ယွန်း (NSS) - အောက်တိုဘာ ၃

အောင်ဘာလေအွန်လိုင်းထီကို တစ်လလျှင်နှစ်ကြိမ်ဖွင့်လှစ်သွားမည်ဖြစ် ကြောင်း အွန်လိုင်းထီမှ ထုတ်ပြန်ထားချက်အရ သိရသည်။

လာမည့်အောက်တိုဘာ(၁၅)ရက်မှစ၍ အောင်ဘာလေအွန်လိုင်းသိန်းဆုထီအား အက္ခရာ(၁)လုံးနှင့် ဂဏန်း(၅)လုံးဖြင့် ရောင်းချသွားမည်ဖြစ်ပြီး ထီလက်မှတ်တစ်စောင် တန်ဖိုးမှာ (၁၀၀၀)ကျပ်ဖြစ်ကြောင်း သိရသည်။

ထို့ကြောင့် အက္ခရာ(၁)လုံးနှင့် ဂဏန်း(၆)လုံးပါ ကျပ် (၁၀၀၀)တန် အောင်ဘာလေအွန်လိုင်းသိန်းဆုထီအား စက်တင်ဘာ (၂၉) ရက်နောက်ဆုံးထားရောင်းချပေးခဲ့ကြောင်း ထုတ်ပြန်ချက်တွင် ဖော်ပြထားသည်။

အက္ခရာ(၁)လုံးနှင့် ဂဏန်း(၅)လုံးပါ အောင်ဘာလေအွန်လိုင်းသိန်းဆုထီအား (၁)လလျှင် (၂)ကြိမ်ရောင်းချပေးမည်ဖြစ်ပြီး ရောင်းချမည့်ကာလများမှာ လတစ်လ၏ (၁)ရက်နေ့မှ (၁၄)ရက်နေ့အထိ (၁)ကြိမ်နှင့် (၁၆)ရက်နေ့မှ လကုန်မတိုင်မီ(၁)ရက်အလိုအထိ (၁)ကြိမ် စုစုပေါင်း(၂)ကြိမ်ဖြစ်ကြောင်း သိရသည်။

ထီဖွင့်ပွဲအား လတစ်လ၏ ပထမအကြိမ်အတွက် ထီဖွင့်ပွဲအား လစဥ်(၁၆) ရက်နေ့နှင့် ဒုတိယအကြိမ်အတွက် ထီဖွင့်ပွဲအား နောက်လ၏(၂)ရက်နေ့တွင် ပုံမှန်ဖွင့်လှစ်ပေးမည်ဖြစ်ကြောင်း အသိပေးထားသည်။

ထို့ပြင် အဆိုပါ အောင်ဘာလေသိန်းဆုထီတွင် Jackpot ဆု၊ ယူနစ်ဆုနှင့် နှစ်သိမ့်ဆုများဖြင့် ထီဆုများဖွင့်လှစ်ပေးမည်ဖြစ်ပြီး Jackpot ဆု၏ ထီလက်မှတ်ကံထူးရှင်အား (၃)ကြိမ်တိတိ ရွေးချယ်မည်ဖြစ်ကြောင်း သိရသည်။ (၃)ကြိမ်အတွင်း ပေါက်မဲနံပါတ်မထွက်ပေါ်ပါက Jackpot ဆုအ တွက် ထီဆုငွေကို နောက်တစ်ကြိမ်ထီဖွင့်ပွဲတွင် ပေါင်းထည့်သွားမည်ဖြစ်ပြီး ဆတိုးရရှိသွားမည်ဖြစ်ကြောင်း သိရသည်။

အောင်ဘာလေ အက်ပလီကေးရှင်းကို အောက်တိုဘာ(၁၂)ရက်တွင် ဗားရှင်းအသစ်မြှင့်တင်၍ စတင်ဆောင်ရွက်နိုင်ပြီဖြစ်ပြီး လာမည့် အောက်တိုဘာ (၁၅)ရက်မှစ၍ ထီလက်မှတ်ကို ဝယ်ယူကံစမ်းနိုင်မည်ဖြစ်ကြောင်း သိရသည်။