ကိုဖြိုး (NSS) - စက်တင်ဘာ၂၉

ကျိုက်ထီးရိုးဘုရားဖူး ခရီးစဥ်များတွင် နိုင်ငံတကာမှ နိုင်ငံတကာခရီးသွားများအတွက် နယ်မြေလုံခြု့ရေးနှင့် ဘေးအန္တရယ်ကင်းရှင်းရေးအတွက် ပိတ်ရက်မပါ ဆယ်ရက်ကြိုတင် ခွင့်ပြုချက်တောင်းခံရမည်ဟု ယဉ်ကျေးမှု၊ဟိုတယ်နှင့်ခရီးသွားလာရေးဝန်ကြီးဌာနဒုတိယဝန်ကြီး ဦးဖြိုးဇော်စိုးက ပြည်သူ့လွှတ်တော်တွင် ပြောကြားခဲ့သည်။

ကျိုက်ထို မဲဆန္ဒနယ်မှပြည်သူ့လွှတ်တော်ကိုယ်စားလှယ်ဦးစိုးလှ၏ ကျိုက်ထီးရိုးစေတီတော်တည်ရှိရာဒေသသို့ နိုင်ငံခြားသားခရီးသည်များ လာရောက်ခွင့်ရှိသည့်အခြေအနေများဖြေလျှော့ပေးရန် (သို့) အလွယ်တကူဝင်ရောက်နိုင်ရန် ဆောက်ရွက်‌ပေးမည့်အစီအစဉ် ရှိ/မရှိ မေးခွန်းကို ပြန်လည်ဖြေကြားရာတွင် ပါဝင်ခဲ့ခြင်းဖြစ်သည်။

“လက်ရှိအချိန်မှာ ခရီးသွားကုမ္ပဏီများအတွက် နိုင်ငံခြားခရီးသည်များကို ပိတ်ရက်မပါ (၁၀)ရက် ကြိုတင်ခွင့်ပြု ချက်နဲ့ ကျိုက်ထီးရိုးဒေသကိုဝင်ရောက်ခွင့်ပြုနေပါတယ်။ လွှတ်တော်ကိုယ်စားလှယ်ကြီးပြောသလို(၁၄)ရက် မဟုတ်ပါဘူး” ဟု ဒုတိယဝန်ကြီး ဦးဖြိုးဇော်စိုးက ပြည်သူ့လွှတ်တော်တွင် ပြောသည်။

ကျိုက်ထီးရိုးဒေသသို့ နိုင်ငံခြားသားခရီးသည်ဝင်ရောက်မှုမှာ ၂၀၂၅ ခုနှစ်တွင် (၅၀၀၀)ကျော် နှင့် ၂၀၂၆ ခုနှစ်လက်ရှိအချိန်အထိ (၄၄၀၀)ကျော် ဝင်ရောက်ခဲ့ကြောင်း သိရသည်။