ကျောင်းဆရာမတစ်ဦးကို လက်ပြန်ကြိုးတုတ် သတ်ဖြတ်မှု နှင့် ပါတီဝန်းရံသူ(၂)ဦးကို ဖမ်းဆီးသတ်ဖြတ်မှု တံတားဦးမြို့နယ်တွင် ဖြစ်ပွား
Pearl (NSS) - ဇန်နဝါရီ ၁၈
တံတားဦးမြို့နယ်တွင် ကျောင်းဆရာမတစ်ဦးကို လက်ပြန်ကြိုးတုတ် သတ်ဖြတ်မှု နှင့် ပါတီဝန်းရံသူ(၂)ဦးကို ဖမ်းဆီးသတ်ဖြတ်မှုဖြစ်ပွားခဲ့ကြောင်း လုံခြုံရေးအဖွဲ့နှင့် နီးစပ်သူများထံမှ သိရသည်။
ပြီးခဲ့သည့် ဇန်နဝါရီလ ၁၆ ရက်၊ နံနက် ၆ နာရီခွဲခန့်တွင် မန္တလေးတိုင်း၊ တံတားဦးမြို့နယ်၊ ထောက်ရစ်ကျေးရွာသို့ အကြမ်းဖက်သမားများက ဆိုင်ကယ်(၂)စီးဖြင့် ရောက်ရှိလာပြီး ဦးစိုးမြင့်ထွန်း (၅၃)နှစ် နှင့် မသက်နွယ်အောင် (၄၂)နှစ် ဖမ်းဆီးခေါ်ဆောင်၍ လုပ်ကြံသတ်ဖြတ်သွားခဲ့ကြောင်းသိရသည်။
ထိုသို့ အကြမ်းဖက်သတ်ဖြတ်ခံခဲ့ရသည့် ဦးစိုးမြင့်ထွန်းနှင့် မသက်နွယ်အောင်တို့သည် ပြည်ခိုင်ဖြိုးပါတီဝန်းရံသူများ ဖြစ်ပြီး သေနတ်ဖြင့် ပစ်ခတ်သတ်ဖြတ်ခြင်းခံခဲ့ရကြောင်း သိရသည်။
အလားတူ ဇန်နဝါရီလ ၁၆ ရက်၊ နံနက် ၆နာရီ ၅၀မိနစ်ခန့်တွင် တံတားဦးမြို့နယ်၊ တပယ်ကျေးရွာသို့ အကြမ်းဖက်သမားများက ဆိုင်ကယ်(၂)စီးဖြင့်ရောက်ရှိလာပြီး တပယ်အခြေခံပညာအထက်တန်းကျောင်း(ခွဲ)မှ ကျောင်းဆရာမ ဒေါ်မီမီထွန်း(၄၁) နှစ်ကို ဖမ်းဆီးခေါ်ဆောင်၍ လက်ပြန်ကြိုးတုပ်ကာ ထပ်မံ လုပ်ကြံသတ်ဖြတ်ခဲ့ကြောင်း သိရသည်။
"အဲဒီလိုမျိုး ဆရာမတွေ ရက်ရက်စက်စက်အသတ်ခံရတာမျိုးတွေ ကြားလိုက်တိုင်းလည်း စိတ်မကောင်းဘူး။ ဒီလိုမျိုး မကြား ဝံ့မနာသာတွေ မကြားရဲဘူး။ ကြားလည်း မကြားရက်ဘူး။ စိတ်မကောင်းလည်း ဖြစ်တယ်။ ပညာရေးဝန်ထမ်းတွေနဲ့ အပြစ်ဘာမှ မရှိတဲ့ လူတွေကို မျိုးစုံစွပ်စွဲပြီး ကြောက်လန့်အောင် ခြောက်လှန့်ပြောဆိုနေတာတွေကလည်း တော်တော်စိတ်နာစရာကောင်းတယ်"ဟု ပညာရေးဝန်ထမ်းတစ်ဦးက NSS ကိုပြောသည်။
ပြီးခဲ့သော ၂၀၂၃ ခုနှစ် နိုဝင်ဘာလတွင်လည်း မကွေးတိုင်း၊ ရေစကြိုမြို့နယ်၊ အောင်ပန်းချောင်းကျေးရွာတွင် နေထိုင်သော အထက်တန်းပြဆရာမတစ်ဦးကို PDF အဖွဲ့က ဖမ်းဆီးခေါ်ဆောင်သွားပြီး ကျေးရွာအထွက်ရှိ စက်လှေဆိပ်တွင် လက်ပြန် ကြိုးတုတ်၍ လည်ပင်းအားဓားဖြင့်လှီးဖြတ်ကာ သတ်ဖြတ်ခဲ့သည့် ဖြစ်စဉ်ဖြစ်ပွားခဲ့သည်။
၂၀၂၁ ခုနှစ်၊ ဖေဖော်ဝါရီလမှစ၍ လက်ရှိအချိန်ထိ ကျောင်း ဆရာ၊ ဆရာမဦးရေ (၁၀၀)နီးပါး နှင့် ပြည်ခိုင်ဖြိုးပါတီဝင်၊ ထောက်ခံသူ နှင့် အားပေးသူ (၃၀၀၀)ဝန်းကျင်ခန့်သည် ခေါင်းစဉ်အမျိုးမျိုးအောက်တွင် အကြမ်းဖက်အဖွဲ့၏ လုပ်ကြံသတ်ဖြတ်ခြင်းကို ခံထားရကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ရခိုင်ပြည်နယ်မှစစ်ဘေးရှောင်ပြည်သူများသည် တိုက်ပွဲကြောင့် ပြန့်ကျဲနေသည့်အတွက် အကူအညီလုံးဝမရသေးသူများလည်း ရှိနေဟု ALP တာဝန်ရှိသူပြော
RELATED POSTS
26 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