Pika (NSS) - အောက်တိုဘာလ ၁၇ 

    ဘူဆန်မြို့သည် ဆိုးလ်မြို့ပြီးလျှင် တောင်ကိုရီးယားနိုင်ငံတွင် ဒုတိယမြောက် လူဦးရေအထူထပ် ဆုံးမြို့တစ်မြို့ဖြစ်ပြီး လှပသောကမ်းခြေများ၊ ဗျူးပွိုင့် များနှင့် ယဉ်ကျေးမှုဆိုင်ရာပွဲတော်များကြောင့် နာမည်ကျော်ကြားသည့်မြို့တစ်မြို့ဖြစ်သည်။ (၂၀၂၄)ခုနှစ်အထိ ဘူဆန်မြို့တွင် နေထိုင်သူလူဦးရေမှာ (၃ ဒသမ ၃)သန်းရှိပြီး ၎င်းသည် တောင်ကိုးရီးယားအရှေ့တောင်ပိုင်း၏ စီးပွားရေး၊ ယဉ်ကျေးမှုနှင့် ပညာ ရေးဆိုင်ရာ အချက်အချာနေရာတစ်ခုဖြစ်ကြောင်း လည်းသိရသည်။

ထို့ပြင် ဘူဆန်ဆိပ်ကမ်းသည်‌ တောင်ကို ရီးယားနိုင်ငံတွင်းတွင် အလုပ်အများဆုံးဆိပ်ကမ်းနှင့် ကမ္ဘာပေါ်တွင် ခြောက်ခုမြောက်အလုပ်အများဆုံး ဆိပ်ကမ်းတစ်ခုဖြစ်ကြောင်းသိရသည်။ ဘူဆန်မြို့ရှိ အရှေ့တောင်ပိုင်းရေကြောင်းစက်မှုဇုန်ဒေသသည် တောင်ကိုရီးယားနိုင်ငံတွင်းတွင် အကြီးဆုံးစက်မှုဇုန် တစ်ခုဖြစ်ကြောင်းသိရသည်။ (၂၀၂၅)ခုနှစ်အထိ ဘူ ဆန်ဆိပ်ကမ်းသည် တောင်ကိုရီးယားနိုင်ငံ၏ အဓိက ဆိပ်ကမ်းတစ်ခုဖြစ်ပြီး ကမ္ဘာပေါ်တွင်ခြောက်ခုမြောက် အကြီးဆုံးကွန်တိန်နာဆိပ်ကမ်းတစ်ခုဖြစ်ကြောင်း လည်းသိရသည်။ ဘူဆန်မြို့ကို အဓိကအုပ်ချုပ်ရေး ခရိုင် (၁၅)ခု၊ ကောင်တီ(၁)ခုတို့ဖြင့်ဖွဲ့စည်းထားပြီး ဘူဆန်မြို့ပြဧရိယာတွင်နေထိုင်သူလူဦးရေမှာ(၈)သန်းခန့်ရှိကြောင်းသိရသည်။ ဘူဆန်မြို့၏ လူနေအထူထပ်ဆုံးဧရိယာများသည် Nakdong နှင့် Suy­eong မြစ်များကြားရှိ ကျဉ်းမြောင်းသောချိုင့်ဝှမ်းများ တွင်တည်ရှိပြီး ခရိုင်အများစုကို တောင်တန်းများကပိုင်းခြားထားကြောင်းသိရသည်။ Nakdong မြစ် သည် တောင်ကိုရီးယားနိုင်ငံ၏ အရှည်ဆုံးမြစ်တစ်ခု ဖြစ်ပြီး ဘူဆန်မြို့၏ Haeundae ကမ်းခြေသည် တောင်ကိုရီးယားနိုင်ငံတွင်းတွင် အကြီးဆုံးကမ်းခြေတစ်ခုဖြစ်ကြောင်း လည်းသိရသည်။ ဘူဆန်မြို့သည် (၂၀ဝ၅)ခုနှစ်တွင် APEC ထိပ်သီးအစည်းအဝေးကို လက်ခံကျင်းပခဲ့ပြီး နိုင်ငံတကာကွန်ဗင်းရှင်းများအတွက် အဓိကအချက်အချာနေရာတစ်ခုဖြစ်ကြောင်း လည်းသိရသည်။ ထို့ပြင် ဘူဆန်မြို့သည် (၂၀ဝ၂)ခုနှစ် အာရှကစားပွဲများနှင့် ဖီဖာကမ္ဘာ့ဖလားတို့ကို လက်ခံကျင်းပခဲ့ပြီး တောင်ကိုရီးယားနိုင်ငံတွင်းတွင် အားကစားပြိုင်ပွဲများအတွက် အဓိက အချက်အချာ နေရာတစ်ခုလည်းဖြစ်သည်။ ဘူဆန်မြို့သည် ကမ္ဘာ့ အကြီးဆုံးစတိုးဆိုင်ဖြစ်သည့် Shinsegae Centum City ၏နေအိမ်လည်းဖြစ်ပြီး (၂၀၁၄)ခုနှစ် ဒီဇင်ဘာ လတွင် ၎င်းကို ရုပ်ရှင်မြို့တော်အဖြစ် UNESCO Cre­ative Cities Network သို့ ထည့်သွင်းခဲ့ကြောင်း သိရသည်။

