ယူကရိန်း၏ ဒရုန်း(၂၅၇)စင်း နှင့် HIMARS ဒုံးကျည်အစင်းရေ(၅ဝ)ကို ဖျက်ဆီးနိုင်ခဲ့ကြောင်း ရုရှားစစ်ဘက် ပြော
Pika (NSS) - စက်တင်ဘာ ၂၄
ပြီးခဲ့သည့်သီတင်းပတ်အတွင်း ရုရှား၏ လေကြောင်းရန် ကာကွယ်ရေးတပ်ဖွဲ့များနှင့် radio-electronic warfare စနစ်များသည် ယူကရိန်း၏ ဒရုန်းအစင်းရေ(၂၆ဝ)နီးပါးကို ဖျက်ဆီးပစ်နိုင်ခဲ့ပြီး HIMARS ဒုံးကျည်အစင်း(၅ဝ)ခန့်ကို ကြားဖြတ်ဟန့်တားနိုင်ခဲ့ကြောင်း ရုရှာားကာကွယ်ရေးဝန်ကြီးဌာနက ပြောကြားခဲ့သည်။
ရုရှာားကာကွယ်ရေးဝန်ကြီးဌာနက "ရုရှားရဲ့လေကြောင်းရန် ကာကွယ်ရေးတပ်ဖွဲ့တွေနဲ့ radio-electronic warfare စနစ်တွေဟာ ယူကရိန်းရဲ့ဒရုန်းအစင်းရေ(၂၅၇)စင်းကို ဖျက်ဆီးပစ်နိုင်ခဲ့သလို HIMARS ဒုံးကျည်(၄၆)စင်း၊ Storm Shadow ခရုဇ်ဒုံးကျည်(၉)စင်း၊ JDAMဗုံး(၂)လုံး နှင့် HARM anti-radar ဒုံးကျည်(၂)စင်းတို့ကို ကြားဖြတ်ဟန့်တားနိုင်ခဲ့ပါတယ်" ဟု သတင်းထုတ်ပြန်ခဲ့သည်။
ပဋိပက္ခစတင်ဖြစ်ပွားသည့်အချိန်ကတည်းက လက်ရှိအချိန်အထိ ရုရှား၏ တပ်ဖွဲ့ဝင်များသည် ယူကရိန်း၏ စစ်လေယာဉ်(၄၇၇)စီး၊ တိုက်ခိုက်ရေးရဟတ်ယာဉ်(၂၄၉)စီး၊ ဒရုန်း(၇ဝ၆၇)စင်း၊ မြေပြင်မှ ဝေဟင်ပစ်ဒုံးကျည် (၄၃၈) စင်း၊ တင့်ကား နှင့် သံချပ်ကာယာဉ်များ(၁၂၇ဝ၁)စီး၊ ဒုံးကျည်လောင်ချာ(၁၁၅၄)ခု၊ field artillery gun (၆၅ဝ၂) ခု နှင့် အထူးစစ်ယာဉ်များ(၁၃၃၅၁)စီးတို့ကို ဖျက်ဆီးပစ်နိုင်ခဲ့ကြောင်း ရုရှားကာကွယ်ရေးဝန်ကြီးဌာန က ပြောကြားခဲ့သည်။
ယူကရိန်းသည် စက်တင်ဘာလ(၂၃)ရက်တွင် ၎င်း၏ နိုင်ငံအရှေ့ပိုင်းတွင်ရှိသော ဒွန်းညက်စ်ဒေသရှိ လူနေထူထပ် သောဧရိယာများကို HARM ဒုံးကျည်များ အပါအဝင် အမျိုးမျိုးသောဒုံးကျည်(၈၅)စင်းဖြင့် ပစ်ခတ်တိုက်ခိုက်ခဲ့ ကြောင်း ရုရှားဖက်ကစွပ်စွဲပြောခဲ့သည်။
TASS သတင်းဌာန က "ယူကရိန်းတပ်ဖွဲ့ဝင်တွေဟာ ဒွန်းညက်စ်ဒေသကို AGM-88 HARM ဒုံးကျည်တွေ၊ (၁၅၅) မီလီမီတာ အမြောက်ကျည်တွေကို အသုံးပြုပြီး တိုက်ခိုက်မှု အကြိမ်ရေ(၂ဝ) လောက်ပြုလုပ်ခဲ့ပါတယ်။ Gorlovka မြို့ကို MLRS ကျည်တွေအပြင် (၁၅၂)မီလီမီတာနဲ့ (၁၅၅)မီလီမီတာ အမြောက်ကျည်တွေပါဝင်တဲ့ တိုက်ခိုက်မှု (၈)ကြိမ်ရှိခဲ့ပါတယ်။
Yasinovataya မြို့မှာ (၁၅၅)မီလီမီတာ အမြောက်ကျည်တွေ ပါဝင်တဲ့ ဗုံးကြဲတိုက်ခိုက်မှု(၂)ကြိမ်ရှိခဲ့ပါတယ်။ ယူကရိန်းတပ်ဖွဲ့ဝင်တွေဟာ အမျိုးမျိုးသောဒုံးကျည်(၈၅)စင်းနဲ့ ပစ်ခတ်တိုက်ခိုက်မှုတွေ လုပ်ဆောာင်ခဲ့ပါတယ်" ဟု ဖော်ပြထားသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မဟာဗျူဟာမြောက် မိတ်ဖက်ဆက်ဆံရေးကို ပိုမိုမြှင့်တင်နိုင်ရန်အတွက် တောင်ကိုရီးယားနှင့် လက်တွဲလုပ်ဆောင်သွားရန် ဆန္ဒရှိကြောင်း တရုတ်သမ္မတ ထုတ်ဖော်ပြော
RELATED POSTS
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