ပုလဲ (NSS) - အောက်တိုဘာလ ၃

တနင်္သာရီမှ ရေကြီးရေလျှံခဲ့ပြီး ထိခိုက်ခဲ့ရသည့်ဒေသများအတွက် ကူညီကယ်ဆယ်ရေးလုပ်ငန်းများနှင့် ပြန် လည်ထူထောင်ရေးလုပ်ငန်းများကို တိုင်းအစိုးရအဖွဲ့က ပရဟိတအသင်းများနှင့်ချိတ်ဆက်၍ ထိထိရောက်ရောက်ဆောင် ရွက်နေကြောင်း တနင်္သာရီတိုင်းဒေသကြီးအစိုးရအဖွဲ့မှတာဝန်ရှိသူတစ်ဦးက NP News သို့ ပြောကြားချက်များအရ သိရသည်။

ပြီးခဲ့သည့်ရက်ပိုင်းက တနင်္သာရီတိုင်းဒေသကြီးအတွင်း မိုးသည်းထန်စွာရွာသွန်းပြီး ရေကြီးရေ လျှံမှုနှင့်မြေပြိုမှု များဖြစ်ပွားခဲ့ရာ ထားဝယ်၊ လောင်းလုံး၊ သရက်ချောင်းနှင့်တနင်္သာရီမြို့နယ်တို့တွင် အိမ်ခြေ(၃၀၂၂)လုံးနှင့် လူဦးရေ (၂၂၅၉၁)ဦး ရေဘေး သင့်ခဲ့ပြီး အိမ်ထောင်စု (၂၀၉၉)စု၊ လူဦးရေ (၇၇၈၅)ဦးကို ရေဘေးရှောင်စခန်း(၂၁)ခုသို့ ယာယီရွှေ့ ပြောင်းပေးခဲ့ရကြောင်း သိရသည်။

“အဓိကတော့ Focal ကို ဇမ္ဗူသီရိ လူမှု ကူညီရေးအသင်းနဲ့လုပ်ထားတယ်။ ပြီးတော့ အစိုးရဘက်က ဝန်ကြီး နှစ်ပါးပေါ့နော်။ ဝန်ကြီးနှစ်ပါးကို လူမှုကူညီရေးအသင်းတွေကို Engagement ယူဖို့ရယ်၊ Back up ပေးဖို့ရယ်ပေါ့နော်။ ပြီးရင် သူတို့အသုံး ပြုနေတဲ့ စက်သုံးဆီအစ စားသုံးဆီ၊ အစားအစာတွေရော ရေသန့်တွေရော အကုန်လုံးကို စရိတ်ကို တော့  တိုင်းဒေသကြီးအစိုးရက အကုန်လုံး ကျခံသုံးစွဲပေး မယ်လို့ ပြောထားပါတယ်။ ဆန်တွေ၊ ဆီတွေဆိုလည်း ဆီကုန် သည်များအသင်းတို့၊ ဆန်ကုန်သည်များ အသင်းတို့ကို တိုက်ရိုက်လူမှုကူညီရေးအသင်းတွေ ထောက်ပံ့ပေးတဲ့ဟာတွေကို တစ်ခါတည်း ဆန်ကုန် သည်များအသင်း၊ ဆီကုန်သည်များအသင်းက သူတို့ ပေးလိုက်တဲ့ဟာကို တိုင်းဒေသကြီးအစိုးရက တန်ဖိုး ပြန်ပေးချေပေးမှာ”ဟုပြောသည်။ 

အဆိုပါသဘာဝဘေးအတွင်း ဒေသခံ (၁၅)ဦးခန့်သေဆုံးပြီး ထိခိုက်ဒဏ်ရာရရှိခဲ့သူများ လည်းရှိကြောင်းသိရ သည်။ 

“တချို့နေရာတွေကတော့ ရွာတွေထိတာ ရှိပါတယ်။ တောင်ပြိုပြီးမှ ဘုန်းကြီးကျောင်းတွေ အိမ်ခြေထိတာ ရှိပါတယ်။ အင်တာနက်ပေါ်မှာပျံ့နေတဲ့ဟာ တော်တော်များများကတော့ နည်းနည်း ပုံကြီးချဲ့တာ ကတော့များပါတယ်။ တချို့ဖော်ပြချက်တွေကတော့ မှန်ပါတယ်။ တချို့ဟာတွေကျတော့ ကလောတို့ ဘာ တို့ အရင်တုန်းကဖြစ်ခဲ့တဲ့ဟာတွေ ပုံတွေလျှောက်ယူ ပြီးမှ ပုံကြီးချဲ့တာတွေလည်းရှိတာပေါ့နော်။ လူသေ ဆုံးကျတော့ လက်ရှိ (၁)ရက်အထိက (၁၅)ဦးပါ}} ဟု တနင်္သာရီတိုင်းဒေသကြီးအစိုးရအဖွဲ့မှ တာဝန်ရှိ သူတစ်ဦးက NP News သို့ပြောသည်။

