စော(NSS)- စက်တင်ဘာ ၁

ကရင်ပြည်နယ် ခရီးသွားနေရာများတွင် ပေါ်တာဆွဲဖမ်းဆီးနေသည်ဆိုခြင်းမှာ သတင်းတု၊ သတင်းမှားဖြစ်ကြောင်း Tourism Hpa-An မှ ယနေ့ (စက်တင်ဘာ ၁ရက်)တွင် အသိပေးထုတ်ပြန် ထားသည်။

KAREN KPTV News နှင့် Khit Thit Media တို့သည် နောင်လုံတောင်ကြားလမ်း၊ ဇွဲကပင်တောင်ကြားလမ်း၊ တောင်ဝိုင်းတောင်သွားလမ်း၊ သံလွင်တံတားနှင့် ရွှေယဉ်မျှော်ဘုရား ပတ်ဝန်းကျင်တို့တွင် စစ်မှုထမ်းရန်အတွက် ဒေသခံ များအပြင်  ခရီးသွားဧည့်သည်များအနက် လူငယ်များကိုအဓိက ထား၍ ပေါ်တာဆွဲ ဖမ်းဆီးနေကြောင်း ယခုရက်ပိုင်းအတွင်း ထုတ်ပြန်ထားသည်။

ထို့ကြောင့် ကရင်ပြည်နယ်၏မြို့တော် ဘားအံမြို့အား Green City, Clean City မြို့တော် ဖြစ်စေရေးအတွက် ကရင်ပြည်နယ် ဒေသဆိုင်ရာ ခရီးသွားလုပ်ငန်းကော်မတီ ဥက္ကဌ၊ ကရင်ပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစောမြင့်ဦးမှ ဦးဆောင်၍ သက်ဆိုင်ရာဌာနများနှင့် ပူးပေါင်းအကောင်အထည်ဖော်ဆောင် ရွက်လျက်ရှိကြောင်း Tourism Hpa-An မှ ရေးသားထားသည်။

ထို့ကြောင့် အဓိကခရီးစဉ်များတွင်လည်း ခရီးစဉ်ဒေသစီမံခန့်ခွဲရေးအဖွဲ့ DMO များ ဖွဲ့စည်းထားရှိကာ ခရီးစဉ်ဒေသလိုအပ်ချက်များနှင့် ခရီးသွားဧည့်သည်များ ဘေးကင်းလုံခြုံစွာ လည်ပတ်နိုင်ရေးအတွက် လိုအပ်သည်များကို ကူညီပံ့ပိုး ဆောင်ရွက်ပေးလျက်ရှိကြောင်း Tourism Hpa-An မှ ဆိုထားသည်။ 

လက်ရှိတွင် မိဘပြည်သူများနှင့် ခရီးသွားဧည့်သည်များအနေဖြင့် စိုးရိမ်ပူပန်မှု မရှိဘဲ စိတ်အေးချမ်းစွာ လာရောက်လည်ပတ်နိုင်ကြောင်း Tourism Hpa-Anမှ အသိပေးထုတ်ပြန်ထားသည်။