စိမ့်စမ်းရေ (NSS) - ဩဂုတ် ၃၀

မူဆယ် (၁၀၅) မိုင်ဂိတ်အနီးတွင်  အရပ်သား ကားသမားတစ်ဦးကို MNDAA နှင့်  AA ပူးပေါင်းအဖွဲ့က ပစ်ခတ်သတ်ဖြတ်ခဲ့ကြောင်း ဒေသခံများထံမှ သိရသည်။ 

ဖြစ်စဉ်မှာ ယမန်နေ့ (ဩဂုတ်လ ၂၉ရက်) က ရှမ်းပြည်နယ်(မြောက်ပိုင်း)၊ မူဆယ်မြို့မှ (၁၀၅) မိုင်ဂိတ်အထွက် လမ်းပိုင်းရှိ MNDAA နှင့်  AA ပူးပေါင်းအဖွဲ့ဂိတ်တစ်ခုတွင် အရပ်သားကားသမားတစ်ဦးကို  အဆိုပါ ပူးပေါင်းအဖွဲ့က သေနတ်ဖြင့် ပစ်ခတ်ခဲ့ကြောင်း  သိရသည်။  

ထိုသို့ ပစ်ခတ်မှုကြောင့်  ကားသမားတွင်  သေနတ်ဒဏ်ရာများရရှိကာ နေရာတွင် ပွဲချင်းပြီးသေဆုံးသွားခဲ့ကြောင်း သိရပြီး  ခရီးသွားလာသည့် အရပ်သားများအနေဖြင့် MNDAA နှင့်  AA ပူးပေါင်းအဖွဲ့ဂိတ်တွင် မဖြစ်မနေ စစ်ဆေးမှုခံယူနေရန် ခြိမ်းခြောက်ထားကြောင်း သိရသည်။ 

လက်ရှိတွင် အဆိုပါသေဆုံးသူမှာ မည်သူမည်ဝါဖြစ်ကြောင်းကို အတည်မပြုနိုင်သေးကြောင်း သိရသည်။