စော (NSS) - ဇွန် ၉

ကချင်ပြည်နယ် ပူတာအိုခရိုင်အတွင်းက ချေ(ဂျီ)နီများကို အသားစားရန်နှင့် သားရေကိုအသုံးပြု ရန် အမဲလိုက်မှုများရှိနေကြောင်း Northern Wildlife Rangers မှတာဝန်ရှိသူတစ်ဦးက NP News ကို ပြောသည်။

အဆိုပါချေ (Muntiacus) များကို မြန်မာ၊ အိန္ဒိယ၊ တရုတ်၊ တရုတ်တိုင်ပေ၊ ဂျာဗားကျွန်း၊ ဆူမာ တြားကျွန်း၊ ဂျပန်နိုင်ငံတို့တွင်တွေ့ရကာ သမင်မျိုးဝင် တိရစ္ဆာန်ဖြစ်ပြီး အိမ်မွေးဆိတ်အလတ်စား အရွယ် ခန့်သာရှိ၍ သမင်မျိုး၌ အငယ်ဆုံးမျိုးဖြစ်ကြောင်းအချက်အလက်များအရ သိရသည်။

ယင်းမျိုးစိတ် (၁၄)မျိုးရှိရာ Bornean yellow muntjac ၊ Hairy-fronted muntjac or black muntjac ၊ Fea's muntjac ၊ Gongshan muntjac ၊ Malabar red muntjac ၊ Sumatran muntjac ၊ Southern red muntjac ၊ Leaf mun­tjac ၊ Pu Hoat muntjac ၊ Reeves's muntjac or Chinese muntjac ၊ Roosevelt's muntjac ၊ Truong Son muntjac ၊ Northern red muntjac ၊ Giant muntjac တို့ဖြစ်ကြောင်းသိရသည်။ 

“အလွန်အကျွံ၊ စည်းကမ်းမဲ့ အမဲလိုက် တာပေါ့။ ဈေးကွက်က ပုံမှန်စားဖို့ဝယ်လိုအားက ရှိတယ် လေ။ မရောင်းရင်တောင်အိမ်စားပေါ့။ ဈေးကွက်က ပြည်တွင်းပါ။ ချေသားရေဈေးကွက်က ပြည်တွင်း သားရေအင်္ကျီချုပ်တဲ့ လူတွေဝယ်တာ”ဟု ၎င်းကပြောသည်။ 

ယင်းမျိုးစိတ်ကို နိုင်ငံတကာ သဘာဝပတ်ဝန်းကျင်ထိန်းသိမ်းရေးသမဂ္ဂ (IUCN) မှ အနီရောင် စာရင်းတွင် စိုးရိမ်စရာအနည်းဆုံးအဖြစ်စာရင်းသွင်းထားကြောင်းသိရသည်။

“ပူတာအိုခရိုင်တစ်ခုလုံးမှာတွေ့ရပါတယ်။ အရမ်းအေးပြီး မြင့်တဲ့နေရာတွေမှာတော့ မနေဘူး။  အဓိကတော့ စည်းကမ်းနဲ့အမဲလိုက်ပေါ့။ မျိုးပွားမယ့်ရာသီဆိုမလိုက်နဲ့ပေါ့။  အဲဒီလိုဆို သူက မျိုးပွား လွယ်ပါတယ်”ဟု ၎င်းကဆက်လက်ပြောသည်။ 

အဆိုပါချေမျိုးစိတ်များ၏ အကောင်အရေအတွက်အတိအကျကို သုတေသနပြုလုပ်ထားခြင်း မရှိ ကြောင်း ၎င်းကဆိုသည်။