ရောင်နီ (NSS) - အောက်တိုဘာ ၁၇

           မူးယစ်ဆေးသုံးစွဲမှုနဲ့ ထောင်ဒဏ်ကျခံခဲ့ရတဲ့ တောင်ကိုရီးယား သရုပ်ဆောင် A (အမည်လွှဲ) ဟာ ထောင်မှ လွတ်လာပြီးနောက်မှာလည်း မူးယစ်ဆေးဝါး သုံးစွဲမှု၊ ရဲတပ်ဖွဲ့ဝင်ကို ကိုယ်ထိလက်ရောက်ကျူးလွန်မှုနဲ့ ထပ်မံ ဖမ်းဆီးခံရတယ်လို့ သိရပါတယ်။ 

          အင်ချွန်းခရိုင် မှုခင်းဌာနခွဲ ၇ မှ တရားသူကြီး မွန်းဂျုံချုလ်က အသက် ၃၂ နှစ်အရွယ် သူမဟာ ပထမအကြိမ် ထိန်းသိမ်းခံရပြီးနောက် ပြန်လွတ်လာချိန်မှာလည်း မူးယစ်ဆေးဝါး ဆက်လက်ဝယ်ယူသုံးစွဲနေခဲ့ပြီး မတ်လ ၂ ရက်မှ မေလ ၂၂ ရက်အတွင်း ကီတာမင် ၂၀ ဂရမ် ခြောက်ကြိမ် (အမေရိကန်ဒေါ်လာ ၇၀၀၀ ခန့်) သုံးစွဲမှုနဲ့ တရားစွဲဆိုခဲ့ တယ်လို့ ဆိုပါတယ်။ ယခင်က မူးယစ်ဆေးဝါး သုံးစွဲမှုနဲ့လက်ဝယ်တွေ့ရှိမှုအတွက် ဒဏ်ငွေ ကျပ် ၅ သန်း (အမေရိကန်ဒေါ်လာ ၃၅၃၀ ခန့်) ပေးဆောင်ခဲ့ဖူးပေမယ့် ယခုလည်း အလားတူပြစ်မှု ထပ်မံကျူးလွန်ခဲ့တယ်လို့ ဆိုပါတယ်။

         ဒါအပြင် A ဟာ ဧပြီလ ၂၂ ရက်ကလည်း ရဲအရာရှိ B(အမည်လွှဲ) ကို ကိုယ်ထိလက်ရောက် စော်ကားမှုနဲ့ စွဲချက်တင် ခံခဲ့ရပြီး ဖမ်းဝရမ်းထုတ်ခဲ့ရဖူးပါတယ်။ အဆိုပါ သရုပ်ဆောင်မင်းသမီးရဲ့နာမည်ကိုတော့ လျို့ဝှက်ထား တာကြောင့် ဘယ်သူဘယ်ဝါမှန်း မသိရသေးပါဘူး။ အင်ချွန်းခရိုင် တရားရုံးက အဆိုပါ သရုပ်ဆောင် မင်းသမီး A ကို မူးယစ်ဆေးဝါးထိန်းချုပ်ရေးအက်ဥပဒေ ဖောက်ဖျက်မှု၊ ရုံးတာဝန်တွေကို နှောင့်ယှက်မှုနဲ့ အောက်တိုဘာလ ၁၆ ရက်က ထောင်ဒဏ် ၂ နှစ် ချမှတ်လိုက်တယ်လို့ ဆိုပါတယ်။