စီးပွားရေး

ဘူဆန်မြို့သည် ကမ္ဘာ့အဆင့်မီ ကြီးမား သောဆိပ်ကမ်းများရှိမှုနှင့်အတူ အရှေ့မြောက်အာရှ တွင် ရေကြောင်းပို့ဆောင်ရေးဆိုင်ရာအချက်အချာ နေရာတစ်ခုဖြစ်ပြီး Eurasian တိုက်ကြီးသို့ဝင်ပေါက် တစ်ခုလည်းဖြစ်သည်။ (၂၀၂၂)ခုနှစ်တွင် ဘူဆန်မြို့ ၏ စုစုပေါင်းဂျီဒီပီမှာ ဝမ်(၁၀၄)ထရီလျံအထိရှိခဲ့ပြီး တစ်ဦးချင်းဂျီဒီပီမှာ ဝမ်(၃၉ ဒသမ ၆)သန်းအထိရှိခဲ့ ကြောင်းသိရသည်။ ဘူဆန်မြို့၏စီးပွားရေးကို ဝန် ဆောင်မှုလုပ်ငန်း (၇၀ ဒသမ ၃)ရာခိုင်နှုန်း၊ ကုန် ထုတ်လုပ်မှု(၁၉ ဒသမ ၈)ရာခိုင်နှုန်း၊ ဆောက်လုပ်ရေး (၅ ဒသမ ၉) ရာခိုင်နှုန်း၊ စိုက်ပျိုးရေးနှင့်ငါးဖမ်းလုပ် ငန်း(ဝ ဒသမ ၈)ရာခိုင်နှုန်းနှင့် အခြားကဏ္ဍများ (၃ ဒသမ ၂)ရာခိုင်နှုန်းတို့ဖြင့်ဖွဲ့စည်းထားခြင်းဖြစ်သည်။

ကမ္ဘာပေါ်တွင် ခြောက်ခုမြောက်အကြီးဆုံး ဆိပ်ကမ်းဖြစ်သော ဘူဆန်ဆိပ်ကမ်းသည် (၂၀၂၀)ပြည့်နှစ်တွင် ကွန်တိန်နာပမာဏ(၂၁ ဒသမ ၈၁)သန်းကို စီမံဆောင်ရွက်ခဲ့ကြောင်းသိရသည်။ ဘူ ဆန်ဆိပ်ကမ်းသည် တရုတ်ကမ်းရိုးတန်းမှ စင်ကာပူ နိုင်ငံသို့သွယ်တန်းထားသော (၂၁)ရာစု ပင်လယ်ရေ ကြောင်းပိုးလမ်းမ၏ တစ်စိတ်တစ်ပိုင်းဖြစ်ကြောင်း လည်းသိရသည်။ ထို့ပြင် ဘူဆန်မြို့သည် အဏ္ဏဝါ သိပ္ပံနှင့် R&D ၏ အချက်အချာနေရာတစ်ခုလည်းဖြစ် ပြီး ကိုရီးယားရေကြောင်းအဖွဲ့အစည်း (KMI) ၊ Korea Institute of Ocean Science and Tech­nology (KIOST)၊ အမျိုးသားငါးထွက်ကုန်အရည် အသွေးစီမံခန့်ခွဲမှုဝန်ဆောင်မှု၊Korea Hydro­graphic and Oceanographic Agency (KHOA) နှင့် Yeongdo ခရိုင်ရှိ Dongsam Inno­vation Complex တွင်တည်ရှိသော တောင်ကိုရီး ယားအမျိုးသားရေကြောင်းပြတိုက်ကဲ့သို့သော သက် ဆိုင်ရာအဖွဲ့အစည်းများစွာ၏ နေအိမ်လည်းဖြစ်သည်။ ထို့ပြင် နိုင်ငံတကာ ကုန်စည်ပို့ဆောင်သူများအသင်း များအဖွဲ့ချုပ် (FIATA)  ၏ ကမ္ဘာလုံးဆိုင်ရာလွှတ် တော်ကို (၂၀၂၀)ပြည့်နှစ်က ဘူဆန်မြို့တွင်ကျင်းပ ခဲ့ကြောင်း သိရသည်။

