ဂျန်ဇက် (NSS) - အောက်တိုဘာလ ၃

အမေရိကန်သမ္မတထရမ့်က အရန်ဒီဇယ် များကိုထုတ်သုံးရန် ဥရောပနိုင်ငံများကို ဖိအားပေး တောင်းဆိုလိုက်ကြောင်း သိရသည်။ 

ယခုတစ်ပတ်အတွင်း ဗြိတိန်နိုင်ငံ၏ စက်သုံးဆီဆိုင်များတွင် ဒီဇယ်ဈေးနှုန်းများ စံချိန်တင် မြင့်တက်လာပြီးနောက် အမေရိကန်သမ္မတ၏မှတ်ချက် ထွက်ပေါ်လာခြင်းဖြစ်သည်။  

ဗြိတိန်နိုင်ငံသည် အမေရိကန်မှတင်သွင်း သည့်ဒီဇယ်ကို အဓိကမှီခိုနေရကြောင်းသိရသည်။ သို့သော် နိုဝင် ဘာလတွင်ကျင်းပမည့် ကြားဖြတ်ရွေးကောက်ပွဲများမတိုင်မီ အမေရိကန်မဲဆန္ဒရှင်များသည် လောင်စာဆီဈေးနှုန်း မြင့်မားမှုကို ရင်ဆိုင်နေရသဖြင့် သမ္မတထရမ့်က ဒီဇယ်တင်ပို့မှုကိုကန့်သတ်ရန် ခြိမ်းခြောက်ထားသည်။  

ဗြိတိန်နိုင်ငံသည် အမေရိကန်၏လောင် စာဆီထောက်ပံ့မှုဆိုင်ရာခြိမ်းခြောက်မှုများနှင့်ပတ်သက်ပြီး ဥရောပ သမဂ္ဂ(EU)နှင့် ဆွေးနွေးလျက်ရှိသည်။  ဥရောပသို့တင်ပို့မှုကို တားမြစ်လိုက်ခြင်းသည် အမေရိကန်ဈေးကွက်အတွင်းသို့ ဒီဇယ်များ အလုံးအရင်းဖြင့်စီးဝင်လာစေမည်ဖြစ်ပြီး အမေရိကန်ယာဉ် မောင်းများအတွက် ဈေးနှုန်းများကို သိသိသာသာ ကျ ဆင်းစေနိုင်ကြောင်းသိရသည်။

သို့သော် အခြားနိုင်ငံများအနေဖြင့် လောင်စာဆီ အပိုအထောက်အပံ့များကို ရယူနိုင်ခြင်းမရှိပါက အဆိုပါ တားမြစ်ကန့်သတ်ချက်သည် အခြားနိုင်ငံများရှိ ဒီဇယ်ဈေးနှုန်းများအပေါ် နောက်ထပ်ဖိအားများ သက်ရောက်စေလိမ့် မည်ဟု ကျွမ်းကျင်သူများက သတိပေးထားသည်။ အမေရိကန်နိုင်ငံသည် တစ်ရက်လျှင် ရေနံစည်ပေါင်း(၁ ဒသမ ၂)သန်းမှ (၁ ဒသမ ၅)သန်းအထိတင်ပို့လျက်ရှိပြီး ကမ္ဘာ့ဒီဇယ်လောင်စာ ဆီထောက်ပံ့ရေးတွင် အဓိကကျသော နိုင်ငံ တစ်နိုင်ငံ ဖြစ်သည်။  

ဗြိတိန်နိုင်ငံ၏ ဒီဇယ်သုံးစွဲမှုထက်ဝက် ကျော်ကို ပြည်ပမှတင်သွင်းနေရပြီး သွင်းကုန်၏ (၃၁)ရာခိုင်နှုန်းမှာ အမေရိကန်နိုင်ငံမှဖြစ်ကြောင်း သိရသည်။ ဥရောပနိုင်ငံများအနေဖြင့် ၎င်းတို့၏ အရန်ဒီဇယ်အချို့ကို ထုတ်လွှတ်ရန် တောင်းဆိုမည်လားဟု ထရမ့်အားမေးမြန်းခဲ့ရာ ၎င်းက “ကျွန်တော် တို့လုပ်ကောင်းလုပ်နိုင်ပါတယ်။ သူတို့မှာ ဒီဇယ် အချို့ ရှိပါတယ်”ဟု ၎င်းကပြောကြားခဲ့သည်။  ဒီဇယ်ဈေးနှုန်းများ အလွန်အမင်းမြင့်တက်လာနေချိန်တွင် အမေရိကန် လယ်သမားများ၊ ကုန်တင်ကားသမားများ နှင့်လုပ်ငန်းရှင်များသည် ဝန်ထုပ်ဝန်ပိုးကို တစ်ဖက် သတ်ထမ်းဆောင် နေရခြင်းမျိုးမရှိသင့်ကြောင်း ဥရောပအနေဖြင့် ၎င်းတို့၏ ဒီဇယ်လောင်စာဆီအချို့ကို   ချက်ချင်းထုတ်သုံးရန်အတွက် အဆင်သင့်ပြင်ဆင်ထားရန် အမေရိကန်ဘဏ္ဍာရေးဝန်ကြီး စကော့ဘက် ဆန့်(Scott Bessent) ၏ ဆိုရှယ်မီဒီယာပေါ်ရှိ ယခင်ကရေးသားချက်တစ်ခုတွင် တိုက်တွန်းထားခဲ့သည်။