အာရေးဗျပင်လယ်အတွင်းရှိ လိုက်ဘေးရီးယားအလံလွှင့်တင်ထားသော ပြန်ပေးဆွဲခံရသည့်သင်္ဘောကို အနီးကပ် စောင့်ကြည့်နေကြောင်း အိန္ဒိယရေတပ်ပြော
Pika (NSS) - ဇန်နဝါရီ ၅
အိန္ဒိယရေတပ်မှ စစ်သင်္ဘောတစ်စီးသည် အာရေးဗျပင်လယ်အတွင်း ပြန်ပေးဆွဲခံထားရသော လိုက်ဘေးရီးယား အလံလွှင့်တင်ထားသည့် သင်္ဘောဆီသို့ ဦးတည်ရွေ့လျားနေပြီး လေယာဉ်တစ်စီးက အခြေအနေများကို အနီးကပ် စောင့်ကြည့်နေကြောင်း အိန္ဒိယရေတပ်က ဇန်နဝါရီလ(၅)ရက်တွင် ပြောကြားခဲ့သည်။
ဆိုမာလီယာကမ်းရိုးတန်းအနီးတွင် ပြန်ပေးဆွဲခံခဲ့ရသော MV Lila Norfolk သင်္ဘောပေါ်တွင် အိန္ဒိယနိုင်ငံသား သင်္ဘောသားအဖွဲ့ဝင် အနည်းဆုံး(၁၅)ဦး ပါဝင်ကြောင်း သိရသည်။ အိန္ဒိယရေတပ်သည် ပြန်ပေးဆွဲခံရသည့် သတင်းအချက်အလက်များကို ဇန်နဝါရီလ(၄)ရက် ညနေပိုင်းတွင် ရရှိခဲ့ခြင်းဖြစ်ကြောင်း အိန္ဒိယသတင်းအေဂျင်စီ ANI က ဖော်ပြခဲ့သည်။
ဇန်နဝါရီလ(၄)ရက် ညနေပိုင်းတွင် အမည်မသိလက်နက်ကိုင်အဖွဲ့ဝင်(၅)ဦးမှ (၆)ဦးခန့် သင်္ဘောပေါ်သို့ တက်ရောက်ကာ လိုက်ပါလာခဲ့သည်ဟု MV Lila Norfolk သင်္ဘောတာဝန်ရှိသူများက ဗြိတိန်ရေကြောင်း ကုန်သွယ်မှုစစ်ဆင်ရေးသို့အကြောင်းကြားခဲ့ကြောင်း အိန္ဒိယရေတပ်က ထုတ်ပြန်ပြောကြားခဲ့သည်။
အိန္ဒိယစစ်သင်္ဘော INS Chennai သည် MV Lila Norfolk သင်္ဘောကို ကူညီရန်အတွက် ချက်ချင်း လမ်းကြောင်း ပြောင်းခဲ့ပြီး ရေတပ်လေယာဉ်တစ်စီးသည် ပြန်ပေးဆွဲခံထားရသော သင်္ဘောပေါ်မှဖြတ်ကာ ပျံသန်းခဲ့ပြီးနောက် ဆက်သွယ်မှုများ လုပ်ဆောင်နိုင်ခဲ့ကြောင်း ထုတ်ပြန်ချက်တွင် ဖော်ပြထားသည်။
မကြာသေးမီအချိန်အတွင်း ဒေသအတွင်းတွင် တိုက်ခိုက်မှုများဖြစ်ပွားခဲ့ပြီးနောက် အိန္ဒိယရေတပ်သည် အာရေးဗျ ပင်လယ်အတွင်း စောင့်ကြည့်မှုများကို ပိုမိုတိုးမြှင့်လုပ်ဆောင်ခဲ့ကြောင်း သိရသည်။ ယခုသီတင်းပတ်အစောပိုင်း တွင် အိန္ဒိယရေတပ်သည် ငါးဖမ်းသင်္ဘောအများအပြားကို စုံစမ်းစစ်ဆေးမှုများလုပ်ဆောင်ခဲ့ပြီး အာရေးဗျပင်လယ် မြောက်ပိုင်း နှင့် အလယ်ပိုင်းတို့ရှိ စိတ်ဝင်စားစရာကောင်းသော သင်္ဘောများပေါ်သို့တက်ရောက်ကာ စစ်ဆေးမှုများ လုပ်ဆောင်ခဲ့ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ချဲလ်ဆီးအသင်းက အင်တာမီလန်နောက်ခံလူ အလက်စန်ဒရိုဘက်စတိုနီကို ယူရိုသန်း(၆ဝ)ဖြင့် ခေါ်ယူရန် ပြင်ဆင်နေ
RELATED POSTS
02 Oct 2024 | နိုင်ငံရေး,ပြည်တွင်း
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