Pika (NSS) - စက်တင်ဘာလ ၁၂

ရုရှားနှင့်အိန္ဒိယတို့က အရပ်ဘက်လေကြောင်းနှင့်ကုန် ထုတ်လုပ်မှုကဏ္ဍများတွင် ပူးပေါင်းဆောင်ရွက်မှုများ ကိုချဲ့ထွင်ရန် ကြိုးပမ်းနေမှုနှင့်အတူ ရုရှားထုတ် Il-114-300 ခရီးသည်တင်လေ ယာဉ်အစင်းရေ(၁၀၅)စင်းဝယ်ယူမည့် သဘောတူညီချက်များကို အိန္ဒိယပြည်တွင်းလေကြောင်းလိုင်း(၃)ခုက လက်မှတ်ရေးထိုးခဲ့ ကြောင်းသိရသည်။

အဆိုပါဝယ်ယူမည့်အစီအစဉ်များတွင် ဒေသတွင်းလေ ကြောင်းလိုင်းဖြစ်သော Pinnacle Air အတွက် လေယာဉ် (၅၀)စင်း၊ Air Kerala အတွက် လေယာဉ်(၂၀)စင်းနှင့်  Sleek Avi­ation အတွက် လေယာဉ်(၃၅)စင်းတို့ပါဝင်ကြောင်း သိရသည်။  Flamingo Aerospace ဟုခေါ်သော နောက်ထပ်ကုမ္ပဏီသစ် တစ်ခုကလည်း ရုရှားထုတ် Il-114-300 ခရီးသည်တင် လေယာဉ် (၆)စင်းဝယ်ယူရန် ယခင်က သဘောတူညီထားပြီးပြီဖြစ်ကာ (၂၀၂၈)ခုနှစ်တွင် လေယာဉ်များ ကို လက်ခံရရှိနိုင်ဖွယ်ရှိနေကြောင်း သိရသည်။

အိန္ဒိယနှင့်ရုရှားတို့က ၎င်းတို့၏ပုံမှန်မိတ်ဖက်ဆက်ဆံ ရေးနယ်ပယ်များထက်ကျော်လွန်ကာ စက်မှုနှင့် စီးပွား ရေးဆိုင်ရာပူး ပေါင်းဆောင်ရွက်မှုများကိုချဲ့ထွင်ရန်ကြိုးပမ်းနေချိန်တွင် အဆိုပါ သဘောတူညီချက်များထွက် ပေါ်လာ ခြင်းလည်းဖြစ်သည်။ ယင်းလေ ယာဉ်များကို ကနဦးတွင် ရုရှားနိုင်ငံ၌ထုတ်လုပ်မည်ဖြစ်သော်လည်း အစီအစဉ်ကို အပြီးသတ် အတည်ပြုပြီးသည်နှင့်တစ်ပြိုင်နက် ဒေသတွင်းတွင် ထုတ်လုပ်မှုလုပ်ငန်းစဉ်များကို စတင်သွား မည်ဖြစ် ကြောင်း United Aircraft Corporation (UAC) ၏ စီအီးအို Vadim Badekhau ထုတ်ပြန်ပြောကြားခဲ့သည်။ 

Vadim Badekhau က “အိန္ဒိယနိုင်ငံမှာ ဒီလေ ယာဉ်တွေကိုထုတ်လုပ်ဖို့အတွက် သဘောတူညီချက်တွေကို အပြီးသတ်အတည်ပြုနိုင်ဖို့က ကျွန်တော်တို့အဓိကအာရုံ စိုက်လုပ်ဆောင်နေတဲ့ ကိစ္စရပ်တစ်ခုဖြစ်ပါတယ်”ဟုပြော ဆိုခဲ့သည်။ ထို့ပြင် လေယာဉ်ပေးပို့မှုများမစတင်မီ Il-114-300 လေယာဉ်အတွက် ရုရှားနိုင်ငံထုတ် လေယာဉ်အမျိုး အစားဆိုင်ရာလက်မှတ်ကို အိန္ဒိယနိုင်ငံတွင် အသိအမှတ်ပြု အတည်ပြုခြင်းကလည်း အရေးကြီးသောခြေလှမ်းတစ်ရပ် ဖြစ်လာလိမ့်မည်ဖြစ်ကြောင်း Vadim Badekha က ပြော ကြားခဲ့သည်။

Il-114-300 ခရီးသည်တင်လေယာဉ်သည် ဒေသတွင်း လေကြောင်းခရီးစဉ်များအတွက် ဒီဇိုင်းထုတ် ထားသော ခရီးသည်(၆၈)ဦးတင် ပန်ကာတပ်အင်ဂျင်သုံး လေယာဉ်တစ်စင်းလည်းဖြစ်ပြီး လေယာဉ်ကွင်းငယ်များနှင့် လေယာဉ် ပြေးလမ်းတိုများမှတစ်ဆင့် ပျံသန်းနိုင်စွမ်းရှိသောကြောင့် မြို့ငယ်များမှတစ်ဆင့် ဝန်ဆောင်မှုပေးရန်အတွက် သင့်လျော် ကောင်းမွန်သောလေယာဉ်အမျိုးအစားလည်း ဖြစ်သည်။