တိုင်းဒေသကြီးအစိုးရအဖွဲ့အနေဖြင့် ပရဟိတအဖွဲ့များနှင့်ပူးပေါင်း၍ ထိုသို့ ထိခိုက်ဒဏ်ရာ ရရှိသူများကိုလည်း အချိန်နှင့်တစ်ပြေးညီ ဆေးရုံ၊ ဆေးခန်းများသို့ပို့ဆောင်၍ ဆေးကုသမှုများ ဆောင်ရွက်ပေးခဲ့ကြောင်းသိရသည်။ တစ်ဖက် တွင်လည်း အကြမ်းဖက်အဖွဲ့အတွက် ရေဘေးသင့်ပြည်သူများကိုအကြောင်းပြ၍လည်းကောင်း၊ သတင်းများချဲ့ကား ၍လည်းကောင်း အွန်လိုင်းမှတစ်ဆင့် အလှူငွေ ကောက်ခံမှုများရှိခဲ့ကြောင်းလည်း သိရသည်။ 

“ထားဝယ်အမျိုးသားအဖွဲ့ချုပ်ဆိုပြီး နာမည်ခံထားတဲ့အွန်လိုင်းကအဖွဲ့ကတော့ PDF အဖွဲ့ ပေါ့။  သူကတော့ တစ်ဖက် ထိုင်းနိုင်ငံမှာအခြေစိုက်တဲ့အဖွဲ့။ စုံစမ်းသိရှိအတည်ပြုရတာတော့ လူမှုကွန် ရက်အသုံးပြုပြီးတော့မှ ပုံကြီး ချဲ့တယ်၊ အလှူငွေ ကောက်တယ်၊ တစ်ဖက်ကနေ သူတို့ရဲ့ PDF ထောက် ပံ့ဖြစ်ဖို့လည်းများတာပေါ့နော်။ မြေပြင်မှာတော့ ဒီ ဘက်ကပရဟိတအဖွဲ့တွေနဲ့ တိုင်းဒေသကြီးအစိုးရအဖွဲ့ကပဲ အဓိက ဆောင်ရွက်ပေးနေတာဖြစ်တဲ့အတွက် ပုံကြီးချဲ့ပြီး ထိတ်လန့်အောင်လုပ်တော့ ပြည်သူတွေက ကြောက်လန့်တကြားမဖြစ်စေချင်တာပါ။ ကျွန်‌တော်တို့ကတော့ ထိမ်ချန်တာ မျိုးလည်းမရှိဘူး။   သေဆုံးတစ်ဦးတိုးတွေ့ရင် တစ်ဦး၊ ဒဏ်ရာရ တစ်ဦးတိုး တွေ့ရင် ဒဏ်ရာရပေါ့နော်။ ဒါတွေအကုန် လုံးကိုလည်း ဆေးရုံ ဆေးခန်းပို့ပေးတယ်”ဟု  အထက်ပါတာဝန် ရှိသူကပြောသည်။ လက်ရှိတွင် ရေပြန်လည်ကျဆင်း လာသဖြင့် ရေဘေးရှောင်စခန်းအချို့မှပြည်သူများ နေအိမ်များသို့ ပြန်လည်ရွှေ့ပြောင်းနေထိုင် လျက်ရှိပြီ ဖြစ်ကြောင်း သိရသည်။

“အစိုးရအဖွဲ့အနေနဲ့ကတော့ တောက်လျှောက် ရေဘေးကယ်ဆယ်ရေးတော့ ဆောင်ရွက်နေတာပေါ့နော်။ ပြန်လည်ထူထောင်ရေးအတွက်ပါ အကုန်လုံးစီမံဆောင်ရွက်နေပါတယ်”ဟုပြောသည်။

ထို့ပြင် ရေကြောင့်ပျက်စီးခဲ့သည့် လမ်းပိုင်းများ၊ လျှပ်စစ်ဓာတ်အားလိုင်းများနှင့် ဓာတ်တိုင်များကို ပြန်လည်ပြု ပြင်လျက်ရှိပြီး ထားဝယ်မြို့နယ်တွင် စက်တင်ဘာလ (၂၉)ရက်မှစ၍ လျှပ်စစ်မီးပြန်လည်ရရှိခဲ့ကာ သရက်ချောင်းနှင့် လောင်းလုံးမြို့နယ်များတွင်လည်း မီးပြန်လည်ရရှိရေး ဆောင်ရွက်လျက်ရှိပြီး ပြန်လည်ထူထောင်ရေးအတွက် ဆောင် ရွက်နေကြောင်း သိရသည်။ 

“Excavator တောင်မှ (၂၆၊ ၂၇) ရက် မှ အရေးတကြီးစီစဉ်ပြီး Excavator တွေကတော့ ကျွန်တော်တို့ဆီက သွားမှ လမ်းပျက်တဲ့ဟာတွေ၊ မြေပြိုထားပြီးမှလမ်းပိတ်ဆို့နေတဲ့ဟာတွေကို ဖော်ဆောင်ပေးနိုင်တာပါ။ လက်ရှိတော့ တခြားသီးသန့်အ ဖွဲ့အစည်းတွေက ဆောင်ရွက်တာတော့မသိရပါဘူး”ဟုပြောသည်။