ဘူဆန်မြို့သည် ကမ္ဘာလုံးဆိုင်ရာ MICE  (အစည်းအဝေးများ၊ ဆွဲဆောင်မှုများ၊ ညီလာခံများနှင့် ပြပွဲများ) လုပ်ငန်းအတွက် လူသိများသည့် မြို့တစ်မြို့ လည်းဖြစ်သည်။ ဘူဆန်မြို့၏ စည်းဝေးပွဲနှင့်ပြပွဲဇုန် တွင် BEXCO ကွန်ဗင်းရှင်းစင်တာ၊ Nurimaru APEC House  နှင့် သဘာဝပတ်ဝန်းကျင်အနီးရှိ ဟို တယ်များအပါအဝင် ကြီးမားသော နိုင်ငံတကာပွဲများ ကို လက်ခံကျင်းပရန် ကောင်းမွန်သောအခြေအနေ များနှင့် အခြေခံအဆောက်အအုံများရှိကြောင်းသိရ သည်။ ဘူဆန်မြို့တွင်ကျင်းပခဲ့သော အဓိက နိုင်ငံတ ကာညီလာခံများမှာ (၂၀ဝ၅)ခုနှစ် APEC အဖွဲ့ စီး ပွားရေးခေါင်းဆောင်များ ထိပ်သီးအစည်းအဝေး၊ (၂၀၁၄)ခုနှစ် အာဆီယံ-ကိုရီးယား သမ္မတ အထိမ်း အမှတ် ထိပ်သီးအစည်းအဝေး၊ (၂၀၁၈)ခုနှစ် အာဖ ရိက ဖွံ့ဖြိုးရေးဘဏ်အုပ်စု နှစ်ပတ်လည်အစည်းအ ဝေးများ ပါဝင်ကြောင်းသိရသည်။

ဘူဆန်မြို့သည် ဘဏ္ဍာရေးဆိုင်ရာ အ ချက်အချာနေရာတစ်ခုဖြစ်ပြီး တောင်ကိုရီးယားနိုင်ငံ ၏ တစ်ခုတည်းသော ငွေချေးသက်သေခံလက်မှတ် လဲလှယ်ရေးအော်ပရေတာဖြစ်သည့် Korea Ex­change (KRX)  ၏ရုံးချုပ်သည် ဘူဆန်မြို့တွင်ရှိ ကြောင်းသိရသည်။ ထို့ပြင် ဘူဆန်မြို့သည်Korea Technology Finance Corporation၊  Korea Asset Management Corporation၊  Korea Housing-Finance Corporation၊  Korea Housing & Urban Guarantee Corporation၊  Korea Securities Depository၊  Korea Maritime Guarantee Insurance၊  Maritime Finance Center၊  Korea Shipping and Maritime Transportation Co., Ltd၊   Korea Asset Management Corporation နှင့် BNK ဘဏ္ဍာရေးအုပ်စုတို့ကဲ့သို့သော ဘဏ္ဍာရေးဆိုင်ရာ အဖွဲ့အစည်းအများအပြားအခြေစိုက်သည့်နေရာ တစ်ခုဖြစ်ကြောင်းလည်းသိရသည်။

ဘူဆန်မြို့တွင်Lotte Department Store၊ Lotte Premium Outlet ၊ Shinsegae Premium Outlet တို့ကဲ့သို့သော အဓိကစတိုး ဆိုင်ကြီးများအပြင် Homeplus ၊ e-mart  နှင့် Costco တို့ကဲ့သို့ စူပါမားကတ်ဆိုင်ခွဲကြီးများရှိ ကြောင်းလည်းသိရသည်။ ဘူဆန်မြို့၏ အဓိက ဟိုတယ်များတွင် Westin Chosun Busan၊ Paradise Busan နှင့် Park Hyatt Busan ဟိုတယ်တို့ပါဝင်ပြီး ခရီးသွားများတည်းခိုရန်အ ကောင်းဆုံးနေရာများအဖြစ် သတ်မှတ်ခံထားရသည့် ဟိုတယ်များဖြစ်ကြောင်းသိရသည်။