ဗင်နီဇွဲလားကမ်းလွန်က သင်္ဘောတစ်စီးကို အမေရိကန်ရဲ့ တိုက်ခိုက်မှုတွေကြောင့် မူးယစ်ဆေးဝါးမှောင်ခိုကူးသူ(၆)ဦးသေဆုံး
Pika(NSS) အောက်တိုဘာ ၁၆
ဗင်နီဇွဲလားကမ်းလွန်ပင်လယ်ပြင်မှာ မူးယစ်ဆေးဝါးတွေသယ်ဆောင်လာတဲ့ သင်္ဘောတစ်စီးကို အမေရိကန်တပ်ဖွဲ့တွေက တိုက်ခိုက်မှုတွေလုပ်ဆောင်ခဲ့ရာ မူးယစ်ဆေးဝါးမှောင်ခိုကူးသူ(၆)ဦးသေဆုံးခဲ့တယ်လို့ အမေရိကန်သမ္မတဒေါ်နယ်ထရမ့်က ထုတ်ပြန်ပြောကြားခဲ့ပါတယ်။ဒေါ်နယ်ထရမ့်က”အဲ့ဒီသင်္ဘောဟာ မူးယစ်ဆေးဝါးတွေ သယ်ဆောင်လာတဲ့ သင်္ဘောတစ်စီးဖြစ်တယ်ဆိုတာကို ထောက်လှမ်းရေးတွေက တရားဝင်အတည်ပြုခဲ့ပြီးနောက် အမေရိကန်ရေတပ်က တိုက်ခိုက်မှုတွေ လုပ်ဆောင်ခဲ့တာပဲဖြစ်ပါတယ်။အဲ့ဒီသင်္ဘောဟာ မူးယစ်အကြမ်းဖက်သမားတွေရဲ့ ကွန်ရက်တွေနဲ့ဆက်စပ်နေတယ်ဆိုတာကို အတည်ပြုနိုင်ခဲ့ပါတယ်။အမေရိကန်ရေတပ်ရဲ့ တိုက်ခိုက်မှုအတွင်း မူးယစ်ဆေးဝါးမှောင်ခိုကူးသူ(၆)ဦးသေဆုံးခဲ့ပါတယ်။”လို့ပြောဆိုခဲ့ပါတယ်။ ဗင်နီဇွဲလားကမ်းလွန်မှာ မူးယစ်ဆေးဝါးသယ်ဆောင်လာတဲ့ သင်္ဘောတွေကို အမေရိကန်ရဲ့ တိုက်ခိုက်မှုတွေဟာ ပင်လယ်ရေကြောင်းကနေ မူးယစ်ဆေးဝါးစီးဆင်းမှုတွေကို ရပ်တန့်စေခဲ့ပြီး လက်ရှိအချိန်မှာ အမေရိကန်ဟာ မြေပြင်မှာရှာဖွေမှုတွေကို စတင်လုပ်ဆောင်ရလိမ့်မယ်လို့ ဒေါ်နယ်ထရမ့်က ပြီးခဲ့တဲ့ရက်ပိုင်းမှာ အမေရိကန်တပ်ဖွဲ့တွေကို ပြောကြားခဲ့တယ်လို့လည်း သိရပါတယ်။ပြီးခဲ့တဲ့လတွေအတွင်း ဗင်နီဇွဲလားကမ်းလွန်မှာ စစ်သင်္ဘောတွေကို အမေရိကန်က ဖြန့်ကျက်ချထားခဲ့ပြီးနောက် ဗင်နီဇွဲလားနဲ့ အမေရိကန်နိုင်ငံကြားတင်းမာမှုတွေ စတင်မြင့်တက်လာခဲ့တယ်လို့လည်း သိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
(၂၀၂၅ - ၂၀၂၆) ဘောလုံးရာသီ ပရီးမီးယားလိဂ်ပွဲစဉ်(၈)အတွက် ပွဲကြိုသုံးသပ်ချက်များ
RELATED POSTS
08 Nov 2026 | မှုခင်း,ပြည်တွင်း
07 Nov 2026 | မှုခင်း,ပြည်တွင်း
