုလုပ်ထားသော ဂီတတူရိယာများဖြင့် သီဆိုဖျော်ဖြေမှုများလုပ်ဆောင်ခဲ့သော ကမ္ဘာ့ပထမဆုံးသံစုံတီးဝိုင်းသည် နှစ်ပေါင်း (၂၇)နှစ်အတွင်း ဖျော်ဖြေပွဲ(၃၄၄)ပွဲ လုပ်ဆောင်ခဲ့ပြီး နောက် ကမ္ဘာ့ဂင်းနစ်စံချိန်တင်နိုင်ခဲ့ကြောင်း သိရသည်။

    အသီးအရွက်များဖြင့်ပြုလုပ်ထားသော ဂီတတူရိယာ(၁၁)မျိုးပါဝင်သည့် သံစုံတီးဝိုင်းကို (၁၉၉၉)ခုနှစ်တွင် ဩစတြီးယားနိုင်ငံ ဗီယင်နာမြို့ တွင် စတင်ဖွဲ့စည်းခဲ့ခြင်းဖြစ်ကြောင်းသိရသည်။ အမျိုးမျိုးသောဂီတပညာရှင်များသည် အသီးအရွက် များကို ဂီတတူရိယာအဖြစ်ဖန်တီးရန် စိတ်ကူးများဖြင့် အတူစုစည်းခဲ့ကြပြီးနောက် အဆိုပါသံစုံတီးဝိုင်းကို ဖွဲ့ စည်းခဲ့ခြင်းဖြစ်ကြောင်းသိရသည်။ တည်ထောင်သူ မက်သီးယက်စ်မိန်းဟာတာက " ဒီအရာတွေအားလုံး က ဟာသတစ်ခုအဖြစ်ကနေ စတင်ခဲ့တာပါ"ဟု ပြော ဆိုခဲ့သည်။

    ထို့ပြင် တည်ထောင်သူလေးဦးသည် ဗီယင်နာမြို့ရှိ အနုပညာဖျော်ဖြေပွဲအတွက် မှတ်တမ်း တင်ထားကြောင်း မက်သီးယက်စ်မိန်းဟာတာက ပြောကြားခဲ့သည်။ မက်သီးယက်စ်မိန်းဟာတာက    " ကျွန်တော်တို့ဘာလုပ်နိုင်လဲဆိုတာကို စမ်းသပ်ကြည့်ဖို့ဆုံးဖြတ်ခဲ့ကြတာပါ။ နောက်ဆုံးမှာတော့ အ သီးအရွက်တွေနဲ့ ဂီတတူရိယာတွေဖန်တီးပြီး သံစုံတီး ဝိုင်းဖွဲ့စည်းဖို့ အကြံရခဲ့ကြတာပါ" ဟုပြောဆိုခဲ့သည်။ ၎င်းတို့၏ ဂီတတူရိယာများတွင် မုန်လာဥကို အသံ ဖမ်းစက်အဖြစ်ဖန်တီးထားသလို မယ်ဒလင်အဖြစ် ကြက်သွန်မြိတ်ကို ဖန်တီးထားမှုများပါဝင်ကြောင်း သိရသည်။

    အဆိုပါသံစုံတီးဝိုင်းသည် ၎င်းတို့၏(၃၄၄)ကြိမ်မြောက်ရှိုးပွဲကိုဖျော်ဖြေခဲ့ပြီးနောက် အသီးအရွက် များဖြင့်ဖန်တီးထားသောဂီတတူရိယာများဖြင့် ဖျော် ဖြေပွဲအများဆုံးဖျော်ဖြေခဲ့ခြင်းအတွက် ကမ္ဘာ့ဂင်းနစ် စံချိန်တင်နိုင်ခဲ့ခြင်းဖြစ်ကြောင်းသိရသည်။ ထို့ပြင် ၎င်းတို့၏ဂီတတူရိယာများသည် ပုပ်ခြင်း သို့မဟုတ် ပုံသဏ္ဌာန်ပျက်ယွင်းမှုများမဖြစ်ခင် အချိန် (၆)နာရီ ခန့်သာခံသောကြောင့် ဖျော်ဖြေပွဲတိုင်းတွင် လတ် ဆတ်သောအသီးအရွက်များကို ထွင်းထုရကြောင်း ၎င်းတို့ကပြောကြားခဲ့သည်။