Pika (NSS) -  ဖေဖော်ဝါရီလ ၁၂

အမေရိကန်နိုင်ငံ အရီဇိုးနားပြည်နယ်မှ အမျိုးသားတစ်ဦးသည် Stranger Things ရုပ်ရှင်ဇာတ်လမ်းတွဲနှင့်ပတ်သက်သည့် အမှတ်တရပစ္စည်းများစွာကို စုဆောင်းခဲ့ပြီးနောက် ကမ္ဘာ့ဂင်းနစ်စံချိန်ချိုးဖျက်နိုင်ခဲ့ကြောင်းသိရသည်။ Chandlerမြို့တွင်နေထိုင်သည့် ဂျိုဝီအာဗာလိုဆိုသည့်အမျိုးသားသည် Stranger Thingsရုပ်ရှင်ဇာတ်လမ်းတွဲနှင့်ပတ်သက်သည့် အမှတ်တရပစ္စည်းများ အများဆုံးစုဆောင်းမှုအတွက် ဂင်းနစ်စံချိန်ကို ရရှိခဲ့ခြင်းဖြစ်ကြောင်းသိရသည်။ဂျိုဝီအာဗာလိုသည် Stranger Thingsဇာတ်လမ်းတွဲနှင့်ပတ်သက်သည့် အမှတ်တရပစ္စည်းစုစုပေါင်း (၂၃၀၁)ခုအထိ စုဆောင်းနိုင်ခဲ့ပြီးနောက် ယင်းကဲ့သို့ဂင်းနစ်စံချိန်ရရှိခဲ့ခြင်းဖြစ်သည်။ဂျိုဝီအာဗာလိုက” Stranger Thingsဇာတ်လမ်းတွဲ စထွက်တဲ့အချိန်တည်းက ကျွန်တော့်စုဆောင်းမှုကို စတင်လုပ်ဆောင်ခဲ့တာပါ။ပြီးတော့ ကျွန်တော်က Stranger Thingsဇာတ်လမ်းတွဲကိုကြိုက်တဲ့ ပရိသတ်တစ်ဦးဖြစ်နေတော့ ဒီလိုမျိုးပစ္စည်းတွေစုဆောင်းတာက ပိုပြီးလွယ်ကူအဆင်ပြေခဲ့ပါတယ်။”ဟုပြောဆိုခဲ့သည်။ထို့ပြင် Stranger Thingsဇာတ်လမ်းတွဲနှင့်ပတ်သက်သည့် အမှတ်တရပစ္စည်းများကို လက်ရှိအရေအတွက်ထက်ပိုမိုများပြားလာအောင် ဆက်လက်စုဆောင်းနေကြောင်း ဂျိုဝီအာဗာလိုက ပြောကြားခဲ့သည်။ဂျိုဝီအာဗာလိုက”ကျွန်တော်ရဲ့စုဆောင်းမှုတွေက ရပ်တန့်သွားမှာမဟုတ်ပါဘူး။ Stranger Thingsနဲ့ပတ်သက်တဲ့ အမှတ်တရပစ္စည်းတွေကို ကျွန်တော်ဆက်လက်စုဆောင်းသွားမှာပါ။”ဟုပြောဆိုခဲ့သည်။