သားပု (NSS) - ဩဂုတ် ၁၀ 

ဧရာဝတီတိုင်းဒေသကြီး၊ ကျုံပျော်မြို့နယ်အတွင်းရှိ ရထားလမ်းပိုင်းအချို့  ရေကျော်မှုဖြစ်စဥ်ကြောင့် ပုသိမ်-ကြံခင်း (အစုန်၊အဆန်) ရထားခရီးစဥ်ပြေးဆွဲမှု ယာယီရပ်ဆိုင်း ထားသည်။  

ဧရာဝတီတိုင်းဒေသကြီး၊ ကျုံပျော်မြို့နယ်အတွင်းရှိ ဇရပ်လှဘူတာ နှင့် ဒိုက်ပျက်ဘူတာကြား ရထားလမ်းပိုင်း၌ မိုးရွာသွန်းမှုကြောင့် ရထားလမ်းပေါ်သို့ ရေကျော်လွန်စီးဆင်းလျက်ရှိကြောင်း တိုင်းအစိုးရ အဖွဲ့ က ထုတ်ပြန်ထားသည်။ 

ထို့ကြောင့် ခရီးသွားပြည်သူများ၏ လုံခြုံရေးနှင့် ဘေးအန္တရာယ်ကင်းရှင်းရေးတို့အတွက် ပုသိမ် - ကြံခင်း ပြေးဆွဲလျက်ရှိသော အစုန်/အဆန် ရထားခရီးစဉ်များအား ယာယီဖျက်သိမ်း (ဆိုင်းငံ့) ထားရှိကြောင်း အသိပေးထားသည်။